AVESTA: KHORDA AVESTA (Book of Common Prayer)

This digital edition copyright © 1995 by Joseph H. Peterson. Based on edition of Karl F. Geldner, Avesta, the Sacred Books of the Parsis, Stuttgart, 1896.

YASHTS (Hymns)




1. Ohrmazd Yasht

0 (pa n&m i Yazd&, hOrmvzd i XadAe i aBazUnI gurz Xarahe aBazAyAT,
dAdAr hOrmvzd i raemaNd i XarahemaNd mainyu& mainyO i bVtum bV rasAT,
vZ hamA gunAh patit paSVm&nOm, vZ haraWistIn duSmat duZUxt duZWarvSt mvn pa gVqI minIT Waem guft Waem kard Waem jast Waem bun bUT vstvT vZ & gunAhihA maniSnI gaBvSnI kuniSnI tanI rw&nI gVqI mainyu&nI Oxe aBaxS paSVm& pa sv gaBvSnI pa patit hOm.) xCnaoqra ahurahe mazdl tarOidIti aMrahe mainyVuS,
haiqyAwarSt&m hyaT WasnA fvraCOtvmvm.
fvrastuyE humatOibyascA hUxtOibyascA hwarStOibyascA m&qBOibyascA WaxvDBOibyascA WarStwOibyascA, aibigairyA daiqE WIspA humatAcA hUxtAcA hwarStAcA, paitiricyA daiqE WIspA duSmatAcA duZUxtAcA duZwarStAcA.
fvrA WV rAhI amvCA spvNtA YasnvmcA WahmvmcA fvrA manaMhA fvrA WacaMhA fvrA KyaoqanA fvrA aMhuyA fvrA tanwascIT XaFyl uStanvm.

[Cf. y11.17 seq.]

staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

ahurahe mazdl raEwatO XarvnaMuhatO xCnaoqra YasnAica WahmAica xCnaoqrAica frasastayaEca.
YaqA ahU WairyO, zaotA frA mE mrUtE aqA ratuS aCATcIT haca, frA aCawa WIDwl mraotU.


1 pvrvsaT zaraquStrO ahurvm mazd&m,
ahura mazda mainyO spVniSta dAtarv gaEqan&m astwaitin&m aCAum kaT asti m&qrahe spvNtahe amawastvmvm kaT Wvrvqrawastvmvm kaT XarvnaMuhastvmvm kaT YAskvrvstvmvm 2 kaT WArvqraGnyOtvmvm kaT baECazyOtvmvm kaT TbaECO-taurway&stvmvm daEwan&m maKyAn&mca,
kaT WIspahe aMhVuS astwatO mana asti WIjaGmiStvm kaT WIspahe aMhVuS astwatO aMhw&m asti WImarvziStvm.
3 AaT mraoT ahurO mazdl,
ahmAkvm n&ma spitama zaraquStra YaT amvCan&m spvNtan&m,
taT asti m&qrahe spvNtahe amawastvmvm taT Wvrvqrawastvmvm taT XarvnaMuhastvmvm taT YAskvrvstvmvm 4 taT WArvqraGnyOtvmvm taT baECazyOtvmvm taT TbaECO-taurway&stvmvm daEwan&m maKyAn&mca,
taT WIspahe aMhVuS astwatO mana asti WIjaGmiStvm taT WIspahe aMhVuS astwatO aMhw&m asti WImarvziStvm.
5 AaT aoxta zaraquStrO,
frOiT mE taT n&ma framrUiDi
aCAum ahura mazda
YaT tE asti maziStvmca WahiStvmca sraEStvmca YAskvrvstvmvmca WArvqraGnyOtvmvmca baECazyOtvmvmca TbaECO-taurway&stvmvmca daEwan&m maKyAn&mca,
6 Yaqa azvm taurwayeni
WIspe daEwa maKy&sca
Yaqa azvm taurwayeni
WIspe YAtawO pairiklsca
YaT m&m naEciS taurwayAT
nOiT daEwO naEDa maKyO
nOiT YAtawO naEDa pairikl.
7 AaT mraoT ahurO mazdl,
fraxStya n&ma ahmi aCAum zaraquStra
bityO W&qByO
qrityO awa-tanuyO
tUirya aCa WahiSta
puxDa WIspa Wohu mazdaDAta aCaciqra
xStwO YaT ahmi xratuS
haptaqO xratuml
aStvmO YaT ahmi cistiS
nAumO cistiwl,
8 dasvmO YaT ahmi spAnO
aEwaNdasO spanaMuhl
dwadasO ahurO
qridasO svwiStO
caqrudasO imaT WIdwaEStwO
paNcadasa awanvmna
xCwaS-dasa hAta-marvniS
haptadasa WIspa-hiCas
aStadasa baECazya
nawadasa YaT ahmi dAtO
WIs&stvmO ahmi YaT ahmi mazdl n&ma.
9 YazaECa m&m zaraquStra
paiti asni paiti xCafne
YasO-bvrvtAbyO zaoqrAbyO,
jasAni-tE awaMhaEca rafnaMhaEca
azvm YO ahurO mazdl
jasAiti-tE awaMhaEca rafnaMhaEca
YO WaMhuS sraoCO aCyO
jaslNti-tE awaMhaEca rafnaMhaEca
Yl ApO Ylsca urwarl
Ylsca aCAun&m frawaCayO.


10 Yezi WaCi zaraquStra
awl TbaECl taurwayO
daEwan&m maKyAn&mca
YAqB&m pairikan&mca
sAqr&m kaoy&m karafn&mca
mairyan&mca bizaNgran&m
aCvmaoGan&mca bizaNgran&m
Wvhrkan&mca caqBarv-zaNgran&m
11 haEnaylsca pvrvqwainikayl
pvrvqu-drafCayl vrvDBO-drafCayl uzvgvrvptO-drafCayl
xrUrvm drafCvm barvNtayl
aqa iml nAmVnIS drvNjayO framrawa
WIspAiS ay&nca xCafnasca,
12 pAyuSca ahmi dAtAca qrAtAca ahmi ZnAtAca mainyuSca ahmi spvNtOtvmO baECazya n&ma ahmi baECazyOtvma n&ma ahmi Aqrawa n&ma ahmi Aqrawatvma n&ma ahmi ahura n&ma ahmi mazdl n&ma ahmi aCawa n&ma ahmi aCawastvma n&ma ahmi XarvnaMha n&ma ahmi XarvnaMuhastvma n&ma ahmi pouru-darSta n&ma ahmi pouru-darStvma n&ma ahmi dUraEdarSta n&ma ahmi dUraEdarStvma n&ma ahmi.
13 spaSta n&ma ahmi WIta n&ma ahmi dAta n&ma ahmi pAta n&ma ahmi qrAta n&ma ahmi ZnAta n&ma ahmi ZnOiSta n&ma ahmi fCUml n&ma ahmi fCUCe-m&qra n&ma ahmi isv-xCaqra n&ma ahmi isv-xCaqryOtvmO n&ma ahmi n&mO-xCaqrO n&ma ahmi n&mO-xCaqryOtvmO n&ma ahmi.
14 aDawiS n&ma ahmi WIDawiS n&ma ahmi paiti-pAyuS n&ma ahmi TbaECO-taurwl n&ma ahmi haqrawane n&ma ahmi WIspawane n&ma ahmi WIspataSv n&ma ahmi WIspa-XAqra n&ma ahmi pouru-XAqra n&ma ahmi XAqrawl n&ma ahmi.
15 Wvrvzi-saoka n&ma ahmi Wvrvzi-sawl n&ma ahmi svwI n&ma ahmi sUrl n&ma ahmi svwiSta n&ma ahmi aCa n&ma ahmi bvrvza n&ma ahmi xCaqrya n&ma ahmi xCaqryOtvma n&ma ahmi hudAnuS n&ma ahmi hudAnuStvmO n&ma ahmi dUraE-sUka n&ma ahmi,
tlsca iml nAmVnIS.
16 Yasca-mE aEtahmi aMhwO YaT astwaiNti spitama zaraquStra iml nAmVnIS drvNjayO framrawa paiti WA asni paiti WA xCafne
17 framrawa us-WA hiStO nI-WA paiDyamnO nI-WA paiDyamnO us-WA hiStO aiBylMhanvm WA aiBylMhayamnO aiBylMhanvm WA bUjayamnO frA-WA CUsa haca gAtaoT frA-WA CUsa haca zaNtaoT frA-WA CUsa haca dai?haoT awa-jasa daFyUm-A
18 nOiT dim nara ai?he ay&n nOiT ai?hl xCapO aECmO-drUtahe druxSmanaMhO awasyAT nOiT akawO nOiT cakawO nOiT iCawO nOiT karvta nOiT Wazra nOiT WIsvNte asAnO awasyAT.
19 WIs&staca iml nAmVnIS
parStasca pairiwArasca
WIsvNte pairi mainyaoyAT
drujaT WarvnyayAaTca drw&iqyAT
zIzi-YUCaTca kayaDAT
WIspO-mahrkAaTca pairi
drwataT YaT aMrAT mainyaoT
m&nayvn ahe Yaqa hazaMrvm nar&m
Oyum narvm aiByAxCayOiT.


20 kV Wvrvqrvm jA qBA pOi sVNghA YOi hvNtI
ciqrA mOi d&m ahUmbiS ratUm cIZdI
aT hOi WohU svraoCO jaNtU manaMhA
mazdA ahmAi YahmAi WaCI kahmAicIT.


21 nvmvm kawaEm XarvnO nvmO airyene WaEjahi nvmO saoke mazdaDAite nvmO ape dAityayl nvmO arvduyl ApO anAhitayl nvmvm WIspayl aCaonO stOiS.
YaqA ahU WairyO...(10).
aCvm WohU...(10).
22 ahunvm WairIm Yazamaide, aCvm WahiStvm sraEStvm amvCvm spvNtvm Yazamaide,
amvmca qrvmvmca aojasca Wvrvqrvmca Xarvnasca zawarvca Yazamaide,
ahurvm mazd&m raEwaNtvm XarvnaMuhaNtvm Yazamaide,
Ye?hE hAt&m AaT Yesne
paitI WaMhO mazdl ahurO
WaEqA aCAT hacA
YlMh&mcA t&scA tlscA Yazamaide.


(Recite silently:)

(hOrmvzd i XadAe i aBazUnI mardum mardum sardag& hamA sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

23 YaqA ahU WairyO...(2).
Yasnvmca Wahmvmca aojasca zawarvca AfrInAmi ahurahe mazdl raEwatO XarvnaMuhatO.
aCvm WohU....
______________________________

24 nipAyOiS maCIm urwaqvm
YawaEtAite zaraquStra
aurwaqAT parO duSmainyaoT,
mA-tvm urwaqvm frAyawayOiS snaqAi
mA duZbvrvtVe zyAn&m
apayatVe mA YasOiS
aom narvm dAitIm YO-nA
maziStvm Yasnvm YazAite
kasiStvm YasnyAT frAyatAT
Wahmy& amvCV spvNtV.
25 iDa asti Wohu manO
mana d&mi zaraquStra
iDa aCvm YaT WahiStvm
mana d&mi zaraquStra
iDa xCaqrvm WairIm
mana d&mi zaraquStra
iDa spvNta ArmaitiS
mana d&mi zaraquStra
iDa haurwata amvrvtAta
YOi stO miZdvm aCaon&m
parO-asti jasvNt&m
mana d&mi zaraquStra.
26 WaEqAca taTca kaEqica
Ai aCAum zaraquStra
mana xraqBAca cistica,
YAiS A aMhuS pouruyO bawaT YaqAca aMhaT apVmvm aMhuS.
27 hazaMrvm baECazan&m baEwarv baECazan&m (3),
spvNtaheca ArmatOiS,
Armaitica spvNtaya
aEC&m TbaECO sciNdayaDBvm
pairi uCi WArayaDBvm
h&m gawa nidarvzayaDBvm
h&m zanwa zvmbayaDBvm
aipi dvrvzwanvm dvrvzayaDBvm.


28 kaT aCawa mazda WanaT drwaNtvm, aCawa WanaT drujim aCawa WanaT drwaNtvm.
uCi ahurahe mazdl Yazamaide darvqrAi m&qrahe spvNtahe,
xratUm ahurahe mazdl Yazamaide marvqrAi m&qrahe spvNtahe,
hizw&m ahurahe mazdl Yazamaide frawAkAi m&qrahe spvNtahe,
aom gairIm Yazamaide Yim uCi-d&m uCi-darvnvm paiti asni paiti xCafne YasO-bvrvtAbyO zaoqrAbyO.
29 AaT aoxta zaraquStrO, upa qBA azvm maire anu-daDayaT spvNtayl ArmatOiS dOiqrAbya awAstryata mairyO.
30 hazaMrvm baECazan&m baEwarv baECazan&m,
ahe narS aCaonO frawaCIm Yazamaide YO asmO-Xanwl n&ma,
aDAT anyaEC&m aCaon&m fraxSti YazAi frawarvta,
gaokvrvnahe sUrahe mazdaDAtahe gaokvrvnvm sUrvm mazdaDAtvm Yazamaide.
31 uCi ahurahe mazdl Yazamaide darvqrAi m&qrahe spvNtahe,
xratUm ahurahe mazdl Yazamaide marvqrAi m&qrahe spvNtahe,
hizw&m ahurahe mazdl Yazamaide frawAkAi m&qrahe spvNtahe,
aom gairIm Yazamaide Yim uCi-d&m uCi-darvnvm paiti asni paiti xCafne YasO-bvrvtAbyO zaoqrAbyO.
aCvm WohU....
(ahe narS ... YasO-bvrvtAbyO zaoqrAbyO (3).)
aCvm WohU....
32 dAmIm Yazamaide Y&m ArmaitIm spvNt&m Yehe dAqre aCaheca aCaon&mca aCa-paoiryan&m dAman&m,
aEtaT dim WIspan&m maziStvm ... dAman&m aCaon&m.
33 aCvm WohU....
ahmAi raESca ... hazaMrvm ... jasa-mE ... (kvrba maZd...) aqa jamyAT Yaqa AfrInAmi.
aCvm WohU.....


2. Haft Amahraspand Yasht (Hymn to the 7 Archangels)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
haft amvSAspvNd bV rasAT,
vZ hamA gunAh ... pa patit hOm.)


xCnaoqra ahurahe mazdl tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

1 ahurahe mazdl raEwatO XarvnaMuhatO amvCan&m spvNtan&m,
WaMhawe manaMhe AxStOiS h&m-WaiNtyl tarvDAtO anyAiS dAm&n Asnahe xraqBO mazdaDAtahe gaoCO-srUtahe xraqBO mazdaDAtahe.
2 aCahe WahiStahe sraEStahe airyamanO iKyehe sUrahe mazdaDAtahe saokayl WaMhuyl Wouru-dOiqrayl mazdaDAtayl aCaonyl,
xCaqrahe Wairyehe ayOxCustahe marvZdikAi qrAyO-driGaowe.
3 spvNtayl WaMhuyl ArmatOiS rAtayl WaMhuyl Wouru-dOiqrayl mazdaDAtayl aCaonyl,
haurwatAtO raqBO YAiryayl huCitOiS sarvDaEibyO aCahe ratubyO,
amvrvtatAtO raqBO fCaonibya W&qBAbya aspanibya Yaonibya gaokvrvnahe sUrahe mazdaDAtahe.
4 (gAh i hABan)
miqrahe Wouru-gaoyaotOiS rAmanasca XAstrahe,
(gAh i rapiqBin)
aCahe WahiStahe Aqrasca ahurahe mazdl,
(gAh i uzIrin)
bvrvzatO ahurahe nafvDrO ap&m apasca mazdaDAtayl.
5 (gAh i aiBisrUqrvm)
aCAun&m frawaCin&m Gvn&n&mca WIrO-W&qBan&m YAiryaylsca huCitOiS amaheca hutAStahe huraoDahe WvrvqraGnaheca ahuraDAtahe WanaiNtylsca uparatAtO,
(gAh i uSahin)
sraoCahe aCyehe aCiwatO WvrvqrAjanO frAdaT-gaEqahe raCnaoS
raziStahe arStAtasca frAdaT-gaEqayl WarvdaT-gaEqayl


xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


6 ahurvm mazd&m raEwaNtvm XarvnaMuhaNtvm Yazamaide amvCA spvNtA huxCaqrA huDlMhO Yazamaide,
Wohu manO amvCvm spvNtvm Yazamaide,
AxStIm h&m-WaiNtIm Yazamaide tarvDAtvm anyAiS dAm&n,
Asnvm xratUm mazdaDAtvm Yazamaide,
gaoCO-srUtvm xratUm mazdaDAtvm Yazamaide.
7 aCvm WahiStvm sraEStvm amvCvm spvNtvm Yazamaide,
airyamanvm iCIm Yazamaide,
sUrvm mazdaDAtvm Yazamaide,
saok&m WaMuhIm Wouru-dOiqr&m mazdaDAt&m aCaonIm Yazamaide,
xCaqrvm WairIm amvCvm spvNtvm Yazamaide,
ayOxCustvm Yazamaide,
marvZdikvm qrAyO-driGUm Yazamaide.
8 spvNt&m WaMuhIm ArmaitIm Yazamaide,
rAt&m WaMuhIm Wouru-dOiqr&m mazdaDAt&m aCaonIm Yazamaide,
haurwatAtvm amvCvm spvNtvm Yazamaide,
YAiry&m huCitIm Yazamaide,
sarvDa aCawana aCahe ratawO Yazamaide,
amvrvtatAtvm amvCvm spvNtvm Yazamaide,
fCaonIm W&qB&m Yazamaide,
aspanAca YewInO Yazamaide,
gaokvrvnvm sUrvm mazdaDAtvm Yazamaide.
9 (gAh i hABan)
miqrvm Wouru-gaoyaoitIm Yazamaide, rAma XAstrvm Yazamaide,


(gAh i rapiqBin)
aCvm WahiStvm Atrvmca ahurahe mazdl puqrvm Yazamaide,


(gAh i uzIrin)
bvrvzaNtvm ahurvm xCaqrIm xCaEtvm ap&m napAtvm aurwaT-aspvm
Yazamaide, apvmca mazdaDAt&m aCaonIm Yazamaide.
10 (gAh i aiBisrUqrvm)
aCAun&m WaMuhIS sUrl spvNtl frawaCayO Yazamaide,
Gvnlsca WIrO-W&qBl Yazamaide,
YAiry&mca huCitIm Yazamaide,
amvmca hutaStvm huraoDvm Yazamaide,
WvrvqraGnvmca ahuraDAtvm Yazamaide,
WanaiNtImca uparatAtvm Yazamaide,


(gAh i uSahin)
sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide,
raCnUm raziStvm Yazamaide,
arStAtvmca frAdaT-gaEq&m WarvdaT-gaEq&m Yazamaide.
____________________


11 YAtu-zI zaraquStra WanaT daEwO maKyO kO nmAnahe bADa spitama zaraquStra WIspa druxS janAiti WIspa druxS nACAiti Yaqa hO nO aEtaEC&m Wac&m.
12 aoi-tE aoi tanwO daDAiti aoi-tE aoi aqaurunvm janAiti aqaurunvm Yaqa raqaEStArvm WIspa-nO asruStVe nACAtan&m aojaMha YO hIm daste dArvnvm YOi hapta amvCl spvNta huxCaqra huDlMhO hamarvqan&mciT,
daEn&m mAzdayasnIm aspO-kvhrp&m Apvm mazdaDAt&m aCaonIm Yazamaide.
13 Atarv-Witarv-maibyA Witarv-maibyA WImraoT zaraquStra Atarv-Witarv-maibyasciT Witarv-maibyasciT WImraoT zaraquStra YaT WaMhVuS manaMhO YaT aiqyejaMhvm Wac&m fraspAwarvS frAca framvrvqBaca fraj&qBaca.
14 satawata satV-Wita utawata utV-Wita uta uta apa-barvnuta Yaqa bastvm frawaCn&m daEn&m mAzdayasnIm nACAtan&m aojaMha.
aCvm WohU....
(YAtu-zI ... nACAtan&m aojaMha.
aCvm WohU...(7).)


(Recite silently:)

15 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi ahurahe mazdl raEwatO XarvnaMuhatO ... WarvdaT-gaEqayl.
aCvm WohU....
ahmAi raESca ... hazaMrvm ... (kvrba maZd) ... aCvm
WohU.....


3. Ardwahisht Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT, ardabahiSt amvSAspvNd bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

aCahe WahiStahe sraEStahe airyamanO iKyehe sUrahe
mazdaDAtahe saokayl WaMhuyl Wouru-dOiqrayl mazdaDAtayl aCaonyl
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 mraoT ahurO mazdl spitamAi zaraquStrAi,
AaT YaT aCa WahiSta fradaiqICa spitama zaraquStra staotarvca zaotarvca zbAtarvca m&qranaca YaStarvca AfrItarvca aibijarvtarvca WaMhAna xCaEta raocl XanwaitISca WvrvzO ahmAkvm YasnAica WahmAica YaT amvCan&m spvNtan&m.
2 AaT aoxta zaraquStrO,
mrUiDi bA WacO arS-WacO ahura mazda,
Yaqa tE aMhvn YaT aCa WahiSta frAdAhIS spitama zaraquStra staotarvca zaotarvca zbAtarvca m&qranaca YaStarvca AfrItarvca aibijarvtarvca WaMhAna xCaEta raocl XanwaitISca WvrvzO YUCmAkvm YasnAica WahmAica YaT amvCan&m spvNtan&m.
3 Adim framraomi aCvm WahiStvm,
Yezi framraomi aCvm WahiStvm AaT anyaEC&m YaT amvCan&m spvNtan&m hwAyaonvm Yim pAiti mazdl humatAiS Yim pAiti mazdl hUxtAiS Yim pAiti mazdl hwarStAiS,
garO-nmAne ahurahe hwAyaonvm.
4 garO nmAnvm nvrvyO asti aCAwaoyO naEciS drwat&m ayene paitiS
garO nmAnvm rawOhu aCAyaonvm ciqrvm ahurvm mazd&m.
5 janaiti WIspaEC&m aMrO mainyuS ahmAi YAqB&m pairikan&mca
airyamanvm m&qran&m maziStvm m&qran&m WahiStvm m&qran&m sraEStvm m&qran&m sraEStOtvmvm m&qran&m uGrvm m&qran&m uGrOtvmvm m&qran&m dvrvzrvm m&qran&m dvrvzrOtvmvm m&qran&m WArvqraGni m&qran&m WArvqraGnyOtvmvm m&qran&m baECazvm m&qran&m baECazyOtvmvm.
6 m&qran&m aCO-baECazO dAtO-baECazO karvtO-baECazO
urwarO-baECazO m&qrO-baECazO baECazan&m baECazyOtvmO YaT m&qrvm spvNtvm baECazyO,
YO narS aCaonO haca uruqB&n baECazyAT,
aECO-zI asti baECazan&m baECazyOtvmO.
7 Yaska apa-dwarata mahrka apa-dwarata daEwa apa-dwarata
paityAra apa-dwarata,
aCvmaoGO anaCawa apa-dwarata maKyO sAsta apa-dwarata,
8 aZiciqra apa-dwarata WvhrkO-ciqra apa-dwarata bizvNgrO-ciqra
apa-dwarata,
tarO-mata apa-dwarata pairi-mata apa-dwarata tafnu apa-dwarata spazga apa-dwarata anAxSta apa-dwarata duZdOiqra apa-dwarata,
9 draoGO WAxS draojiSta apa-dwarata,
jahi YAtumaiti apa-dwarata jahi kaXarvDaine apa-dwarata,
WAtO paourwO-apAxtara apa-dwarata WAtO paourwO-apAxtara apa-nasyata Yasca-mE aEtaEC&m YaT aZiciqran&m.
10 YO janaT aEC&m daEwan&m
hazaMrAi hazaMrO pairi
baEwarAi baEwanO paiti Yaska jaiNti mahrka jaiNti daEwa jaiNti paityAra jaiNti aCvmaoGO anaCawa jaiNti maKyO sAsta jaiNti,
11 aZiciqra jaiNti WvhrkO-ciqra jaiNti bizvNgrO-ciqra jaiNti
tarO-mata jaiNti pairi-mata jaiNti tafnu jaiNti spazga jaiNti anAxSta jaiNti duZdOiqra jaiNti,
12 draoGO WAxS draojiSta jaiNti jahi YAtumaiti jaiNti jahi
kaXarvDaine jaiNti WAtO paourwO-apAxtara jaiNti WAtO paourwO-apAxtara apa-nasyata Yasca-mE aEtaEC&m YaT bizvNgrO-ciqran&m.
13 YO janaT aEC&m daEwan&m
hazaMrAi hazaMrO pairi
baEwarAi baEwanO
pairi paourwa-naEmAT pataT
dyaoS daEwan&m draojiStO
aMrO mainyuS pouru-mahrkO.
14 adawata aMrO mainyuS pouru-mahrkO,
AwOya-mE bAwOya aCa WahiSta Yaskan&m YaskOtvmvm janAT Yaskan&m YaskOtvmvm TbaECayAT,
mahrkan&m mahrkOtvmvm janAT mahrkan&m mahrkOtvmvm TbaECayAT,
daEwan&m daEwOtvmvm janAT daEwan&m daEwOtvmvm TbaECayAT,
paityAran&m paityArOtvmvm janAT paityAran&m paityArOtvmvm TbaECayAT,
aCvmaoGO anaCawa janAT aCvmaoGO anaCawa TbaECayAT,
maKyO-sAsta-sAstOtvmvm janAT maKyO-sAsta-sAstOtvmvm TbaECayAT.
15 aZiciqra-aZiciqrOtvmvm janAT aZiciqra-aZiciqrOtvmvm
TbaECayAT WvhrkO-ciqra-WvhrkO-ciqrOtvmvm janAT WvhrkO-ciqra-WvhrkO-ciqrOtvmvm TbaECayAT bizvNgrO-ciqra-bizvNgrO-ciqrOtvmvm janAT bizvNgrO-ciqra-bizvNgrO-ciqrOtvmvm TbaECayAT tarO-mata janAT tarO-mata TbaECayAT pairi-mata janAT pairi-mata TbaECayAT tafnu-tafnOtvmvm janAT tafnu-tafnOtvmvm TbaECayAT spazga-spazgOtvmvm janAT spazga-spazgOtvmvm TbaECayAT anAxSta-anAxStOtvmvm janAT anAxSta-anAxStOtvmvm TbaECayAT duZdOiqra-duZdOiqrOtvmvm janAT duZdOiqra-duZdOiqrOtvmvm TbaECayAT.
16 draoGO WAxS-draojiStO janAT draoGO WAxS-draojiStO TbaECayAT
jahi YAtumaiti janAT jahi YAtumaiti TbaECayAT jahi kaXarvDaine janAT jahi kaXarvDaine TbaECayAT WAtO paourwO-apAxtara janAT WAtO paourwO-apAxtara TbaECayAT.
17 apanasyAT druxS nasyAT druxS dwArAT druxS WInasyAT apAxvDre
apa-nasyehe mA mvrvNcainIS gaEql astwaitIS aCahe.


18 ahe raya XarvnaMhaca
tvm YazAi surunwata Yasna
aCvm WahiStvm sraEStvm amvCvm spvNtvm zaoqrAbyO,
aCvm WahiStvm sraEStvm amvCvm spvNtvm Yazamaide haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


(Recite silently:)

(hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

19 YaqA ahU WairyO...(2).
Yasnvmca Wahmvmca aojasca zawarvca AfrInAmi
aCahe WahiStahe sraEStahe airyamanO iKyehe sUrahe mazdaDAtahe saokayl WaMhuyl Wouru-dOiqrayl mazdaDAtayl aCaonyl.
aCvm WohU....
ahmAi raESca ... hazaMrvm ... jasa-mE ... (kvrba maZd...)
aqa jamyAT Yaqa AfrInAmi.
aCvm WohU.....


4. Hordad Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
aBvrdAT amvSAspvNd bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

haurwatAtO raqBO YAiryayl huCitOiS sarvDaEibyO aCahe
ratubyO
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 mraoT ahurO mazdl spitamAi zaraquStrAi,
azvm daD&m haurwatAtO nar&m aCaon&m awlsca rafnlsca baoCnlsca XItlsca awOi fraca Yaoxmaide YO-tE jasAiti amvCan&m spvNtan&m Yaqa jasAiti amvCan&m spvNtan&m WohU manO aCvm WahiStvm xCaqrvm WairIm spvNt&m ArmaitIm haurwatlsca amvrvtatlsca.
2 YO aEC&m daEwan&m hazaMrAi hazaMrO paitiS baEwarAi baEwanO
ah&xStAi ah&xStayO paitiS nAmVni amvCan&m spvNtan&m haurwatAtO zbayOiT nasUm janaT haCi janaT GaCi janaT saEne janaT bUji janaT.
3 AaT paoirIm framraomi narvm aCawanvm imaT raCnwO raziSta
imaT amvCaEibyO spvNtaEibyO YO asti mainyawan&m Yazatan&m rayO-nAmanl tl bUjaT narvm aCawanvm haca nasUm haca haCi haca GaCi haca saEne haca bUji haca haEnayl pvrvqu-ainikayl haca drafCayl pvrvqu-uzgvrvptayl haca maKyAi drwaityAi sAstayAi haca ustrAi WairyAi haca narO sAstayAi haca YAtAi haca pairikAi haca urusta.
4 kuqa para aCaon&m paqa urwaCaiti kuqa drwat&m,
AaT mraoT ahurO mazdl,
Yezi-mE m&qrvm framrawa marl-WA drvNjayl-WA frA-WA mrawa karCAim
kArayeiti haom tanUm guzaEta,
5 k&mciT qB&mca drujvmca
haiqyO-ayan&m hvNtIm
k&mciT WA aipyaEn&m hvNtIm k&mciT WA raEqBan&m k&mciT qB&mca drujvmca
airyAbyO pADaEibyO janAni
qB&mca drujvmca baNdAmi
qB&mca drujvmca niGne
qB&mca drujvmca niZbarvm
aDairi-naEmvmca.
6 qri-karCvm frakArayeiti frA-mraomi narvm aCawanvm,
xCwaS-karCvm frakArayeiti xCwaS frA-mraomi narvm aCawanvm,
nawa-karCvm frakArayeiti nawa frA-mraomi narvm aCawanvm.
7 nAmVni aEC&m drujin&m
nasUm-kvrvta paiti janaiti
jata karapanO ciqrIm
jAmAca mvrvtO saoca
YV zaota zaraquStrO
vrvGataT haca daoZawAT
hw&m anu uStIm zaoCvmca
Yaqa kaqaca-hE zaoCO.
8 pasca hU frACmO-dAitIm
apAxvDra-naEmvm janaiti
pasca hwO nOiT uzuxCyamnO
nasUm stvrvqBata snaiqiCa
WIxrUmaNtvm maire nACaite
mainyawan&m Yazatan&m
xCnaoqrAica frasastayaEca.
9 zaraquStra aEtvm m&qrvm
mA fradaxCayO anyAT
piqre WA puqrAi brAqre WA haDO-zAtAi
AqrawanAi WA qrAyaone
haosraogaonO hudaEnO
YO hudaEnO aCawa aurwO
WIspa karvCO rADayeiti.


10 ahe raya XarvnaMhaca
tvm YazAi surunwata Yasna
haurwatAtvm amvCvm spvNtvm zaoqrAbyO,
haurwatAtvm amvCvm spvNtvm Yazamaide haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


(Recite silently:)

(hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

11 YaqA ahU WairyO...(2).
Yasnvmca Wahmvmca aojasca zawarvca AfrInAmi haurwatAtO raqBO YAiryayl huCitOiS sarvDaEibyO aCahe ratubyO.
aCvm WohU....
ahmAi raESca ... hazaMrvm ... jasa-mE ... (kvrba maZd...)
aqa jamyAT Yaqa AfrInAmi.
aCvm WohU.....


5. Ardui Sur Bano Yasht (Hymn to the Waters)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
arduIsUr b&nO bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

arvduyl ApO anAhitayl aCaonyl WIspan&mca urwaran&m mazdaDAtan&m
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 mraoT ahurO mazdl spitamAi zaraquStrAi,
YazaECa-mE-hIm spitama zaraquStra Y&m arvdwIm sUr&m anAhit&m pvrvqU-frAk&m baECazy&m
WIdaEw&m ahurO-TkaEC&m
Yesny&m aMuhe astwaite
Wahmy&m aMuhe astwaite
ADU-frADan&m aCaonIm
W&qBO-frADan&m aCaonIm
gaEqO-frADan&m aCaonIm
CaEtO-frADan&m aCaonIm
dai?hu-frADan&m aCaonIm.
2 YA WIspan&m arCn&m xCudrl YaoZdaDAiti
YA WIspan&m hAiriCin&m
z&qAi garvB&n YaoZdaDAiti
YA WIspl hAiriCIS huzAmitO daDAiti YA WIspan&m hAiriCin&m
dAitIm raqBIm paEma awa-baraiti.
3 masit&m dUrAT frasrUt&m
YA asti awawaiti masO
Yaqa WIspl iml ApO
Yl zvmA paiti frataciNti
YA amawaiti fratacaiti
hukairyAT haca barvzaMhaT
aoi zrayO Wouru-kaCvm.
4 YaozvNti WIspe karanO
zrayAi Wouru-kaCaya
A-WIspO maiDyO Yaozaiti
YaT hIS aoi fratacaiti
YaT hIS aoi fraZgaraiti
arvdwI sUra anAhita,
Ye?he hazaMrvm Wairyan&m
hazaMrvm apaGZAran&m,
kasciTca aEC&m Wairyan&m
kasciTca aEC&m apaGZAran&m
caqBarv-satvm ayarv-baran&m
hwaspAi naire barvmnAi.
5 ai?hlsca mE aEwaMhl ApO
apaGZArO WI-jasAiti
WIspAiS aoi karCw&n YAiS hapta,
ai?hlsca mE aEwaMhl ApO
hamaqa awa-baraiti
h&minvmca zayanvmca,
hA-mE ApO YaoZdaDAiti
hA arCn&m xCudrl hA xCaqrin&m garvB&n hA xCaqrin&m paEma.
6 Y&m azvm YO ahurO mazdl hizwArvna uzbaire fradaqAi
nmAnaheca
WIsaheca zaNtVuSca dai?hVuSca pAqrAica harvqrAica aiByAxStrAica nipAtayaEca niSaMharvtayaEca.
7 AaT fraCUsaT zaraquStra
arvdwI sUra anAhita
haca daquCaT mazdl,
srIra WA aMhvn bAzawa
auruCa aspO-staoyehIS,
frA srIra zuCa sispata
aurwaiti bAzu-staoyehi
awaT manaMha mainimna,
8 kO m&m stawAT kO YazAite haomawaitibyO gaomawaitibyO
zaoqrAbyO YaoZdAtAbyO pairiaMharStAbyO,
kahmAi azvm upaMhacayeni haca-manAica ana-manAica frAraMhAi haomanaMhAica.
9 ahe raya XarvnaMhaca
t&m YazAi surunwata Yasna
t&m YazAi huyaSta Yasna
arvdwIm sUr&m anAhit&m aCaonIm zaoqrAbyO,
ana buyl zawanO-sAsta ana buyl huyaStatara arvdwI sUre anAhite haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


2
10 YazaECa-mE-hIm spitama zaraquStra Y&m arvdwIm anAhit&m ...
dai?hu-frADan&m aCaonIm,

[Yt5.1 is repeated here and in the following Kardehs.]

11 YO paourwa-WACvm WazAite
&xnl draZaite WACahe
ahmya WACe Wazvmna
narvm paitiSmarvmna
awaT manaMha mainimna,
kO m&m stawAT ... haomanaMhAica.
[yt5.8]
ahe raya ... tlsca Yazamaide.
[yt5.9]


3
12 YazaECa-mE ... dai?hu-frADan&m aCaonIm,
13 Ye?he caqBArO WaStAra
spaEta WIspa hama-gaonlMhO
hama-nAfaEni bvrvzaNta
taurwayaNta WIspan&m TbiCwat&m TbaECl
daEwan&m maKyAn&mca
YAqB&m pairikan&mca
sAqr&m kaoy&m karafn&mca.
ahe raya ... tlscA Yazamaide.


4
14 YazaECa-mE ... dai?hu-frADan&m aCaonIm,
15 amawaitIm xCOiqnIm bvrvzaitIm huraoD&m Ye?he awawaT asnAaTca
xCafnAaTca
tAtl ApO awa-barvNte
Yaqa WIspl iml ApO
Yl zvmA paiti frataciNti
YA amawaiti fratacaiti.
ahe raya ... tlsca Yazamaide.


5
16 YazaECa-mE ... dai?hu-frADan&m aCaonIm,
17 t&m Yazata
YO daDwl ahurO mazdl
airyene WaEjahi WaMhuyl dAityayl haomayO gawa barvsmana hizwO daMhaMha m&qraca Wacaca
Kyaoqnaca zaoqrAbyasca arSuxDaEibyasca WAGZibyO.
18 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm hAcayene
puqrvm YaT pouruCaspahe
aCawanvm zaraquStrvm
anumatVe daEnayAi
anuxtVe daEnayAi
anu-WarStVe daEnayAi.
19 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


6
20 YazaECa-mE ... dai?hu-frADan&m aCaonIm,
21 t&m Yazata
haoKyaMhO paraDAtO
upa upa-bdi harayl
satvm aspan&m arCn&m hazaMrvm gaw&m baEwarv anumayan&m.
22 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm upvmvm xCaqrvm
bawAni WIspan&m daFyun&m
daEwan&m maKyAn&mca
YAqB&m pairikan&mca
sAqr&m kaoy&m karafn&mca,
Yaqa azvm nijanAni
dwa qriCwa mAzanyan&m daEwan&m
Warvnyan&mca drwat&m.
23 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlsca Yazamaide.


7
24 YazaECa-mE ... dai?hu-frADan&m aCaonIm,
25 t&m Yazata
YO YimO xCaEtO hw&qBO
hukairyAT paiti barvzaMhaT
satvm aspan&m arCn&m hazaMrvm gaw&m baEwarv anumayan&m.
26 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm upvmvm xCaqrvm
bawAni WIspan&m daFyun&m
daEwan&m maKyAn&mca
YAqB&m pairikan&mca
sAqr&m kaoy&m karafn&mca,
Yaqa azvm uzbarAni
haca daEwaEibyO
uyE IStiSca saokAca
uyE fCaonISca W&qBAca
uyE qr&fsca frasastiSca.
27 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


8
28 YazaECa-mE ... dai?hu-frADan&m aCaonIm,
29 t&m Yazata
aZiS qrizafl dahAkO
baBrOiS paiti dai?haowe
satvm aspan&m arCn&m hazaMrvm gaw&m baEwarv anumayan&m.
30 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite Yaqa azvm amaKy& kvrvnawAni WIspAiS aoi karCw&n YAiS hapta.
31 nOiT ahmAi daqaT taT awaT Ayaptvm arvdwI sUra anAhita.
ahe raya ... tlscA Yazamaide.


9
32 YazaECa-mE ... dai?hu-frADan&m aCaonIm,
33 t&m Yazata
WIsO puqrO AqByAnOiS
WIsO sUrayl qraEtaonO
upa Warvnvm caqru-gaoCvm
satvm aspan&m arCn&m hazaMrvm gaw&m baEwarv anumayan&m.
34 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite YaT bawAni aiBi-Wanyl aZIm dahAkvm qrizafanvm qrikamvrvDvm xCwaS-aCIm hazaMrA-YaoxStIm aSaojaMhvm daEwIm drujvm aGvm gaEqAwyO drwaNtvm Y&m aSaojastvm&m drujvm fraca kvrvNtaT aMrO mainyuS aoi Y&m astwaitIm gaEq&m mahrkAi aCahe gaEqan&m,

[Cf. Y9.8; the good Mss. abbreviate.] uta-hE WaNta azAni
saMhawAci arvnawAci
YOi hvn kvhrpa sraESta zazAitVe
gaEqyAi-tE YOi abdOtvme.
35 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


10
36 YazaECa-mE ... dai?hu-frADan&m aCaonIm,
37 t&m Yazata
naire-manl kvrvsAspO
pasne WarOiS piCinaMhO
satvm aspan&m arCn&m hazaMrvm gaw&m baEwarv anumayan&m.
38 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
YaT bawAni aiBi-Wanyl
gaNdarvBvm Yim zairi-pACnvm
upa YaozvNta karana
zraya Wouru-kaCaya
AtacAni sUrvm nmAnvm
drwatO YaT paqanayl
skarvnayl dUraEpArayl.
39 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


11
40 YazaECa-mE ... dai?hu-frADan&m aCaonIm,
41 t&m Yazata
mairyO tUiryO fraMrase
haNkaine paiti ai?hl zvmO
satvm aspan&m arCn&m hazaMrvm gaw&m baEwarv anumayan&m.
42 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm awaT XarvnO
apayemi Yim Wazaite
maiDim zrayaMhO Wouru-kaCahe
YaT asti airyan&m daFyun&m
zAtan&m azAtan&mca
YaTca aCaonO zaraquStrahe.
43 nOiT ahmAi daqaT taT awaT Ayaptvm arvdwI sUra anAhita.
ahe raya ... tlscA Yazamaide.


12
44 YazaECa-mE ... dai?hu-frADan&m aCaonIm,
45 t&m Yazata
aurwO aS-WarvcO kawa usa
vrvzifyAT paiti garOiT
satvm aspan&m arCn&m hazaMrvm gaw&m baEwarv anumayan&m.
46 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm upvmvm xCaqrvm
bawAni WIspan&m daFyun&m
daEwan&m maKyAn&mca YAqB&m pairikan&mca
sAqr&m kaoy&m karafn&mca.
47 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


13
48 YazaECa-mE ... dai?hu-frADan&m aCaonIm,
49 t&m Yazata
arCa airyan&m daFyun&m
xCaqrAi haosrawa
pasne WarOiS caEcastahe
jafrahe urwApahe
satvm aspan&m arCn&m hazaMrvm gaw&m baEwarv anumayan&m.
50 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm upvmvm xCaqrvm
bawAni WIspan&m daFyun&m
daEwan&m maKyAn&mca ... karafn&mca,
YaT WIspan&m Yuxtan&m
azvm fratvmvm qaNjayeni
ana Xarvt&m Y&m darvG&m
nawa-frAqBvrvsAt razurvm
YO m&m mairyO nurvm manO
aspaECu paiti parvtata.
51 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


14
52 YazaECa-mE ... dai?hu-frADan&m aCaonIm,
53 t&m Yazata
taxmO tusO raqaEStArO
barCaECu paiti aspan&m
zAwarv jaiDyaNtO hitaEibyO
drwatAtvm tanubyO
pouru-spaxStIm TbiCyaNt&m paiti-jaitIm duSmainyun&m
haqrA-niwAitIm hamvrvqan&m aurwaqan&m TbiCyaNt&m.
[y57.26]
54 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
YaT bawAni aiBi-Wanyl
aurwa hunawO WaEsakaya
upa dwarvm xCaqrO-sukvm
apanOtvmvm kaMhaya
bvrvzaNtaya aCawanaya,
Yaqa azvm nijanAni
tUiryan&m daFyun&m
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca.
55 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlsca Yazamaide.


15
56 YazaECa-mE ... dai?hu-frADan&m aCaonIm,
57 t&m YazvNta
aurwa hunawO WaEsakaya
upa dwarvm xCaqrO-sukvm
apanOtvmvm kaMhaya
bvrvzaNtaya aCawanaya
satvm aspan&m arCn&m hazaMrvm gaw&m baEwarv anumayan&m.
58 AaT hIm jaiDyvn,
awaT Ayaptvm dazdi-nO
WaMuhi svwiSte arvdwI sUre anAhite
YaT bawAma aiBi-Wanyl
taxmvm tusvm raqaEStArvm
Yaqa WaEm nijanAma
airyan&m daFyun&m
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca.
59 nOiT aEibyasciT daqaT taT awaT Ayaptvm arvdwI sUra anAhita.
ahe raya ... tlscA Yazamaide.


16
60 YazaECa-mE ... dai?hu-frADan&m aCaonIm,
61 t&m Yazata
pAurwO YO WifrO nawAzO
YaT dim usca uzdw&nayaT
Wvrvqrajl taxmO qraEtaonO
mvrvGahe kvhrpa kahrkAsahe.
62 hO awaqa Wazata
qri-ayarvm qri-xCaparvm
paitiS nmAnvm Yim XApaiqIm
nOiT aora awOirisyAT,
qraoSta xCafnO qrityayl
frAGmaT uClMhvm sUrayl WiwaitIm
upa uClMhvm upa-zbayaT
arvdwIm sUr&m anAhit&m,
63 arvdwI sUre anAhite
moCu mE jawa awaMhe
nUrvm mE bara upast&m,
hazaMrvm tE azvm zaoqran&m haomawaitin&m gaomawaitin&m YaoZdAtan&m pairiaMharStan&m barAni aoi Apvm Y&m raMh&m Yezi jum frapayemi
aoi z&m ahuraDAt&m
aoi nmAnvm Yim XaEpaiqIm.
64 upa-tacaT arvdwI sUra anAhita
kainInO kvhrpa srIrayl
aSamayl huraoDayl
uskAT YAstayl vrvzwaiqyO
raEwaT ciqrvm AzAtayl
nizvNga aoqra paitiSmuxta
zaranyOurwIxCna bAmya,
65 hA-hE bAzawa gvurwayaT
moCu taT As nOiT darvGvm
YaT frAyatayaT qBaxCvmnO
aoi z&m ahuraDAt&m
aoi nmAnvm Yim XaEpaiqIm
drUm awaNtvm airiStvm
hamaqa Yaqa paraciT
66 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


17
67 YazaECa-mE ... dai?hu-frADan&m aCaonIm,
68 t&m Yazata jAmAspO
YaT spADvm pairi-awaEnaT
dUrAT ayaNtvm rasmaoyO
drwat&m daEwayasnan&m
satvm aspan&m arCn&m hazaMrvm gaw&m baEwarv anumayan&m.
69 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
Yaqa azvm awata Wvrvqra hacAne
Yaqa WIspa anyV aire.
70 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


18
71 YazaECa-mE ... dai?hu-frADan&m aCaonIm,
72 t&m YazvNta aCawazdl puqrO pouruDAxStOiS aCawazdasca
qritasca sAyuZdrOiS puqra upa bvrvzaNtvm ahurvm xCaqrIm xCaEtvm ap&m napAtvm aurwaT-aspvm satvm aspan&m arCn&m hazaMrvm gaw&m baEwarv anumayan&m.
73 AaT hIm jaiDyvn,
awaT Ayaptvm dazdi-nO
WaMuhi svwiSte arvdwI sUre anAhite
YaT bawAma aiBi-Wanyl
dAnawO sUra WyAxana
karvmca asabanvm Warvmca asabanvm taNciStvmca dUraEkaEtvm
ahmi gaEqe pvCanAhu.
74 daqaT aEibyasciT taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


19
75 YazaECa-mE ... dai?hu-frADan&m aCaonIm,
76 t&m Yazata
WistauruS YO naotairy&nO
upa Apvm Y&m WItaMuhaitIm
vrvZuxDAT paiti WacaMhaT
uiti WacVbiS aojanO,
77 tA bA aCa tA arSuxDa
arvdwI sUre anAhite
YaT mE awawaT daEwayasnan&m nijatvm
Yaqa sArvm Warsan&m barAmi,
AaT mE tUm arvdwI sUre anAhite
huKvm pvCum raEcaya
tarO WaMuhIm WItaMuhaitIm.
78 upa-tacaT arvdwI sUra anAhita
kaininO kvhrpa srIrayl
aSamayl huraoDayl
uskAT YAstayl vrvzwaiqyO
raEwaT ciqrvm AzAtayl
zaranya aoqra paitiSmuxta
YA WIspO-pIsa bAmya
arvmaEStl anyl ApO kvrvnaoT
fraCa anyl fratacaT
huKvm pvCum raEcayaT
tarO WaMuhIm WItaMuhaitIm.
79 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


20
80 YazaECa-mE ... dai?hu-frADan&m aCaonIm,
81 t&m Yazata
yOiStO YO fryanan&m
paiti pVdwaEpV raMhayl
satvm aspan&m arCn&m hazaMrvm gaw&m baEwarv anumayan&m.
82 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
YaT bawAni aiBi-Wanyl
axtIm duZdvm tvmaMhuNtvm
uta-hE fraCna paiti-mrawAne nawaca nawaitImca xruZdran&m TbaECO-parStan&m YaT m&m pvrvsaT axtyO duZdl tvmaMuhl.
83 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


21
84 YazaECa-mE ... dai?hu-frADan&m aCaonIm,
85 Yahmya ahurO mazdl
hwapO niwaEDayaT
AiDi paiti awa-jasa
arvdwI sUre anAhite
haca awaTbyO stvrvbyO
aoi z&m ahuraDAt&m,
qB&m YazlNte aurwlMhO
ahurlMhO dai?hu-patayO
puqrlMhO dai?hu-paitin&m.
86 qB&m naraciT YOi taxma
jaiDylNte Asu-aspIm
XarvnaMhasca uparatAtO,
qB&m AqrawanO marvmnO
AqrawanO qrAyaonO
mastIm jaiDylNte spAnvmca
WvrvqraGnvmca ahuraDAtvm
WanaiNtImca uparatAtvm.
87 qB&m kaininO WaDre Yaona
xCaqra hwApl jaiDylNte
taxmvmca nmAnO-paitIm,
qB&m carAitiS zizanAitiS
jaiDylNte huzAmIm,
tUm tA aEibyO xCayamna
nisirinawAhi arvdwI sUre anAhite.
88 AaT fraCusaT zaraquStra
arvdwI sUra anAhita
haca awaTbyO stvrvbyO
aoi z&m ahuraDAt&m,
AaT aoxta arvdwI sUra anAhita,
89 vrvzwO aCAum spitama
qB&m daqaT ahurO mazdl
ratuS astwaiqyO gaEqayl
m&m daqaT ahurO mazdl
nipAtAra WIspayl aCaonO stOiS,
mana raya XarvnaMha paswasca staorAca upairi z&m WIcarvNta maKyAca bizvNgra,
azvm bOiT tUm tA nipayemi WIspa WohU mazdaDAta aCaciqra m&nayvn ahe Yaqa pasUm pasu-Wastrvm.
90 paiti dim pvrvsaT zaraquStrO arvdwIm sUr&m anAhit&m,
arvdwI sUre anAhite
kana qB&m Yasna YazAne
kana Yasna frAyazAne
Yasv-tawa mazdl kvrvnaoT tacarv aNtarv arvqvm upairi hwarvxCaEtvm
Yasv-qBA nOiT aiBi-druZlNte
aZiSca arvqnAiSca WaBZakAiSca
WarvnwAiSca Warvnawa-WICAiSca.
91 AaT aoxta arvdwI sUra anAhita,
vrvzwO aCAum spitama
ana m&m Yasna YazaECa
ana Yasna frAyazaECa
haca hU WaxCAT A-hU frACmO-dAtOiT,
A-tU-mE aEtayl zaoqrayl fraMharOiS AqrawanO parStO-WacaMhO paiti-parStO-srawaMhO m&zdrO haDa-hunarO tanu-m&qrO.
92 mA-mE aEtayl zaoqrayl fraMharvNtu harvtO mataftO madruStO
masaciS makaswIS mastrI madahmO asrAwayaT-gAqO mapaEsO YO WItvrvtO-tanuS.
93 nOiT awl zaoqrl paiti-WIse Yl mAwOya fraMuharvNti
aNdlsca
karvnlsca drwlsca mUrlsca arlsca raMhlsca awa daxSta daxStawaNta
YA nOiT pouru-jira fradaxSta WIspan&m anu m&qrvm,
mA-mE aEtaylsciT zaoqrayl fraMharvNtu frakawO mA apakawO mA drwl
WImItO-daNtAnO.
94 paiti dim pvrvsaT zaraquStrO arvdwIm sUrvm anAhit&m,
arvdwI sUre anAhite kvm iDa tE zaoqrl bawaiNti Yasv-tawa frabarvNte drwaNtO daEwayasnlMhO pasca hU frACmO-dAitIm.
95 AaT aoxta arvdwI sUra anAhita,
vrvzwO aCAum spitama zaraquStra niwayaka nipaCnaka apa-skaraka apa-xraosaka iml paiti-WIsvNte Yl mAwOya pasca WazvNti xCwaS-satAiS hazaMrvmca YA nOiT haiti WIsvNti daEwan&m haiti Yasna.
96 YazAi hukairIm barvzO
WIspO-Wahmvm zaranaEnvm
YahmaT mE haca frazgaDaite
arvdwI sUra anAhita
hazaMrAi barvCna WIran&m
masO xCayete XarvnaMhO
Yaqa WIspl iml ApO
Yl zvmA paiti frataciNti
YA amawaiti fratacaiti.
ahe raya ... tlscA Yazamaide.


22
97 YazaECa-mE ... dai?hu-frADan&m aCaonIm,
98 Yim aiBitO mazdayasna
hiStvNta barvsmO-zasta,
t&m YazvNta hwOwlMhO
t&m YazvNta naotairylMhO,
IStIm jaiDyaNta hwOwO
Asu-aspIm naotaire,
moCu pascaEta hwOwO
IStIm baon svwiSta
moCu pascaEta naotaire
WIStAspO lMh&m daFyun&m
Asu-aspOtvmO bawaT.
99 daqaT aEibyasciT taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


23
100 YazaECa-mE ... dai?hu-frADan&m aCaonIm,
101 Ye?he hazaMrvm Wairyan&m hazaMrvm apaGZAran&m, kasciTca
aEC&m Wairyan&m kasciTca aEC&m apaGZAran&m caqBarv-satvm ayarv-baran&m hwaspAi naire barvmnAi,
ka?he ka?he apaGZAire
nmAnvm hiStaite huDAtvm
satO-raocanvm bAmIm
hazaMrO-stunvm hukvrvtvm
baEwarv-fraskvmbvm sUrvm.
102 kvm kvmciT aipi nmAne
gAtu saite XaEui-starvtvm
hubaoiDIm barvziS hawaNtvm,
Atacaiti zaraquStra
arvdwI sUra anAhita
hazaMrAi barvCna WIran&m
masO xCayete XarvnaMhO
Yaqa WIspl iml ApO
Yl zvmA paiti frataciNti
YA amawaiti fratacaiti.
ahe raya ... tlscA Yazamaide.


24
103 YazaECa-mE ... dai?hu-frADan&m aCaonIm,
104 t&m Yazata
YO aCawa zaraquStrO
airyene WaEjahi WaMhuyl dAityayl haomayO gawa ... WAGZibyO.
105 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite,
Yaqa azvm hAcayene
puqrvm YaT aurwaT-aspahe
taxmvm kawaEm WIStAspvm
anumatVe daEnayAi
anuxtVe daEnayAi
anu-WarStVe daEnayAi.
106 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


25
107 YazaECa-mE ... dai?hu-frADan&m aCaonIm,
108 t&m Yazata
bvrvzaiDiS kawa WIStAspO
pasne Apvm frazdAnaom
satvm aspan&m arCn&m hazaMrvm gaw&m baEwarv anumayan&m.
109 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite,
YaT bawAni aiBi-Wanyl
t&qryawaNtvm duZdaEnvm
pvCanvmca daEwayasnvm
drwaNtvmca arvjaT-aspvm
ahmi gaEqe pvCanAhu.
110 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


26
111 YazaECa-mE ... dai?hu-frADan&m aCaonIm,
112 t&m Yazata
aspAyaoDO zairi-WairiS
pasne ApO dAityayl
satvm aspan&m arCn&m hazaMrvm gaw&m baEwarv anumayan&m.
113 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anAhite
YaT bawAni aiBi-Wanyl
pvCOciNghvm aStO-kAnvm
humayakvm daEwayasnvm
drwaNtvmca arvjaT-aspvm
ahmi gaEqe pvCanAhu.
114 daqaT ahmAi taT awaT Ayaptvm arvdwI sUra anAhita
haDa-zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.


27
115 YazaECa-mE ... dai?hu-frADan&m aCaonIm,
116 t&m Yazata
WaNdarvmainiS arvjaT-aspO
upa zrayO Wouru-kaCvm
satvm aspan&m arCn&m hazaMrvm gaw&m baEwarv anumayan&m.
117 AaT hIm jaiDyaT,
awaT Ayaptvm dazdi-mE
WaMuhi svwiSte arvdwI sUre anahite
YaT bawAni aiBi-Wanyl
taxmvm kawaEm WIStAspvm
aspAyaoDO zairi-WairiS,
Yaqa azvm nijanAni
airyan&m daFyun&m
paNcasaGnAi sataGnAiSca sataGnAi hazaMraGnAiSca hazaMraGnAi baEwarvGnAiSca baEwarvGnAi ah&xStaGnAiSca.
118 nOiT ahmAi daqaT taT awaT Ayaptvm arvdwI sUra anAhita.
ahe raya ... tlscA Yazamaide.


28
119 YazaECa-mE ... dai?hu-frADan&m aCaonIm,
120 Ye?he caqBArO arCAna
h&m-tACaT ahurO mazdl
WAtvmca WArvmca maEGvmca fyaMhumca
mISti zI-mE hIm spitama zaraquStra
WArvNtaEca snaEZiNtaEca
srasciNtaEca fyaMhuNtaEca,
Ye?he awawaT haEnan&m
nawa-satAiS hazaMrvmca.
121 YazAi hukairIm barvzO
WIspO-Wahmvm zaranaEnvm
YahmAT mE haca frazgaDaite
arvdwI sUra anAhita
hazaMrAi barvCna WIran&m
masO xCayete XarvnaMhO
Yaqa WIspl iml ApO
Yl zvmA paiti frataciNti
YA amawaiti fratacaiti.
ahe raya ... tlscA Yazamaide.


29
122 YazaECa-mE ... dai?hu-frADan&m aCaonIm,
123 zaranaEnvm paiti-dAnvm
WaMuhi hiStaite draZimnO
arvdwI sUra anAhita
zaoqre WAcim paitiSmarvmna
awaT manaMha mainimna,
124 kO m&m stawAT kO YazAite haomawaitibyO gaomawaitibyO
zaoqrAbyO YaoZdAtAbyO pairiaMharStAbyO,
kahmAi azvm upaMhacayeni haca-manAica ana-manAica frAraMhAi humanaMhAica.
ahe raya ... tlscA Yazamaide.


30
125 YazaECa-mE ... dai?hu-frADan&m aCaonIm,
126 YA hiStaite frawaEDvmna
arvdwI sUra anAhita
kaininO kvhrpa srIrayl
aSamayl huraoDayl
uskAT YAstayl vrvzwaiqyO
raEwaT ciqrvm AzAtayl
frazuCvm aDkvm WaMhAnvm
pouru-paxStvm zaranaEnvm
127 bADa Yaqa-m&m barvsmO-zasta
frA-gaoCAwara sIspvmna
caqru-karana zaranaEni,
minum baraT hwAzAta
arvdwI sUra anAhita
upa t&m srIr&m manaoqrim,
hA-hE maiDim nyAzata
Yaqaca hukvrvpta fStAna
Yaqaca aMhvn niwAzAna.
128 upairi pus&m baNdayata
arvdwI sUra anAhita
satO-straMh&m zaranaEnIm
aSta-kaoZd&m raqa-kairy&m
drafCakawaitIm srIr&m
anu-pOiqBaitIm hukvrvt&m.
129 baBraini Wastrl WaMhata
arvdwI sUra anAhita
qrisatan&m baBran&m
caturv-zIzanat&m YaT asti baBriS sraESta Yaqa YaT asti gaonOtvma [baBriS bawaiti upApO]
Yaqa-kvrvtvm qBarStAi zrUne
carvml WaEnaNtO brAzvNta
frVna vrvzatvm zaranim.
130 AaT WaMuhi iDa svwiSte
arvdwI sUre anAhite
awaT Ayaptvm YAsAmi
Yaqa azvm hwAfritO
masa xCaqra niwAnAni
aS-pacina stUi-baxvDra
fraoqaT-aspa canaT-caxra
xCwaEBayaT-aStra aS-baourwa
niDAtO-pitu hubaoiDi
upa stvrvmaECu WArvma daiDe
parvnaMhuNtvm WIsp&m hujyAitIm
iriqvNtvm xCaqrvm zazAiti.
131 AaT WaMuhI iDa arvdwI sUre anAhite
dwa aurwaNta YAsAmi
Yimca bipaitiStAnvm aurwaNtvm
Yimca caqBarv-paitiStAnvm
aom bipaitiStAnvm arwaNtvm
YO aMhaT AsuS uzgastO
hufraourwaEsO WACl pvCanaECuca
aom caqBarv-paitiStAnvm
YO haEnayl pvrvqu-ainikayl
wa urwaEsayaT karana
hOyUmca daCinvmca
daCinvmca hOyUmca.
132 aEta Yasna aEta Wahma
aEta paiti awa-jasa
arvdwI sUre anAhite
haca awaTbyO stvrvbyO
aoi z&m ahuraDAt&m
aoi zaotArvm Yazvmnvm
aoi pvrvn&m WIGZArayeiNtIm
awaMhe zaoqrO-barAi arvdrAi YazvmnAi
jaiDyaNtAi dAqriS Ayaptvm,
Yaqa tE WIspe aurwaNta
zazwlMha paiti-jas&n
Yaqa kawOiS WIStAspahe.
ahe raya ... tlscA Yazamaide.


(Recite silently:)

133 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
ap&m WaMuhIn&m mazdaDAtan&m arvduyl ApO anAhitayl aCaonyl
[WIspan&mca ap&m mazdaDAtan&m WIspan&mca urwaran&m mazdaDAtan&m aCaonyl].

[Gld. omits]
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


6. Khwarshed Yasht (Hymn to the Sun)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
XarSVT i amarg i rayOmaNd i aurwaNd asp bV rasAT,
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

hwarvxCaEtahe amvCahe raEwahe aurwaT-aspahe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 hwarvxCaEtvm amvCvm raEm
aurwaT-aspvm Yazamaide.
AaT YaT hwarv raoxCne tApayeiti AaT YaT hwarv raocO tApayeiti hiStvNti mainyawlMhO YazatlMhO satvmca hazaMrvmca,
taT XarvnO haNbArayeiNti taT XarvnO nipArayeiNti taT XarvnO baxCvNti z&m paiti ahuraDAt&m,
frADatica aCahe gaEql frADatica aCahe tanuyE.
2 AaT YaT hwarv uzuxCyeiti bwaT
z&m ahuraDAt&m YaoZdAqrvm
Apvm taciNt&m YaoZdAqrvm
Apvm xayan&m YaoZdAqrvm
Apvm zrayan&m YaoZdAqrvm
Apvm arvmaESt&m YaoZdAqrvm
bwaT d&ma aCawa YaoZdAqrvm
Yl hvNti spvNtahe mainyVuS.
3 YeiDi-zI hwarv nOiT uzuxCyeiti aDa daEwa WIspl mvrvNciNti
Yl
hvNti haptO-karCwOhwa,
nawa-ciS mainyawa Yazata aMhawa astwaiNti paiti-dr&m nOiT paitiSt&m WIDvNti.
4 YO Yazaite hwarv YaT amvCvm raEm aurwaT-aspvm paitiStAtVe
tvmaMh&m paitiStAtVe tvmasciqran&m daEwan&m paitiStAtVe tAyun&mca hazasn&mca paitiStAtVe YAtun&mca pairikan&mca paitiStAtVe iqyejaMhO marvCaonahe
Yazaite ahurvm mazd&m
Yazaite amvCV spvNtV
Yazaite haom urwAnvm
xCnAwayeiti WIspe mainyawaca Yazata gaEqyAca YO Yazaite hwarv YaT amvCvm raEm aurwaT-aspvm.
5 YazAi miqrvm Wouru-gaoyaoitIm hazaMra-gaoCvm
baEwarv-caCmanvm,
YazAi Wazrvm huniwixtvm
kamvrvDe paiti daEwan&m
miqrO YO Wouru-gaoyaoitiS,
YazAi haxvDrvmca YaT asti
haxvDran&m WahiStvm
aNtarv mlMhvmca hwarvca.


6 ahe raya XarvnaMhaca
tvm YazAi surunwata Yasna
hwarvxCaEtvm amvCvm raEm
aurwaT-aspvm zaoqrAbyO.
hwarvxCaEtvm amvCvm raEm
aurwaT-aspvm Yazamaide
haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


(Recite silently:)

7 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
hwarvxCaEtahe amvCahe raEwahe aurwaT-aspahe.
aCvm WohU....
ahmAi raESca ... hazaMrvm ... jasa-mE ... (kvrba maZd...)
aqa jamyAT Yaqa AfrInAmi.
aCvm WohU.....


7. Mah Yasht (Hymn to the Moon)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
mAh i buxtAr mAh YazaT bV rasAT,
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

mlMhahe gaociqrahe gVuSca aEwO-dAtayl gVuSca
pouru-sarvDayl
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 nvmO ahurAi mazdAi
nvmO amvCaEibyO spvNtaEibyO
nvmO mlMhAi gaociqrAi
nvmO paiti-dItAi
nvmO paiti-dIti.
2 kaT ml uxCyeiti kaT ml nvrvfsaiti,
paNca-dasa ml uxCyeiti paNca-dasa ml nvrvfsaiti,
Yl hE uxCy&stAtO tl nvrvfs&stAtO tl nvrvfs&stAtO Yl hE uxCy&stAtasciT,
kV YA ml uxCyeiti nvrvfsaiti qBaT.
3 mlMhvm gaociqrvm aCawanvm aCahe ratUm Yazamaide,
taT mlMhvm paiti-WaEnvm taT mlMhvm paiti-WIsvm raoxCnvm mlMhvm aiBi-WaEnvm raoxCnvm mlMhvm aiBi-WIsvm,
hiStvNti amvCl spvNta XarvnO dArayeiNti hiStvNti amvCl spvNta XarvnO baxCvNti z&m paiti ahuraDAt&m.
4 AaT YaT mlMhvm raoxCne tApayeiti miSti urwaran&m
zairi-gaonan&m zaramaEm paiti zvmADa uzuxCyeiti,
aNtarvmlMhlsca pvrvnO-mlMhlsca WICaptaqlsca,
aNtarvmlMhvm aCawanvm aCahe ratUm Yazamaide,
pvrvnO-mlMhvm aCawanvm aCahe ratUm Yazamaide.
WICaptaqvm aCawanvm aCahe ratUm Yazamaide.
5 YazAi mlMhvm gaociqrvm baGvm raEwaNtvm XarvnaMuhaNtvm
afnaMuhaNtvm tafnaMuhaNtvm WarvcaMuhaNtvm xStAwaNtvm IStawaNtvm YaoxStawaNtvm saokawaNtvm zairimyAwaNtvm WohwAwaNtvm baGvm baECazvm.
6 ahe raya XarvnaMhaca
tvm YazAi surunwata Yasna
mlMhvm gaociqrvm zaoqrAbyO,
mlMhvm gaociqrvm aCawanvm aCahe ratUm Yazamaide
haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


7 YaqA ahU WairyO...(2).
Yasnvmca Wahmvmca aojasca zawarvca AfrInAmi
mlMhahe gaociqrahe gVuSca aEwO-dAtayl gVuSca
pouru-sarvDayl.
aCvm WohU....
ahmAi raESca ... hazaMrvm ... jasa-mE ... (kvrba maZd...)
aqa jamyAT Yaqa AfrInAmi.
aCvm WohU.....


8. Tishtar Yasht (Hymn to the Star Sirius)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
tiStar i rayOmaNd i XarahemaNd bV rasAT,
vZ hamA gunAh ... pa patit hOm.)


xCnaoqra ahurahe mazdl tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomi aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO


(Here recite the appropriate Gah dedication.)

tiStryehe stArO raEwatO XarvnaMuhatO satawaEsahe frApahe
sUrahe mazdaDAtahe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


[1]


1 mraoT ahurO mazdl spitamAi zaraquStrAi,
plMhahe aMhuqBvmca ratuqBvmca,
mlMhvmca maEqanvmca
myazdvmca frA-Yazamaide,
YaT mE stArO XarvnaMuhaNtO
haclNte paraca ml
nvrvbyO XarvnO baxCvNti,
YazAi COiqrahe baxtArvm
tiStrIm stArvm zaoqrAbyO,
2 tiStrIm stArvm raEwaNtvm
XarvnaMuhaNtvm Yazamaide
rAma-Cayanvm huCayanvm
auruCvm raoxCnvm frAdvrvsrvm
WyAwaNtvm baECazIm
rawO-fraoqmanvm bvrvzaNtvm
dUrAT WyAwaNtvm bAnubyO
raoxCnibyO anAhitaEibyO,
apvmca pvrvqu-zrayaMhvm
WaMuhImca dUrAT frasrut&m
gVuSca n&ma mazdaDAtvm
uGrvmca kawaEm XarvnO
frawaCImca spitamahe
aCaonO zaraquStrahe.
3 ahe raya XarvnaMhaca
tvm YazAi surunwata Yasna
tiStrIm stArvm zaoqrAbyO,
tiStrIm stArvm raEwaNtvm
XarvnaMuhaNtvm Yazamaide
haomayO gawa barvsmana
hizwO daMhaMha m&qraca
Wacaca Kyaoqnaca zaoqrAbyasca
arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA YlMh&mcA t&scA tlscA Yazamaide.


[2]


4 tiStrIm stArvm raEwaNtvm
XarvnaMuhaNtvm Yazamaide
afSciqrvm sUrvm bvrvzaNtvm
amawaNtvm dUraEsUkvm
bvrvzaNtvm uparO-kairIm
YahmAT haca bvrvzAT haosrawaMhvm
ap&m nafvDraT haca ciqrvm.
ahe raya ... tlscA Yazamaide
(See verse 3).


[3]


5 tiStrIm stArvm raEwaNtvm
XarvnaMuhaNtvm Yazamaide
Yim paitiSmarvNte paswasca staorAca
maKyAca parO darvCw&nO
kaEtaca parO druZiNtO,
kaDa-nO aoi uzyarAT
tiStryO raEwl XarvnaMuhl
kaDa xl aspO-staoyehIS
ap&m taclNti nawa,
ahe raya ... tlscA Yazamaide
(See verse 3).


[4]


6 tiStrIm stArvm raEwaNtvm
XarvnaMuhaNtvm Yazamaide
YO awawaT xCwaEBO WazAite
awi zrayO WourukaCvm
Yaqa tiGriS mainyawasl
Yim aMhaT vrvxCO xCwiBi-iCuS
xCwiBi-iCwatvmO airyan&m
airyO-xCuqaT haca garOiT
XanwaNtvm awi gairIm.
7 taDa dim ahurO mazdl aw&n dAta
taT ApO urwarlsca
pairi-CE Wouru-gaoyaoitiS
miqrO frADayaT paNt&m.
ahe raya ... tlscA Yazamaide
(See verse 3).


[5]


8 tiStrIm stArvm raEwaNtvm
XarvnaMuhaNtvm Yazamaide
YO pairikl taurwayeiti
YO pairikl titArayeiti
Yl stArO kvrvml pataNti
aNtarv z&m asmanvmca
zraya WourukaCaya
amawatO huraoDahe
jafrahe uruyApahe,
bADa WairIm Acaraiti
aspO-kvhrp&m aCaonIm
upAca tl ApO Yaozayeiti aiBica WAta WlNti YaoxtiwaNtO.
9 AaT tl ApO fraCawayeiti satawaEsO awi haptO-karvCwairIS,
WyAhwa YaT jasaiti
srIrO hiStaiti rAmaniwl
huyAiryl awi dai?huS,
kaDa airyl dai?hAwO
huyAiryl bawlNti.
ahe raya ... tlscA Yazamaide
(See verse 3).


[6]


10 tiStrIm stArvm raEwaNtvm XarvnaMuhaNtvm Yazamaide,
YO aoxta ahurAi mazdAi uityaojanO,
ahura mazda mainyO
spVniSta dAtarv gaEqan&m
astwaitin&m aCAum
11 YeDi-zI-mA maKyAka aoxtO-nAmana Yasna YazayaNta Yaqa anye
YazatlMhO aoxtO-nAmana Yasna YaziNti frA nvruyO aCawaoyO
qBarStahe zrU Ayu CuCuy&m
Xahe gayehe XanwatO amvCahe
upa qBarStahe jaGmy&m
aEw&m WA awi xCapanvm
duyE WA paNcAsatvm WA.
12 tiStrImca Yazamaide,
tiStryaEinyasca Yazamaide upa-paoirImca Yazamaide paoiryaEinyasca Yazamaide awe strVuS Y& haptOiriNga paitiStAtVe YAqB&m pairikan&mca,
WanaNtvm stArvm mazdaDAtvm Yazamaide amaheca paiti hutAStahe WvrvqraGnaheca paiti ahuraDAtahe WanaiNtylsca paiti uparatAtO WItarv-&zahyehe paiti WItarv- TbaECahyeheca, tiStrIm drwO-caCmanvm Yazamaide.
13 paoiryl dasa xCapanO spitama zaraquStra tiStryO raEwl
XarvnaMuhl kvhrpvm raEqBayeiti raoxCnuCwa WazvmnO narS kvhrpa paNca-dasaMhO
xCaEtahe spiti-dOiqrahe
bvrvzatO awi-amahe
amawatO hunairylNcO
14 taDa ayaoS Yaqa paoirIm
WIrvm awi Yl bawaiti
taDa ayaoS Yaqa paoirIm
WIrvm awi amO aEiti
taDa ayaoS Yaqa paoirIm
WIrvm vrvzuC&m adaste.
15 hO iqra WyAxmanyeiti
hO iqra parvsanyeiti,
kO m&m nUr&m frAyazAite
gaomawaitibyO haomawaitibyO zaoqrAbyO,
kahmAi azvm daD&m WIray&m IStIm WIray&m W&qB&m hawaheca urunO YaoZdAqrvm,
nUr&m ahmi Yesnyasca
Wahmyasca aMuhe astwaite
aCAT haca YaT WahiStAT.
16 bityl dasa xCapanO spitama zaraquStra tiStryO raEwl
XarvnaMuhl kvhrpvm raEqBayeiti raoxCnuCwa WazvmnO gVuS kvhrpa zaranyO-srwahe.
17 hO iqra WyAxmanyeiti
hO iqra parvsanyeiti,
kO m&m nUr&m frAyazAite
gaomawaitibyO haomawaitibyO zaoqrAbyO kahmAi azvm daD&m gaoy&m IStIm gaoy&m W&qB&m hawaheca urunO YaoZdAqrvm,
nUr&m ahmi Yesnyasca
Wahmyasca aMuhe astwaite
aCAT haca YaT WahiStAT.
18 qrityl dasa xCapanO spitama zaraquStra tiStryO raEwl
XarvnaMuhl kvhrpvm raEqBayeiti raoxCnuCwa WazvmnO aspahe kvhrpa auruCahe
srIrahe zairi-gaoCahe
zaranyO-aiBiDAnahe.
19 hO iqra WyAxmanyeiti
hO iqra parvsanyeiti,
kO m&m nUr&m frAyazAite
gaomawaitibyO haomawaitibyO zaoqrAbyO kahmAi azvm daD&m aspay&m IStIm aspay&m W&qB&m hawaheca urunO YaoZdAqrvm,
nUr&m ahmi Yesnyasca
Wahmyasca aMuhe astwaite
aCAT haca YaT WahiStAT.
20 AaT paiti awAiti spitama zaraquStra
tiStryO raEwl XarvnaMuhl
awi zrayO WourukaCvm
aspahe kvhrpa auruCahe
srIrahe zairi-gaoCahe
zaranyO-aiBiDAnahe.
21 A-dim paiti-Y&S niZdwaraiti
daEwO YO apaoCO
aspahe kvhrpa sAmahe
kaurwahe kaurwO-gaoCahe
kaurwahe kaurwO-barvCahe
kaurwahe kaurwO-dUmahe
daGahe aiBiDAtO-tarStOiS.
22 h&m tAciT bAzuS baratO
spitama zaraquStra tiStryasca raEwl XarvnaMuhl daEwasca YO apaoCO
tl YUiDyaqO spitama zaraquStra
qri-ayarvm qri-xCaparvm,
A-dim bawaiti aiBi-aojl A-dim bawaiti aiBi-Wanyl daEwO YO apaoCO tiStrIm raEwaNtvm XarvnaMuhaNtvm.
23 apa-dim aDAT Wyeiti
zrayaMhaT haca WourukaCAT
hAqrO-masaMhvm aDBanvm,
sAdrvm urwiStrvmca nimrUite
tiStryO raEwl XarvnaMuhl
sAdrvm mE ahura mazda
urwiStrvm ApO urwarlsca
baxtvm daEne mAzdayesne,
nOiT m&m nUr&m maKyAka aoxtO-nAmana Yasna YazvNte Yaqa anye YazatlMhO aoxtO- nAmana Yasna YazvNti.
24 YeiDi-zI-mA maKyAka aoxtO-nAmana Yasna YazayaNta Yaqa anye
YazatlMhO aoxtO-nAmana Yasna YazvNti awi m&m awi-baBry&m
dasan&m aspan&m aojO
dasan&m uStran&m aojO
dasan&m gaw&m aojO
dasan&m gairin&m aojO
dasan&m ap&m nAwayan&m aojO.
25 azvm YO ahurO mazdl tiStrIm raEwaNtvm XarvnaMuhaNtvm
aoxtO-nAmana Yasna Yaze,
awi dim awi-barAmi
dasan&m aspan&m aojO
dasan&m uStran&m aojO
dasan&m gaw&m aojO
dasan&m gairin&m aojO
dasan&m ap&m nAwayan&m aojO.
26-28 AaT paiti awAiti spitama zaraquStra tiStryO raEwl
XarvnaMuhl awi zrayO WourukaCvm ...
(See verse 20). tl YUiDyaqO zaraquStra
A-rapiqBinvm zrwAnvm,
A-dim bawaiti aiBi-aojl A-dim bawaiti aiBi-Wanyl tiStryO raEwl XarvnaMuhl daEUm Yim apaoCvm.
29 apa-dim aDAT Wyeiti
zrayaMhaT haca WourukaCAT
hAqrO-masaMhvm aDBanvm,
uStatAtvm nimrawaite
tiStryO raEwl XarvnaMuhl
uSta-mE ahura mazda
uSta ApO urwarlsca
uSta daEne mAzdayesne
uSta A-bawAT dai?hawO
us WO ap&m aDawO
apaiti-vrvtl jaslNti
aS-dAnun&mca Yawan&m
kasu-dAnun&mca WAstran&m
gaEqan&mca astwaitin&m.
30 AaT paiti awAiti spitama zaraquStra tiStryO raEwl
XarvnaMuhl
awi zrayO WourukaCvm
aspahe kvhrpa auruCahe
srIrahe zairi-gaoCahe
zaranyO-aiBiDAnahe.
31 hO zrayO Ayaozayeiti
hO zrayO WIwaozayeiti
hO zrayO AGzrADayeiti
hO zrayO WIGzrADayeiti
hO zrayO AGZArayeiti
hO zrayO WIGZArayeiti
YaozvNti WIspe karanO
zrayAi WourukaCaya
A WIspO maiDyO Yaozaiti.
32 us paiti aDAT hiStaiti spitama zaraquStra tiStryO raEwl
XarvnaMuhl zrayaMhaT haca WourukaCAT,
us aDAT hiStAT satawaEsO raEwl XarvnaMuhl zrayaMhaT haca WourukaCAT,
AaT taT dunm&n h&m-hiStvNti
us hiNdawaT paiti garOiT
YO hiStaite maiDim zrayaMhO WourukaCahe.
33 AaT taT dunm&n fraCAupayeiti
maEGO-kara aCawanO
frA pourwO WAt&m Wazaiti
Y&m paqO Aiti haomO frACmiS frAdaT- gaEqO,
aqra pascaEta Wazaite
WAtO darCiS mazdaDAtO
WArvmca maEGvmca fyaMhumca
awi asl awi COiqrl
awi karCw&n YAiS hapta.
34 ap&m naplsv-tl ApO spitama zaraquStra aMuhe astwaite
COiqrO-baxtl WI-baxCaiti WAtasca YO darCiS aBZdAtvmca XarvnO aCaon&mca frawaCayO.
ahe raya ... tlscA Yazamaide
(See verse 3).


[7]


35 tiStrIm stArvm raEwaNtvm XarvnaMuhaNtvm Yazamaide
YO awaDAT frawazAite
xCOiqnyAT hiS uCayAT
dUraEurwaEsvm paiti paNt&m
baGO-baxtvm paiti Yaonvm
fraqBarStvm paiti AfvNtvm
zaoCAi ahurahe mazdl
zaoCAi amvCan&m spvNtan&m.
ahe raya ... tlscA Yazamaide
(See verse 3).


[8]


36 tiStrIm stArvm raEwaNtvm XarvnaMuhaNtvm Yazamaide
Yim YArv-carCO maKyehe
ahuraca xratugUtO
aurunaca gairiCAcO
siZdraca rawascarAtO
uzyOrvNtvm hispOsvNtvm
huyAiryAca dai?hawe
uzjasvNtvm duZyAiryAca,
kaDa airyl dai?hAwO
huyAiryl bawlNti.
ahe raya ... tlscA Yazamaide
(See verse 3).


[9]


37 tiStrIm stArvm raEwaNtvm XarvnaMuhaNtvm Yazamaide
Asu-xCwaEBvm xCwiBi-WAzvm
YO awawaT xCwaEBO Wazaite
awi zrayO WourukaCvm
Yaqa tiGriS mainyawasl
Yim aMhaT vrvxCO xCwiBi-iCuS
xCwiBi-iCwatvmO airyan&m
airyO-xCuqaT haca garOiT
XanwaNtvm awi gairIm.
38 awi dim ahurO mazdl
aw&n amvCl spvNta
Wouru-gaoyaoitiS hE miqrO
pouru paNt&m fracaECaEtvm
A-dim paskAT anumarvzatvm
aCiSca WaMuhi bvrvzaiti
pArvNdica raoraqa
WIspvm-A ahmAT YaT aEm
paiti-apayaT WazvmnO
XanwaNtvm awi gairIm
Xanwata paiti niraT.
ahe raya ... tlscA Yazamaide
(See verse 3).


[10]


39 tiStrIm stArvm raEwaNtvm XarvnaMuhaNtvm Yazamaide
YO pairikl taurwayeiti
YO pairikl titArayeiti
Yl uzlMhaT aMrO mainyuS
mamnUS stAr&m afSciqran&m
WIspan&m paiti-vrvtVe.
40 tl tiStryO taurwayeiti
WIwAiti hiS zrayaMhaT haca WourukaCAT,
AaT maEGa us-frawlNte
huyAiryl ApO barvNtiS
YAhwa urwAitiS aBrl
pvrvqu aipi WIjasAitIS
awO urwaitIS hapta karCw&n.
ahe raya ... tlscA Yazamaide
(See verse 3).


[11]


41 tiStrIm stArvm raEwaNtvm XarvnaMuhaNtvm Yazamaide
Yim ApO paitiSmarvNte
arvmaEStl frAtaT-caratasca x&yl qraotO- stAtasca parCuyl Wairylsca,
42 kaDa-nO awi WyarAT
tiStryO raEwl XarvnaMuhl
kaDa xl aspO-staoyehIS
ap&m GZAr&m aiBiGZArvm
srIrlsca asO-COiqrlsca
gaoyaoitISca AtaciNtIS
A-WarvCajiS urwaran&m
sUra WaxCyeNte WaxCa.
ahe raya ... tlscA Yazamaide
(See verse 3).


[12]


43 tiStrIm stArvm raEwaNtvm XarvnaMuhaNtvm Yazamaide
YO WIspAiS naEniZaiti siml
apaya WaZvdriS uxCyeiti
WIsplsv-tl dAm&n baECazyatica svwiStO Yezi aEm bawaiti YaStO
xCnUtO friqO paiti-zaNtO.
ahe raya ... tlscA Yazamaide
(See verse 3).


[13]


44 tiStrIm stArvm raEwaNtvm XarvnaMuhaNtvm Yazamaide
Yim ratUm paiti-daEmca
WIspaEC&m stAr&m
fradaqaT ahurO mazdl
Yaqa nar&m zaraquStrvm,
Yim nOiT mvrvGvNte aMrO mainyuS
nOiT YAtawO pairiklsca
nOiT YAtawO maKyAn&m
naEDa WIspe haqra daEwa
mahrkaqAi upadarZnwaiNti.
ahe raya ... tlscA Yazamaide
(See verse 3).


[14]


45 tiStrIm stArvm raEwaNtvm XarvnaMuhaNtvm Yazamaide
YahmAi hazaMrvm YaoxStin&m
fradaqaT ahurO mazdl
afSciqraECwa svwiStAi
YO afSciqraEibyO Aiti raoxCnuCwa WazvmnO.
46 hO zrayaMhO WourukaCahe
amawatO huraoDahe
jafrahe uruyApahe
WIspV WairiS Acaraiti
WIspVsca srIrV nimraokV
WIspVsca srIrV apaGZAire
aspahe kvhrpa auruCahe
srIrahe zairi-gaoCahe
zaranyO-aiBiDAnahe.
47 AaT ApO awa-barvNte
spitama zaraquStra
zrayaMhaDa haca WourukaCAT
tAtl urwAqrl baECazyl
tl awaDa WIbaxCaiti
AbyO dai?hubyO svwiStO
Yaqa aEm bawaiti YaStO
xCnUtO friqO paiti-zaNtO.
ahe raya ... tlscA Yazamaide
(See verse 3).


[15]


48 tiStrIm stArvm raEwaNtvm XarvnaMuhaNtvm Yazamaide
Yim WIspAiS paitiSmarvNte
YAiS spvNtahe mainyVuS dAm&n
aDairi-zvmAiSca upairi-zvmAiSca YAca upApa YAca upasma YAca fraptvrvj&n YAca rawascar&n YAca upairi tl akarana anaGra aCaonO stiS AiDi.
ahe raya ... tlscA Yazamaide
(See verse 3).


[16]


49 tiStrIm stArvm raEwaNtvm XarvnaMuhaNtvm Yazamaide
qamanaMuhaNtvm WarvcaMuhaNtvm
YaoxStiwaNtvm xCayamnvm
isAnvm hazaMrAi ayaptan&m
YO daDAiti kuxCnw&nAi
pauruS ayaptl jaiDyaNtAi
ajaiDyamnAi maKyAi.
50 azvm daD&m spitama zaraquStra
aom stArvm Yim tiStrIm
awlNtvm Yesnyata
awlNtvm Wahmyata
awlNtvm xCnaoqBata
awlNtvm frasastata
Yaqa m&mciT Yim ahurvm mazd&m.
51 awai?hAi pairikayAi paitiStAtayaEca paitiscaptayaEca
paititarvtayaEca paityaogvT-TbaECaFyAica YA duZyAirya Y&m maKyAka awi duZwacaMhO huyAiry&m n&ma aojaite.
52-53 YeDi-zI azvm nOiT daiDy&m spitama zaraquStra aom stArvm
Yim tiStrIm ...
(See verses 50-51) huyAiry&m n&ma aojaite 54 hamahe zI-mE iDa ay&n hamayl WA xCapO
xl pairika YA duZyAirya
WIspahe aMhVuS astwatO
parOiT pairiqnvm aMhw&m awa-hisiDyAT
Aca paraca dwaraiti.
55 tiStryO zI raEwl XarvnaMuhl aw&m pairik&m Adarvzayeiti
bibdAiSca qribdAiSca awanvmnAiSca WIspabdAiSca m&nayvn ahe Yaqa hazaMrvm nar&m
Oim narvm AdarvzayOiT
YOi hy&n asti aojaMha aojiSta.
56 YaT zI spitama zaraquStra airyl dai?hAwO tiStryehe raEwatO
XarvnaMuhatO aiBi-sacyArvS dAitIm Yasnvmca Wahmvmca Yaqa-hE asti dAityOtvmO Yasnasca Wahmasca aCAT haca YaT WahiStAT,
nOiT iqra airyl dai?hAwO fr&S hyAT haEna nOiT WOiGna nOiT p&ma nOiT kapastiS nOiT haEnyO raqO nOiT uzgvrvptO drafCO.
57 paiti dim pvrvsaT zaraquStrO,
kaT zI asti ahura mazda tiStryehe raEwatO XarvnaMuhatO dAityOtvmO Yasnasca Wahmasca aCAT haca YaT WahiStAT.
58 AaT mraoT ahurO mazdl,
zaoqrl hE uzbArayvn airyl dai?hAwO barvsma hE stvrvnayvn airyl dai?hAwO pasUm hE pacayvn airyl dai?hAwO auruCvm WA Wohu-gaonvm WA kAciT WA gaonan&m hamO-gaonvm.
59 mA-hE mairyO gvurwayOiT mA jahika mA aCAwO asrAwayaT-gAqO
ahumvrvxS paityArvnO im&m daEn&m Y&m AhUirIm zaraquStrIm.
60 Yezi-CE mairyO gvurwayAT jahika WA aCAwO WA asrAwayaT-gAqO
ahumvrvxS paityArvnO im&m daEn&m Y&m AhUirIm zaraquStrIm para baECaza hacaite
tiStryO raEwl XarvnaMuhl.
61 hamaqa airyAbyO dai?hubyO WOiGnl jaslNti,
hamaqa airyAbyO dai?hubyO haEna frapatlNti,
hamaqa airyAbyO dai?hubyO janylNti paNcasaGnAi sataGnAiSca sataGnAi hazaMraGnAiSca hazaMraGnAi baEwarvGnAiSca baEwarvGnAi ah&xStaGnAiSca.
ahe raya ... tlscA Yazamaide
(See verse 3).


62 YaqA ahU WairyO...(2).
Yasnvmca Wahmvmca aojasca zawarvca AfrInAmi
tiStryehe stArO raEwatO XarvnaMuhatO satawaEsahe frApahe
sUrahe mazdaDAtahe.
aCvm WohU....
ahmAi raESca ... hazaMrvm ... jasa-mE ... (kvrba maZd...)
aqa jamyAT Yaqa AfrInAmi.
aCvm WohU.....




9. Drvasp Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
gVuS urwe darwAsp Xarahe bV rasAT,
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

drwAspayl sUrayl mazdaDAtayl aCaonyl
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


[1]


1 drwAsp&m sUr&m mazdaDAt&m aCaonIm Yazamaide drwO-pasw&m
drwO-staor&m drwO-urwaq&m drwO-apvrvnAyuk&m pouru-spaxSti dUrAT piqana XAqrawana darvGO-haxvDrayana 2 Yuxta-asp&m WarvtO-raq&m
XanaT-caxr&m fCaonIm marvz&m
amawaitIm huraoD&m XAsaok&m baECazy&m drwO-stAitIm drwO-Warvt&m awaMhe nar&m aCaon&m.
3 t&m Yazata
haoKyaMhO paraDAtO
upa upa-bdi harayl bvrvzO
srIrayl mazdaDAtayl
satvm aspan&m hazaMrvm gaw&m baEwarv anumayan&m uta zaoqr&m frabarO,
4 dazdi-mE WaMuhi svwiSte
drwAspe taT Ayaptvm
YaT bawAni aiBi-Wanyl
WIspe daEwa mAzanya
Yaqa azvm nOiT tarStO frA-nmAne
qBaECAT parO daEwaEibyO
frA ahmAT parO WIspe daEwa
anusO tarSta nvmlNte
tarSta tvmaMhO dwArlNte.
5 daqaT ahmAi taT awaT Ayaptvm drwAspa sUra mazdaDAta aCaoni
qrAqri zaoqrO-barAi arvdrAi YazvmnAi jaiDyaNtAi dAqriS Ayaptvm.
6 ahe raya XarvnaMhaca
t&m YazAi surunwata Yasna
t&m YazAi huyaSta Yasna
drwAsp&m sUr&m mazdaDAt&m aCaonIm zaoqrAbyO,
drwAsp&m sUr&m mazdaDAt&m aCaonIm Yazamaide
haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


[2]


7 drwAsp&m ... awaMhe nar&m aCaon&m.
(Repeat verses 1-2)
8 t&m Yazata
YO YimO xCaEtO hw&qBO
hukairyAT haca barvzaMhaT
satvm aspan&m hazaMrvm gaw&m baEwarv anumayan&m uta zaoqr&m frabarO,
9 dazdi-mE WaMuhi svwiSte
drwAspe taT Ayaptvm
Yaqa azvm fCaoni W&qBa
awa-barAni awi mazdl dAmabyO
Yaqa azvm amvrvxtIm
awi-barAni awi mazdl dAmabyO,
10 uta azvm apa-barAni
wa CuDvmca tarCnvmca
haca mazdl dAmabyO
uta azvm apa-barAni
wa zaourw&mca mvrvqyUmca
haca mazdl dAmabyO
uta azvm apa-barAni
wa garvmvmca WAtvm aotvmca
haca mazdl dAmabyO
hazaMrvm aiBi-gAman&m.
11 daqaT ahmAi taT awaT Ayaptvm drwAspa sUra mazdaDAta aCaoni
qrAqri zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.
(Repeat verse 6)


[3]


12 drwAsp&m ... awaMhe nar&m aCaon&m.
(Repeat verses 1-2)
13 t&m Yazata
WIsO puqrO AqByAnOiS
WIsO sUrayl qraEtaonO
upa Warvnvm caqru-gaoCvm
satvm aspan&m hazaMrvm gaw&m baEwarv anumayan&m uta zaoqr&m frabarO,
14 dazdi-mE WaMuhi svwiSte
drwAspe taT Ayaptvm
YaT bawAni aiBi-Wanyl
aZIm dahAkvm qrizafanvm qrikamvrvDvm xCwaS-aCIm hazaMrA-YaoxStIm aSaojaMhvm daEwIm drujvm aGvm gaEqAwyO drwaNtvm Y&m aSaojastvm&m drujvm fraca kvrvNtaT aMrO mainyuS aoi Y&m astwaitIm gaEq&m mahrkAi aCahe gaEqan&m,
uta-hE WaNta azAni
saMhawAci arvnawAci
YOi hvn kvhrpa sraESta zazAtVe
gaEqyAi tE YOi abdOtvme.
15 daqaT ahmAi ... tlscA Yazamaide.
(Repeat verses 5-6).


[4]


16 drwAsp&m ... awaMhe nar&m aCaon&m.
(Repeat verses 1-2)
17 t&m Yazata
haomO frACmiS baECazyO
srIrO xCaqryO zairi-dOiqrO
barvziSte paiti barvzahi
haraiqyO paiti barvzayl,
AaT hIm jaiDyaT awaT Ayaptvm,
18 dazdi-mE WaMuhi svwiSte
drwAspe taT Ayaptvm
Yaqa azvm baNdayeni
mairIm tUirIm fraMrasyAnvm
uta bastvm WADayeni
uta bastvm upanayeni bastvm kawOiS haosrawaMhahe
janAT tvm kawa haosrawa
pasne WarOiS caEcastahe
jafrahe uruyApahe
puqrO kaEna syAwarCAnAi
zUrO-jatahe narahe
aGraEraqaheca narawahe.
19 daqaT ahmAi ... tlscA Yazamaide.
(Repeat verses 5-6)


[5]


20 drwAsp&m ... awaMhe nar&m aCaon&m.
(Repeat verses 1-2)
21 t&m Yazata
arCa airyan&m daFyun&m
xCaqrAi haNkvrvmO haosrawa
pasne WarOiS caEcastahe
jafrahe urwyApahe
satvm aspan&m hazaMrvm gaw&m baEwarv anumayan&m uta zaoqr&m frabarO,
22 dazdi-mE WaMuhi svwiSte
drwAspe taT Ayaptvm
Yaqa azvm nijanAni
mairIm tUirIm fraMrasyAnvm
pasne WarOiS caEcastahe
jafrahe urwyApahe
puqrO kaEna syAwarCAnAi
zUrO-jatahe narahe
aGraEraqaheca narawahe.
23 daqaT ahmAi ... tlscA Yazamaide.
(Repeat verses 5-6)


[6]


24 drwAsp&m ... awaMhe nar&m aCaon&m.
(Repeat verses 1-2)
25 t&m Yazata
YO aCawa zaraquStrO
airyene WaEjahi WaMhuyl dAityayl haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO,
AaT hIm jaiDyaT awaT Ayaptvm,
26 dazdi-mE WaMuhi svwiSte
drwAspe taT Ayaptvm
Yaqa azvm hAcayene
WaMuhIm AzAt&m hutaos&m
anumatVe daEnayAi
anUxtVe daEnayAi
anu-WarStVe daEnayAi
YA-mE daEn&m mAzdayasnIm
zrasca dAT apica aotAT
YA-mE WarvzAnAi WaMuhIm dAT frasastIm.
27 daqaT ahmAi ... tlscA Yazamaide.
(Repeat verses 5-6)


[7]


28 drwAsp&m ... awaMhe nar&m aCaon&m.
(Repeat verses 1-2)
29 t&m Yazata
bvrvzaiDiS kawa WIStAspO
pasne ApO dAityayl
satvm aspan&m hazaMrvm gaw&m baEwarv anumayan&m uta zaoqr&m frabarO,
30 dazdi-mE WaMuhi svwiSte
drwAspe taT Ayaptvm
Yaqa azAni pvCana
aSta aurwaNtO WIspa-qaurwO aStOiS puqrO WIspa-qaurwO urwi-xaoDO urwi-WvrvqrO stwI-manaoqriS Ye?he hapta sata uStran&m jainyAwaraT pasca XIDahe,
Yaqa azAni pvCana mairyehe Fyaonahe arvjaT-aspahe,
Yaqa azAni pvCana darCinikahe daEwayasnahe.
31 uta azvm nijanAni
t&qryAwaNtvm duZdaEnvm
uta azvm nijanAi
spinjauruKvm daEwayasnvm,
uta azvm fraourwaEsayeni
humaya WarvDakan&mca
Fyaonya haca dai?hAwO,
uta azvm nijanAni
FyaonIn&m daFyun&m
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca.
32 daqaT ahmAi t&m awaT Ayaptvm drwAspa sUra mazdaDAta aCaoni
qrAqri zaoqrO-barAi arvdrAi YazvmnAi jaiDyaNtAi dAqriS Ayaptvm.
ahe raya ... tlscA Yazamaide.
(Repeat verse 6)


(Recite silently:)

33 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
drwAspayl sUrayl mazdaDAtayl aCaonyl.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


10. Mihr Yasht (Hymn to Mithra)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
mihir i frAgayOT i dABar i rAst bV rasAT,
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

miqrahe Wouru-gaoyaoitOiS rAmanasca XAstrahe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


[1]


1 mraoT ahurO mazdl spitamAi zaraquStrAi,
AaT YaT miqrvm Yim Wouru-gaoyaoitIm frAdaD&m azvm spitama AaT dim daD&m awlNtvm Yesnyata awlNtvm Wahmyata Yaqa m&mciT Yim ahurvm mazd&m.
2 mvrvNcaite WIsp&m dai?haom
mairyO miqrO-druxS spitama,
Yaqa satvm kayaDan&m
awawaT aCawa-jaciT,
miqrvm mA janyl spitama
mA Yim drwataT pvrvslMhe
mA Yim XAdaEnAT aCaonaT,
wayl zI asti miqrO
drwataEca aCaonaEca.
3 Asu-aspIm daDAiti miqrO YO Wouru-gaoyaoitiS YOi miqrvm nOiT
aiBi-druZiNti,
raziStvm paNt&m daDAiti AtarS mazdl ahurahe YOi miqrvm nOiT aiBi-druZiNti,
aCaon&m WaMuhIS sUrl spvNtl frawaCayO daDAiti Asn&m frazaiNtIm YOi miqrvm nOiT aiBi-druZiNti.
4 ahe raya XarvnaMhaca
tvm YazAi surunwata Yasna
miqrvm Wouru-gaoyaoitIm zaoqrAbyO,
miqrvm Wouru-gaoyaoitIm Yazamaide rAma-Cayanvm huCayanvm airyAbyO dai?hubyO.
5 Aca-nO jamyAT awaMhe
Aca-nO jamyAT rawaMhe
Aca-nO jamyAT rafnaMhe
Aca-nO jamyAT marZdikAi
Aca-nO jamyAT baECazAi
Aca-nO jamyAT WvrvqraGnAi
Aca-nO jamyAT hawaMhAi
Aca-nO jamyAT aCawastAi
uGrO aiBiqUrO YasnyO
WahmyO anaiBidruxtO
WIspvmAi aMuhe astwaite
miqrO YO Wouru-gaoyaoitiS.
6 tvm amawaNtvm Yazatvm
sUrvm dAmOhu svwiStvm
miqrvm YazAi zaoqrAbyO,
tvm pairi-jasAi WaNtaca nvmaMhaca
tvm YazAi surunwata Yasna
miqrvm Wouru-gaoyaoitIm zaoqrAbyO,
miqrvm Wouru-gaoyaoitIm Yazamaide haomayO gawa barvsmana, hizwO daMhaMha m&qraca, Wacaca
Kyaoqnaca zaoqrAbyasca, arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


[2]


7 miqrvm Wouru-gaoyaoitIm Yazamaide
arS-WacaMhvm WyAxanvm
hazaMra-gaoCvm hutAStvm
baEwarv-caCmanvm bvrvzaNtvm
pvrvqu-WaEDayanvm sUrvm
aXafnvm jaGAurwlMhvm.
8 Yim YazvNte dai?hupatayO
arvzahe awa-jasvNtO
awi haEnayl xrwiCyeitIS
awi h&m-YaNta rasmaoyO
aNtarv dai?hu pApvrvtAne.
9 YatAra WA-dim paurwa frAyazAiti
fraorvT fraxCni awi manO
zarazdAtOiT aMuhyaT haca
Ataraqra fraorisyeiti
miqrO YO Wouru-gaoyaoitiS
haqra WAta WvrvqrAjanO
haqra dAmOiS upamanO.
ahe raya ... tlscA Yazamaide.


[3]


10 miqrvm Wouru-gaoyaoitIm ... jaGaurwlMhvm.
11 Yim YazvNte raqaEStArO
barvCaECu paiti aspan&m
zAwarv jaiDyaNtO hitaEibyO
drwatAtvm tanubyO
pouru-spaxStIm TbiCyaNt&m
paiti-jaitIm duSmainyun&m
haqrA-niwAitIm hamvrvqan&m
aurwaqan&m TbiCyaNt&m.
ahe raya ... tlscA Yazamaide.


[4]


12 miqrvm Wouru-gaoyaoitIm ... jaGaurwlMhvm
13 YO paoiryO mainyawO YazatO
tarO har&m Asnaoiti
paurwa-naEmAT amvCahe
hU YaT aurwaT-aspahe,
YO paoiryO zaranyO-pIsO
srIrl barvCnawa gvrvBnAiti
aDAT WIspvm AdiDAiti
airyO-Cayanvm svwiStO,
14 Yahmya sAstArO aurwa
paoiriS Irl rAzayeNte
Yahmya garayO bvrvzaNtO
pouru-WAstrlMhO AfvNtO
qAtairO gawe frADayeNte
Yahmya jafra WarayO
urwAplMhO hiStvNte
Yahmya ApO nAwayl
pvrvqBiS xCaoDaMha qBaxCvNte
AiKatvm pourutvmca mourum hArOyum
gaomca suxDvm XAirizvmca
15 awi arvzahi sawahi
awi fradaDafCu WIdaDafCu awi Wouru-barvSti Wouru-jarvSti awi imaT karCwarv YaT Xaniraqvm bAmIm gawaCayanvm gawaCitImca baECazy&m
miqrO sUrO AdiDAiti.
16 YO WIspAhu karCwOhu mainyawO YazatO Wazaite XarvnO-dl YO
WIspAhu karCwOhu mainyawO YazatO Wazaite xCaqrO-dl,
aEC&m gUnaoti WvrvqraGnvm
YOi dim dahma WIduS-aCa
zaoqrAbyO frAyazvNte.
ahe raya ... tlscA Yazamaide.


[5]


17 miqrvm Wouru-gaoyaoitIm ... jaGaurwlMhvm,
YO nOiT kahmAi aiBi-draoxDO
nOiT nmAnahe nmAnO-patVe nOiT WIsO WIspatVe nOiT zaNtVuS zaNtupatVe nOiT dai?hVuS dai?hupatVe.
18 Yezi WA-dim aiBi-druZaiti nmAnahe WA nmAnO-paitiS WIsO WA
WIspaitiS zaNtVuS WA zaNtupaitiS dai?hVuS WA dai?hupaitiS fraCa upa-scaNdayeiti
miqrO graNtO upa-TbiStO
uta nmAnvm uta WIsvm
uta zaNtUm uta daFyUm
uta nmAnan&m nmAnO-paitiS uta WIs&m WIspaitiS uta zaNtun&m zaNtupaitiS uta daFyun&m dai?hupaitiS uta daFyun&m fratvmaDAtO.
19 ahmAi naEmAi uzjasAiti
miqrO graNtO upa-TbiStO
YahmAi naEman&m miqrO-druxS
naEDa mainyu paiti-pAite.
20 aspaciT YOi miqrO-druj&m
Wazy&stra bawaiNti
taciNtO nOiT apayeiNti
barvNtO nOiT frastanwaNti
WazvNtO nOiT framanyeNti,
apaCi Wazaite arStiS
Y&m aMhayeiti awi-miqriS
frVna aGan&m m&qran&m
Yl Wvrvzyeiti awi-miqriS.
21 YaTciT hwastvm aMhayeiti
YaTciT tanUm apayeiti
aTciT dim nOiT rACayeNte
frVna aGan&m m&qran&m
Yl Wvrvzyeiti awi-miqriS,
WAtO t&m arStIm baraiti
Y&m aMhayeiti awi-miqriS
frVna aGan&m m&qran&m
Yl Wvrvzyeiti awi-miqriS.
ahe raya ... tlscA Yazamaide.


[6]


22 miqrvm Wouru-gaoyaoitIm ... jaGaurwlMhvm
YO narvm anaiBi-druxtO
apa &zaMhaT baraiti
apa iqyajaMhaT baraiti.
23 apa-nO haca &zaMhaT
apa haca &zaMhibyO
miqra barOiS anAdruxtO,
tUm ana miqrO-druj&m maKyAn&m awi XaEpaiqylsv tanwO qBy&m awa-barahi,
apa aEC&m bAzwl aojO tUm graNtO xCayamnO barahi apa pADayl zAwarv
apa caCmanl sUkvm apa gaoCayl sraoma.
24 nOiT dim arStOiS huxCnutayl
nOiT iCaoS para-paqBatO
awa-aCnaoiti CanmaoyO
YahmAi fraxCni awi manO
miqrO jasaiti awai?he
YO baEwarv-spasanO sUrO
WIspO-WIDwl aDaoyamnO.
ahe raya ... tlscA Yazamaide.


[7]


25 miqrvm Wouru-gaoyaoitIm ... jaGaurwlMhvm
ahurvm gufrvm amawaNtvm
dAtO-saokvm WyAxanvm
WahmO-svNdaMhvm bvrvzaNtvm
aCahunarvm tanum&qrvm
bAzuS-aojaMhvm raqaESt&m
26 kamvrvDO-janvm daEwan&m
akatarvm sraoCyan&m
acaEtArvm miqrO-druj&m maKyAn&m
hamaEstArvm pairikan&m
YO dai?haom anAdruxtO
uparAi amAi daDAiti
YO dai?haom anAdruxtO
uparAi WvrvqrAi daDAiti,
27 YO dai?hVuS r&xCy&iqyl
para raziStl baraiti
paiti Xarvnl WArayeiti
apa WvrvqraGnvm baraiti
awarvql hIS apiwaiti
baEwarv Gvn&nl nisirinaoiti
YO baEwarv-spasanO sUrO
WIspO-WIDwl aDaoyamnO.
ahe raya ... tlscA Yazamaide.


[8]


28 miqrvm Wouru-gaoyaoitIm ... jaGaurwlMhvm
YO stunl WIDArayeiti
bvrvzimitahe nmAnahe
staBrl &iqyl kvrvnaoiti,
AaT ahmAi nmAnAi daDAiti
gVuSca W&qBa WIran&mca
Yahwa xCnUtO bawaiti,
upa anyl sciNdayeiti
YAhwa TbiStO bawaiti.
29 tUm akO WahiStasca
miqra ahi dai?hubyO
tUm akO WahiStasca
miqra ahi maKyAkaEibyO,
tUm AxStOiS anAxStOiSca
miqra xCayehe daFyun&m.
30 tUm sraogvnl sraoraql
niStarvtO-spayl niDAtO-barvziStl nmAnl masitl daDAhi
tUm sraogvnvm sraoraqvm
niStarvtO-aspaEm niDAtO-barvziStvm nmAnvm daDAhi bvrvzimitvm
Yasv-qBA aoxtO-nAmana Yasna
raqBya Waca Yazaite
barO-zaoqrO aCawa.
31 aoxtO-nAmana qBA Yasna
raqBya Waca sUra
miqra YazAi zaoqrAbyO,
aoxtO-nAmana qBA Yasna
raqBya Waca svwiSta
miqra YazAi zaoqrAbyO,
aoxtO-nAmana qBA Yasna
raqBya Waca aDaoyamna
miqra YazAi zaoqrAbyO.
32 surunuyl nO miqra Yasnahe
xCnuyl nO miqra Yasnahe
upa-nO Yasnvm AhiCa
paiti-nO zaoqrl WIsaMuha
h&m hIS cimAne baraMuha
nI-hIS daswa garOnmAne.
33 dazdi ahmAkvm taT Ayaptvm
Yasv-qBA YAsAmahi sUra
urwaiti dAtan&m srawaMh&m
IStIm amvm WvrvqraGnvmca
hawaMhum aCawastvmca
haosrawaMhvm hurunImca
mastIm spAnO WaEiDImca
WvrvqraGnvmca ahuraDAtvm
WanaiNtImca uparatAtvm
Y&m aCahe WahiStahe
paiti-parStImca m&qrahe spvNtahe,
34 Yaqa WaEm humanaMhO
framanaMhasca urwAzvmna haomanaMhimna
WanAma WIspV harvqV,
Yaqa WaEm humanaMhO
framanaMhasca urwAzvmna haomanaMhimna
WanAma WIspV duSmainyuS,
Yaqa WaEm humanaMhO
framanaMhasca urwAzvmna
haomanaMhimna WanAma
WIspl TbaECl taurwayama
daEwan&m maKyAn&mca
YAqB&m pairikan&mca
sAqr&m kaoy&m karafn&mca.
ahe raya ... tlscA Yazamaide.


[9]


35 miqrvm Wouru-gaoyaoitIm ... jaGaurwlMhvm
arvnaT-caECvm WiNdaT-spADvm
hazaMra-YaoxStIm xCayaNtvm
xCayamnvm WIspO-WIDwlMhvm,
36 YO arvzvm fraCAwayeiti
YO arvze paiti hiStaiti
YO arvze paiti hiStvmnO
frA rasmanO scaNdayeiti,
YaozvNti WIspe karanO
rasmanO arvzO-CUtahe
frA maiDy&nvm xrlMhayete
spADahe xrwICyaNtahe.
37 awi dIS aEm xCayamnO
AiqIm barAiti qBy&mca,
para kamvrvDl spayeiti
miqrO-druj&m maKyAn&m
para kamvrvDl Wazaite
miqrO-druj&m maKyAn&m.
38 xrUml CaitayO fraziNte
anaCitl maEqanyl
YAhwa miqrO-drujO Kyete
haiqIm-aCawa-janasca drwaNtO,
xrUmIm gAuS YA caMraMhAxS
WaraiqIm paNt&m azaite
YA darvnAhu miqrO-druj&m maKyAn&m
frazarSta aEC&m raiqya
asrU azAnO hiStvNte
anu-zafanO takahe.
39 iCawasciT aEC&m vrvzifyO-parvna
huqaxtaT haca qanwanAT
jya-jatlMhO Wazvmna
aCvmnO-WIDO bawaiti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS,
arStayasciT aEC&m huxCnuta tiGra darvGa-arStaya Wazvmna haca bAzubyO
aCvmnO-WIDO bawaiti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS,
zarStwaciT aEC&m fradaxCanya
Wazvmna haca bAzubyO
aCvmnO-WIDO bawaiti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS.
40 karvtaciT aEC&m
hufrAyuxta YOi niGrAire
sarahu maKyAkan&m
aCvmnO-janO bawaiti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS,
WazraciT aEC&m
huniwixta YOi niGrAire
sarahu maKyAkan&m
aCvmnO-janO bawaiti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS.
41 miqrO awi-qrlMhayete
raCnuS paiti-qrlMhayete
sraoCO aCyO WIspaEibyO
naEmaEibyO h&m-WAiti
paiti qrAtAra Yazata,
tE rasmanO raEcayeiNti
Yaqa graNtO upa-TbiStO
apaiti-zaNtO miqnAiti
miqrO YO Wouru-gaoyaoitiS
42 uityaojanl miqrAi Wouru-gaoyaoitVe,
Ai miqra Wouru-gaoyaoite
ime nO aurwaNtO aspa
para miqrADa nayeNte
ime nO uGra-bAzawa
karvta miqra sciNdayeiNti.
43 pascaEta dIS fraspayeiti
miqrO YO Wouru-gaoyaoitiS
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca
Yaqa graNtO upa-TbiStO
miqrO YO Wouru-gaoyaoitiS.
ahe raya ... tlscA Yazamaide.


[10]


44 miqrvm Wouru-gaoyaoitIm ... jaGaurwlMhvm
Ye?he zvm-fraqO maEqanvm
WIDAtvm astwaNti aMhwO
mazaT an&zO bAmIm
pvrvqu aipi Wouru-aStvm,
45 Ye?he aSta rAtayO
WIspAhu paiti barvzAhu
WIspAhu WaEDayanAhu
spasO lMhAire miqrahe
miqrO-drujvm hispOsvmna
awe aipi daiDyaNtO
awe aipi hiSmarvNtO
YOi paurwa miqrvm druZiNti
awaEC&mca paqO plNtO
Yim isvNti miqrO-drujO
haiqIm-aCawa-janasca drwaNtO
46 awl pawl pasca pawl
parO pawl spaS WIDaEta
aDaoyamnO frA aMhe WIsaiti
miqrO YO Wouru-gaoyaoitiS
YahmAi fraCni awi manO
miqrO jasaiti awai?he
YO baEwarv-spasanO sUrO
WIspO-WIDwl aDaoyamnO.
ahe raya ... tlscA Yazamaide.


[11]


47 miqrvm Wouru-gaoyaoitIm ... jaGaurwlMhvm,
Yim frasrUtvm zaranimnvm
pvrvqu-saflMhO WazvNti
awi haEnayl xrwiCyeitiS
awi h&m-YaNta rasmaoyO
aNtarv dai?hu pApvrvtAne.
48 AaT YaT miqrO frawazaite
awi haEnayl xrwiCyeitiS
awi h&m-YaNta rasmaoyO
aNtarv dai?hu pApvrvtAne
aqra nar&m miqrO-druj&m
ap&S gawO darvzayeiti
para daEma WArayeiti
apa gaoCa taoCayeiti
nOiT pADa WIDArayeiti
nOiT paiti-tawl bawaiti
tA dai?hAwO tE hamvrvqV
Yaqa duZbvrvNtO baraiti
miqrO YO Wouru-gaoyaoitiS.
ahe raya ... tlscA Yazamaide.


[12]


49 miqrvm Wouru-gaoyaoitIm ... jaGaurwlMhvm,
50 YahmAi maEqanvm frAqBvrvsaT
YO daDwl ahurO mazdl
upairi har&m bvrvzaitIm
pouru-fraorwaEsy&m bAmy&m
Yaqra nOiT xCapa nOiT tvml
nOiT aotO WAtO nOiT garvmO
nOiT axtiS pouru-mahrkO
nOiT AhitiS daEwO-dAta
naEDa dunm&n uzjasaiti
haraiqyO paiti barvzayl
51 YaT kvrvnAun amvCl spvNta WIspe hwarv-hazaoCa
fraorvT fraxCni awi manO
zrazdAtOiT aMuhyaT haca
YO WIspvm ahUm astwaNtvm AdiDAiti
haraiqyAT paiti barvzaMhaT.
52 AaT YaT duZdl fradwaraiti
YO aGAwarvS qBACa gAma
qBACvm Yujyeiti WACvm
miqrO YO Wouru-gaoyaoitiS
sraoCasca aCyO sUrO
nairyO-saMhasca YO mAyuS,
rasmO-jatvm WA-dim jaiNti amO-jatvm WA.
ahe raya ... tlscA Yazamaide.


[13]


53 miqrvm Wouru-gaoyaoitIm ... jaGaurwlMhvm
YO bADa ustAnazastO
gvrvzaite ahurAi mazdAi
uiti aojanO,
54 azvm WIspan&m dAman&m
nipAta ahmi hwapO
azvm WIspan&m dAman&m
niSharvta ahmi hwapO,
AaT mA nOiT maKyAka aoxtO-nAmana Yasna YazvNte Yaqa anye YazatlMhO aoxtO-nAmana Yasna YazvNti 55 YeiDi-zI-mA maKyAka aoxtO-nAmana Yasna YazayaNta Yaqa anye
YazatlMhO aoxtO-nAmana Yasna YazvNti frA nuruyO aCawaoyO
qBarStahe zrU Ayu CUCuy&m
Xahe gayehe XanwatO amvCahe
upa qBarStahe jaGmy&m.
56 aoxtO-nAmana qBA Yasna
raqBya Waca Yazaite
barO-zaoqrO aCawa,
aoxtO-nAmana qBA Yasna
raqBya Waca sUra
miqra YazAi zaoqrAbyO,
aoxtO-nAmana ... YazAi zaoqrAbyO.
(Repeat verse 31)
57-59 surunuyl nO miqra Yasnahe ... karafn&mca.

(Repeat verses 32-34.)
ahe raya ... tlscA Yazamaide.


[14]


60 miqrvm Wouru-gaoyaoitIm ... jaGaurwlMhvm
Ye?he Wohu haosrawaMhvm
WaMuhi kvrvfS WaMuhi frasasti,
WasO-YAnvm WasO-gaoyaoitIm ataurwayO iDa fCuyaNtvm WAstrIm WasO-YaonAi iNt&m huDlMhvm YO baEwarv-spasAnO sUrO WIspO-WIDwl aDaoyamnO.
ahe raya ... tlscA Yazamaide.


[15]


61 miqrvm Wouru-gaoyaoitIm ... jaGaurwlMhvm
vrvDBO-zvNgvm zaEnaMhuNtvm
spasvm taxmvm WyAxanvm
fraT-Apvm zawanO-srUtvm
taT-Apvm uxCyaT-urwarvm
karCO-rAzaMhvm WyAxanvm
YaoxStiwaNtvm aDaoyamnvm
pouru-YaoxStIm dAmiDAtvm,
62 YO nOiT kahmAi miqrO-druj&m maKyAn&m
aojO daDAiti nOiT zAwarv,
YO nOiT kahmAi miqrO-druj&m maKyAn&m
XarvnO daDAiti nOiT miZdvm.
63 apa aEC&m bAzwl aojO tUm graNtO xCayamnO ... aDaoyamnO.
(Repeat verses 23-24)
ahe raya ... tlscA Yazamaide.


[16]


64 miqrvm Wouru-gaoyaoitIm ... jaGaurwlMhvm
Yahmi WyAne daEnayAi
srIrayAi pvrvqu-frAkayAi
maza amawa niDAtvm
Yahi paiti ciqrvm WIDAtvm WIspAiS awi karCw&n YAiS hapta.
65 YO Asun&m AsuS YO arvdran&m arvdrO YO taxman&m taxmO YO
WyAxanan&m WyAxanO YO fraxSti-dl YO Azuiti-dl YO W&qBO-dl YO xCaqrO-dl YO puqrO-dl YO gayO-dl YO hawaMhO-dl YO aCawastO-dl.
66 Yim hacaite aCiS WaMuhi
pArvNdica raoraqa
uGraca naire h&m-WarvitiS
uGrvmca kawaEm XarvnO
uGrvmca qBACvm XaDAtvm
uGrvmca dAmOiS upamanO uGrlsca aCaon&m frawaCayO Yasca pourun&m haqrAkO
aCaon&m mazdayasnan&m.
ahe raya ... tlscA Yazamaide.


[17]


67 miqrvm Wouru-gaoyaoitIm ... jaGaurwlMhvm
YO WACa mainyu-h&m-tASta
bvrvzi-caxra frawazaite
haca karCwarv YaT arvzahi
upa karCwarv YaT Xaniraqvm bAmIm
raqBya ciqra hacimnO
XarvnaMhaca mazdaDAta
WvrvqraGnaca ahuraDAta.
68 Ye?he WACvm hangrvBnAiti
aCiS WaMuhi YA bvrvzaiti
Ye?he daEna mAzdayasniS
XIte paqO rADaiti,
Yim aurwaNtO mainyawlMhO
auruCa raoxCna frAdvrvsra
spvNta WIDwlMhO asaya
maniwasaMhO WazvNti
YaT dim dAmOiS upamanO
hu-irixtvm bADa irinaxti,
YahmaT haca fratvrvsvNti
WIspe mainyawa daEwa
YaEca Warvnya drwaNtO.
69 mOi-tU iqra ahurahe
graNtahe WaEGAi jasaEma
Ye?he hazaMrvm WaEGan&m
paiti hamvrvqAi jasaiti
YO baEwarv-spasAnO sUrO
WIspO-WIDwl aDaoyamnO.
ahe raya ... tlscA Yazamaide.


[18]


70 miqrvm Wouru-gaoyaoitIm ... jaGaurwlMhvm
Ye?he paurwa-naEmAT Wazaite
WvrvqraGnO ahuraDAtO
hU kvhrpa WarAzahe
paiti-vrvnO tiZi-d&strahe
arCnO tiZi-asUrahe
hakvrvT-janO WarAzahe
anu-pOiqBahe graNtahe
parCwanikahe taxmahe
ayaMhO-pADahe ayaMhO-zastahe ayaMhO-jyehe ayaMhO-dumahe ayaMhO-paitiSXarvnahe
71 YO fr&StacO hamvrvqADa
upa-haxtO A-manaMha
haqra nairya h&m-Warvta
stija nijaiNti hamvrvqV
naEDa manyete jaGnwl
naEDa cim Gvn&m sadayeiti
Yawata aEm nijaiNti
mvrvzuca stUnO gayehe
mvrvzuca xl uStAnahe.
72 hakaT WIspl aipi-kvrvNtaiti YO hakaT astVsca WarvsVsca
mastarvGnasca WohuniSca zvmADa h&m-raEqBayeiti miqrO-druj&m maKyAn&m.
ahe raya ... tlscA Yazamaide.


[19]


73 miqrvm Wouru-gaoyaoitIm ... jaGaurwlMhvm
YO bADa ustAnazastO
urwAzvmnO awarOiT WAcim
uityaojanO,
ahura mazda mainyO
spVniSta dAtarv gaEqan&m
astwaitin&m aCAum
74 YeDi-zI-mA maKyAka aoxtO-nAmana Yasna YazayaNta Yaqa anye
YazatlMhO aoxtO-nAmana Yasna YazvNti frA nuruyO aCawaoyO
qBarStahe zrU AyU CUCuy&m
Xahe gayehe XanwatO amvCahe
upa qBarStahe jaGmy&m.
75 buyama tE COiqrO-pAnO
mA buyama COiqrO-iricO
mA nmAnO-iricO mA WIsO-iricO mA zaNtu-iricO mA dai?hu-iricO mADa YaT nO uGra-bAzAuS
niwAnAT parO TbiCyaNbyO.
76 tUm aEC&m TbiCyat&m tUm aEC&m TbaECaMuhat&m TbaECl
sciNdayehi,
sciNdaya aCawajanO
hwaspO ahi hurAqyO
zawanO-swa ahi sUrO.
77 Aca-qBA zbayAi awai?he,
Aca-nO jamyAT awai?he
aS-frAyaStica zaoqran&m
hufrAyaStica aS-frabvrvitica zaoqran&m hufrabvrvitica Yaqa qBA aiBiCayamna darvGa aiBiCayana huCitvm bvrvGmya-CaEtvm.
78 tUm tA dai?hAwO nipAhi
YA hubvrvitIm YAtayeiti
miqrahe Wouru-gaoyaoitiS,
tUm tA frasciNdayehi
YA r&xCyeitIS dai?hAwO,
Aca-qBA zbayAi awai?he,
Aca-nO jamyAT awaFyAi
uGrO aiBiqUrO YesnyO WahmyO
miqrO raEwl dai?hupaitiS.
ahe raya ... tlscA Yazamaide.


[20]


79 miqrvm Wouru-gaoyaoitIm ... jaGaurwlMhvm
YO raCnuS daiDe maEqanvm
YahmAi raCnuS darvGAi haxvDrAi
frabawara manawaiNtIm.
80 tUm maEqanahe pAta
nipAta ahi adruZ&m,
tUm WarvzAnahe paiti
niS-harvta ahi adruZ&m,
qBA paiti zI haxvDrvm daiDe WahiStvm
WvrvqraGnvmca ahuraDAtvm
Yahmi sOire miqrO-drujO
aipi WIqiSi jata
paurwa maKyAklMhO.
ahe raya ... tlscA Yazamaide.


[21]


81 miqrvm Wouru-gaoyaoitIm ... jaGaurwlMhvm
YO raCnuS daiDe maEqanvm
YahmAi raCnuS darvGAi haxvDrAi
bawara manawaiNtIm.
82 Ye?he hazaMrvm YaoxStin&m
fradaqaT ahurO mazdl
baEwarv dOiqran&m WIdOiqre,
AaT AbyO dOiqrAbyO aiByasca YaoxStibyO spasyeiti miqrO-zy&m miqrO-drujvmca,
AaT AbyO dOiqrAbyO aiByasca YaoxStibyO aDaoyO asti miqrO YO baEwarv-spasanO sUrO WIspO-WIDwl aDaoyamnO.
ahe raya ... tlscA Yazamaide.


[22]


83 miqrvm Wouru-gaoyaoitIm ... jaGaurwlMhvm
Yim dai?hVuS dai?hupaitiS bADa ustAnazastO zbayeiti awai?he,
Yim zaNtVuS zaNtupaitiS bADa ustAnazastO zbayeiti awai?he.
84 Yim WIsO WIspaitiS bADa ustAnazastO zbayeiti awai?he,
Yim nmAnahe nmAnO-paitiS bADa ustAnazastO zbayeiti awai?he,
Yim dwAcina piqe hacimna bADa ustAnazastO zbayeiti awai?he,
Yim driGuSciT aCOTkaECO
apayatO hawAiS dAtAiS
bADa ustAnazastO zbayeiti awai?he,
85 Ye?he WAxS gvrvzAnahe
us awa raocl aCnaoiti
awa pairi im&m z&m jasaiti
WI hapta karCw&n jasaiti
YaTciT nvmaMha WAcim baraiti YaT gaoSciT.
86 YA Warvta azimna
baDA ustAnazastO zbayeiti awai?he
gawaiqIm paitiSmarvmna,
kaDa-nO arCa gawaiqIm
apayAT paskAT WazvmnO
miqrO YO Wouru-gaoyaoitiS
kaDa-nO fraourwaEsayAiti
aCahe paiti paNt&m
drujO WaEsmvnda azvmn&m.
87 AaT YahmAi xCnUtO bawaiti
miqrO YO Wouru-gaoyaoitiS
ahmAi jasaiti awai?he,
AaT YahmAi TbiStO bawaiti
miqrO YO Wouru-gaoyaoitiS
ahmAi frasciNdayeiti nmAnvmca WIsvmca zaNtUmca daFyUmca dai?husastImca.
ahe raya ... tlscA Yazamaide.


[23]


88 miqrvm Wouru-gaoyaoitIm ... jaGaurwlMhvm
Yim Yazata
haomO frACmiS baECazyO
srIrO xCaqryO zairidOiqrO
barvziSte paiti barvzahi
haraiqyO paiti barvzayl
YaT WaocE hUkairIm n&ma
anAhitvm anAhitO
anAhitAT parO barvsmvn
anAhitayAT parO zaoqrayAT anAhitaEibyO parO WaGZibyO.
89 Yim zaotArvm stayata
ahurO mazdl aCawa
Asu-Yasnvm bvrvzi-gAqrvm,
Yazata zaota Asu-YasnO bvrvzi-gAqrO bvrvzata Waca zaota ahurAi mazdAi zaota amvCan&m spvNtan&m,
hO WAxS us awa raocl aCnaoT awa pairi im&m z&m jasaT WIjasAT WIspAiS awi karCw&n YAiS hapta.
90 YO paoiryO hAwana haom& uzdasta
stvhrpaEsaMha mainyutASta
haraiqyO paiti barvzayl,
bvrvjayaT ahurO mazdl
bvrvjayvn amvCl spvNta
Ye?hl kvhrpO huraoDayl
YahmAi hwarv aurwaT-aspvm
dUrAT nvmO baoDayeiti,
91 nvmO miqrAi Wouru-gaoyaoitVe hazaMrO-gaoCAi
baEwarv-caCmaine,
YesnyO ahi WahmyO
YesnyO buyl WahmyO
nmAnAhu maKyAkan&m,
uSta buyAT ahmAi naire
Yasv-qBA bADa frAyazAite
aEsmO-zastO barvsmO-zastO
gaozastO hAwanO-zastO
frasnAtaEibya zastaEibya frasnAtaEibya hAwanaEibya frastvrvtAT paiti barvsmvn uzdAtAT paiti haomAT srAwayamnAT paiti ahunAT WairyAT.
92 aya daEnaya fraorvNta
ahurO mazdl aCawa
frA Wohu manO frA aCvm WahiStvm frA xCaqrvm WairIm frA spvNta Armaiti frA haurwata amvrvtAta,
frA-hE amvCl spvNta
bvrvja WvrvNta daEnayAi,
frA-hE mazdl hwApl
ratuqBvm barAT gaEqan&m
YOi-qBA WaEnvn dAmOhu
ahUm ratUmca gaEqan&m
YaoZdAtArvm lMh&m dAman&m WahiSt&m.
93 aDa waEibya ahubya
waEibya nO ahubya nipayl
Ai miqra Wouru-gaoyaoite
aheca aMhVuS YO astwatO
Yasca asti manahyO
pairi drwataT mahrkAT pairi drwataT aECmAT pairi drwataEibyO haEnVbyO
Yl us xrUrvm drafCvm gvrvBn&n
aECmahe parO draomVbyO
Yl aECmO duZdl drAwayAT
maT WIDAtaoT daEwO-dAtAT.
94 aDa-nO-tUm miqra Wouru-gaoyaoite
zAwarv dayl hitaEibyO
drwatAtvm tanubyO
pouru-spaxStIm TbiCyaNt&m
paiti-jaitIm duSmainyun&m
haqrAniwAitIm hamvrvqan&m
aurwaqan&m TbiCyaNt&m.
ahe raya ... tlscA Yazamaide.


[24]


95 miqrvm Wouru-gaoyaoitIm ... jaGaurwlMhvm
YO zvm-fraql aiByAiti
pasca hU frACmO-dAitIm
marvzaiti wa karana
ai?hl zvmO YaT paqanayl
skarvnayl dUraEpArayl,
WIspvm imaT AdiDAiti
YaT aNtarv z&m asmanvmca,
96 Wazrvm zastaya draZvmnO
satafStAnvm satO-dArvm
frawaEGvm WIrO-nylNcim
zarOiS ayaMhO frahixtvm
amawatO zaranyehe
amawastvmvm zaEn&m
Wvrvqrawastvmvm zaEn&m.
97 YahmaT haca fratvrvsaiti
aMrO mainyuS pouru-mahrkO
YahmaT haca fratvrvsaiti
aECmO duZdl pvCO-tanuS
YahmaT haca fratvrvsaiti
bUCy&sta darvGO-gawa
YahmaT haca fratvrvsvNti
WIspe mainyawa daEwa
YaEca Warvnya drwaNtO.
98 mA miqrahe Wouru-gaoyaoitOiS
graNtahe WaEGAi jasaEma,
mA-nO graNtO aipi-janyl
miqra YO Wouru-gaoyaoitiS
YO aojiStO Yazatan&m
YO taNciStO Yazatan&m
YO qBaxCiStO Yazatan&m
YO AsiStO Yazatan&m
YO as Wvrvqraj&stvmO Yazatan&m
fraxStaite paiti Aya zvmA
miqrO YO Wouru-gaoyaoitiS.
ahe raya ... tlscA Yazamaide.


[25]


99 miqrvm Wouru-gaoyaoitIm ... jaGaurwlMhvm,
YahmaT haca fratvrvsvNta
WIspe mainyawa daEwa
YaEca Warvnya drwaNtO,
frawazaite dai?hupaitiS
miqrO YO Wouru-gaoyaoitiS
daCinvm upa karanvm
ai?hl zvmO YaT paqanayl
skarvnayl dUraEpArayl.
100 daCinvm hE upa arvDvm Wazaite YO WaMhuS sraoCO aCyO,
Wairya-stArvm hE upa arvDvm Wazaite raCnuS bvrvzO YO amawl,
WIspV hE upa arvDvm WazvNti Yl ApO Ylsca urwarl Ylsca aCaon&m frawaCayO.
101 awi-dIS aEm xCayamnO hamaqa baraiti iCawO vrvzifyO-parvna,
AaT YaT aqra para-jasaiti WazvmnO Yaqra dai?hAwO awi-miqranyl hO paoiryO gaD&m nijaiNti
aspaEca paiti WIraEca,
haqra tarSta qrlMhayete
waya aspa-WIraja.
ahe raya ... tlscA Yazamaide.


[26]


102 miqrvm Wouru-gaoyaoitIm ... jaGaurwlMhvm
auruCAspvm tiZi-arStIm darvGa-arvStaEm xCwiBi-iCUm parO-kvwIDvm
hunairylNcim raqaESt&m.
103 Yim harvtArvmca aiByAxStArvmca
fradaqaT ahurO mazdl
WIspayl frawOiS gaEqayl,
YO harvtaca aiByAxStaca
WIspayl frawOiS gaEqayl,
YO anawaMuhabdvmnO zaEnaMha
nipAiti mazdl dAm&n
YO anawaMuhabdvmnO zaEnaMha
niShaurwaiti mazdl dAm&n.
ahe raya ... tlscA Yazamaide.


[27]


104 miqrvm Wouru-gaoyaoitIm ... jaGaurwlMhvm
Ye?he darvGAciT bAzawa
fragrvBvNti miqrO-aojaMhO
YaTciT uCastaire hiNdwO Agvurwayeite
YaTciT daoCataire niGne
YaTciT sanake raMhayl
YaTciT WImaiDIm ai?hl zvmO.
105 tvmciT miqrO haNgrvfCvmnO
pairi apaya bAzuBe,
duSXarvnl naStO raziSta
aCAtO asti aMuhaya,
iqa mainyete duSXarvnl,
nOiT imaT WIspvm duZwarStvm
nOiT WIspvm aiBi-druxtVe
miqrO WaEnaiti apiCma.
106 AaT azvm manya manaMhO,
nOiT maKyO gaEqyO stE
aojO manyete duSmatvm
Yaqa miqrasciT mainyawO
aojO manyete humatvm,
nOiT maKyO gaEqyO stE
aojO mraoiti duZuxtvm
Yaqa miqrasciT mainyawO
aojO mraoiti hUxtvm,
nOiT maKyO gaEqyO stE
aojO Wvrvzyeiti duZwarStvm
Yaqa miqrasciT mainyawO
aojO Wvrvzyeiti hwarStvm.
107 nOiT maCIm gaEqIm stE
masyl hacaite AsnO xratuS
Yaqa miqrvmciT mainyaom
hacaite AsnasciT xratuS,
nOiT maKyO gaEqyO stE
aojO surunaoiti gaoCaiBe
Yaqa miqrasciT mainyawO
sruT-gaoCO hazaMra-YaoxStiS
WIspvm WaEnaiti druZiNtvm,
amawa miqrO fraxStAite
uGra Wazaite xCaqrahe
srIra daDAiti daEmAna
dUrAT-sUka dOiqrAbya,
108 kO m&m YazAite kO druZAT
kO huyeSti kO duZyeSti
m&m zI mainyete Yazatvm,
kahmAi raESca Xarvnasca
kahmAi tanwO drwatAtvm
azvm baxCAni xCayamnO,
kahmAi IStIm pouruS-XAqr&m
azvm baxCAni xCayamnO
kahmAi Asn&mciT frazaiNtIm
us apara barvzayeni,
109 kahmAi azvm uGrvm xCaqrvm
Xainisaxtvm pouru-spADvm
amainimnahe manaMhO
paiti-daqAni WahiStvm
sAqrasciT hamO-xCaqrahe
kamvrvDO-janO aurwahe
WanatO awanvmnahe
YO niStayeiti kvrvtVe sraoCy&m,
iCarv hA niStAta kiryeiti
Yezi graNtO niStayeiti
TbiStaheciT axCnuStahe
miqra manO rAmayeiti
huxCnUitIm paiti miqrahe.
110 kahmAi Yaskvmca mahrkvmca
kahmAi ainiStIm duciqrvm
azvm baxCAni xCayamnO,
kahmAi Asn&mciT frazaiNtIm
haqra-jata nijanAni,
111 kahmAi azvm uGrvm xCaqrvm
Xainisaxtvm pouru-spADvm
amainimnahe manaMhO
apabarAni WahiStvm
sAqrasciT hamO-xCaqrahe
kamvrvDO-janO aurwahe
WanatO awanvmnahe
YO niStayeiti kvrvtVe sraoCy&m,
iCarv hA niStAta kiryeti
Yezi graNtO niStayeiti
xCnUtaheciT aTbiStahe
miqra manO Yaozayeiti
axCnUitIm paiti miqrahe.
ahe raya ... tlscA Yazamaide.


[28]


112 miqrvm Wouru-gaoyaoitIm ... jaGaurwlMhvm,
vrvzatO-fraCnvm zaranyO-WArvqmanvm aStraMhADvm amawaNtvm
taxmvm WIspaitIm raqaESt&m,
ciqrl miqrahe frayanl
Yasv-t&m daFyUm Acaraiti
Yaqa hubvrvtO baraiti
paqanl jafrl gaoyaotVe
AaT hwa pasu WIra WasO-xCaqrO fracaraite.
113 taDa nO jamyAT awai?he
miqra ahura bvrvzaNta
YaT bvrvzvm barAT aStra WAcim
aspan&mca srifa xCufs&n
aStrl kahw&n jyl nawiqy&n
tiGrlMhO aStayO taDa
hunawO gouru-zaoqran&m
jata paiqylNte frA-Wvrvsa.
114 aDa-nO-tUm miqra Wouru-gaoyaoite
zAwarv dayl hitaEibyO
drwatAtvm tanubyO
pouru-spaxStIm TbiCyaNt&m
paiti-jaitIm duSmainyun&m
haqrAniwAitIm hamvrvqan&m
aurwaqan&m TbiCyaNt&m.
ahe raya ... tlscA Yazamaide.


[29]


115 miqrvm Wouru-gaoyaoitIm ... jaGaurwlMhvm,
Ai miqra Wouru-gaoyaoite nmAnya ratwO WIsya zaNtuma daFyuma zaraquStrOtvma.
116 WIsaitiwl asti miqrO aNtarv haCa suptiDarvNga
qrisaqBl aNtarv WarvzAna
caqBarvsaqBl aNtarv haDO-gaEqa paNca-saqBl aNtarv huyAGna
xCwaStiwl aNtarv hAwiSta haptaiqiwl aNtarv aEqrya aEqra-paiti aStaiqiwl aNtarv zAmAtara Xasura nawaitiwl aNtarv brAqra,
117 satAyuS aNtarv pitarv puqrvmca hazaMrAiS aNtarv daFyu
baEwarOiS asti miqrO
YO daEnayl mAzdayasnOiS
awa hacaite amahe ay&n aqa aMhAiti WvrvqraGnahe.
118 nvmaMha aDara dAta AjasAni upara dAta,
Yaqa awaT hwarvxCaEtvm tarasca har&m bvrvzaitIm fraca Aiti aiBica Wazaite awaqa azvmciT spitama nvmaMha aDara dAta AjasAni upara dAta tarasca aMrahe mainyVuS drwatO zaoC&.
ahe raya ... tlscA Yazamaide.


[30]


119 miqrvm Wouru-gaoyaoitIm ... jaGaurwlMhvm,
miqrvm YazaECa spitama
framrwiCa aEqryan&m,
YazayaNta qB&m mazdayasna
pasubya staoraEibya
WayaEibya patarvtaEibya
YO parvnInO frawazlNte.
120 miqrO WIspV mazdayasnan&m Y&m aCaon&m vrvDBAca kvrvqBAca
haomO AwistO aiBi-WistO Yl zaota aiBica WaEDaylNte fraca YazlNte nA aCawa YaoZdAt&m zaoqr&m fraMuharAT YO kvrvnawAT Yim Yazaite miqrvm Yim Wouru-gaoyaoitIm xCnUtO aTbiStO hyAT.
121 paiti-dim pvrvsaT zaraquStrO,
kuqa ahura mazda nA aCawa YaoZdAt&m zaoqr&m fraMuharAT YO kvrvnawAT Yim Yazaite miqrvm Yim Wouru-gaoyaoitIm xCnUtO aTbiStO hyAT.
122 AaT mraoT ahurO mazdl,
qri-ayarvm qri-xCaparvm tanUm frasnayayaNta qrisatvm upAzanan&m pairi-AkayayaNta miqrahe Wouru-gaoyaoitOiS YasnAica WahmAica,
bi-ayarvm bi-xCaparvm tanUm frasnayayaNta WIsaiti upAzanan&m pairi-AkayayaNta miqrahe Wouru-gaoyaoitOiS YasnAica WahmAica,
mA-ciS mE lMh&m zaoqran&m fraMuharAT YA nOiT staotan&m Yesnyan&m AmAtO WIspe ratawO.
ahe raya ... tlscA Yazamaide.


[31]


123 miqrvm Wouru-gaoyaoitIm ... jaGaurwlMhvm,
Yim Yazata ahurO mazdl
raoxCnAT paiti garO-nmAnAT.
124 uzbAzAuS paiti amvrvxtIm
frawazaite miqrO YO Wouru-gaoyaoitiS
haca raoxCnAT garO-nmAnAT
WACvm srIrvm WawazAnvm hAmO-taxmvm
WIspO-paEsvm zaranaEnvm.
125 ahmya WACe WazlNte
caqBArO aurwaNtO
spaEtita hama-gaonlMhO
mainyuS-Xarvqa anaoClMhO,
tE para-saflMhO zaranaEna paiti-Smuxta AaT hE apara vrvzataEna,
AaT tE WIspa frA-Yuxta h&m iw&mca sim&mca simOiqr&mca dvrvta hukvrvta upairispAtA aka bast&m xCaqrvm WairIm.
126 daCinvm hE arvDe Wazaite raCnwO raziStO spVniStO
upa-raoDiStO,
AaT hE hAwOya arvDe Wazaite raziSt&m cist&m baraT-zaoqr&m aCaonIm spaEta Wastrl WaMhaiti spaEta daEnayl mAzdayasnOiS upamanvm.
127 upawazata taxmO dAmOiS upamanO
hU kvhrpa WarAzahe
paiti-vrvnO tiZi-d&strahe
arCnO tiZi-asUrahe
hakvrvT-janO WarAzahe
anu-pOiqBahe graNtahe
parCwanikahe taxmahe
YUxDahe pAiriwAzahe,
nixCata ahmAT Wazata AtarS YO upa-suxtO uGrvm YO kawaEm XarvnO.
128 hiStaite aom WACahe
miqrahe Wouru-gaoyaoitOiS
hazaMrvm qanwarvitin&m [asti YO gawasnahe snAuya jya] hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m.
129 hiStaite aom WACahe
miqrahe Wouru-gaoyaoitOiS
hazaMrvm iCun&m kahrkAsO-parnan&m zaranyO-zafr&m srwI-stay&m [asti YA aMhaEna sparvGa] hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m.
130 hiStaite aom WACahe
miqrahe Wouru-gaoyaoitOiS
hazaMrvm arStin&m brOiqrO-taEZan&m hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m,
hiStaite aom WACahe
miqrahe Wouru-gaoyaoitOiS
hazaMrvm cakuCan&m haosafnaEn&m bitaEGan&m hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m.
131 hiStaite aom WACahe
miqrahe Wouru-gaoyaoitOiS
hazaMrvm karvtan&m wayO-dAran&m hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m,
hiStaite aom WACahe
miqrahe Wouru-gaoyaoitOiS
hazaMrvm gaDan&m ayaMhaEnan&m hukvrvtan&m,
mainyawasl WazvNti
mainyawasl patvNti
kamvrvDe paiti daEwan&m.
132 hiStaite aom WACahe
miqrahe Wouru-gaoyaoitOiS
Wazrvm srIrvm huniwixtvm
satafStAnvm satOdArvm
frawaEGvm WIrO-nylNcim
zarOiS ayaMhO frahixtvm
amawatO zaranyehe
amawastvmvm zayan&m
Wvrvqrawastvmvm zayan&m,
mainyawasl WazvNti
mainyawasl patvNti
kamvrvDe paiti daEwan&m.
133 pasca jaiNti daEwan&m
pasca niGniNti miqrO-druj&m
maKyAn&m frawazaite
miqrO YO Wouru-gaoyaoitiS
tarO arvzahi sawahi
tarO fradaDafCu WIdaDafCu tarO Wouru-barvSti Wouru-jarvSti tarO imaT karCwarv YaT Xaniraqvm bAmIm.
134 awi bADa fratvrvsaiti
aMrO mainyuS pouru-mahrkO,
awi bADa fratvrvsaiti
aECmO duZdl pvCO-tanuS,
awi bADa fratvrvsaiti
bUCy&sta darvGO-gawa,
awi bADa fratvrvsaiti
WIspe mainyawa daEwa
YaEca Warvnya drwaNtO.
135 mA miqrahe Wouru-gaoyaoitOiS
graNtahe WaEGAi jasaEma,
mA-nO graNtO aipi-janyl
miqrO YO Wouru-gaoyaoitiS
YO aojiStO Yazatan&m
YO taNciStO Yazatan&m
YO qBaxCiStO Yazatan&m
YO AsiStO Yazatan&m
YO as Wvrvqraj&stvmO Yazatan&m
fraxStaite paiti Aya zvmA
miqrO YO Wouru-gaoyaoitiS.
ahe raya ... tlscA Yazamaide.


[32]


136 miqrvm Wouru-gaoyaoitIm ... jaGaurwlMhvm
YahmAi auruCa aurwaNta
YUxta WACa qaNjaslNte
aEwa caxra zaranaEna
asAnasca WIspO-bAma
Yezi-CE zaoqrl baraiti
awi-CE maEqanvm.
137 uSta ahmAi naire mainyAi
uiti mraoT ahurO mazdl
Ai aCAum zaraquStra
YahmAi zaota aCawa
aMhVuS dahmO tanu-m&qrO
frastvrvtAT paiti barvsmvn
miqrahe Waca YazAite
rAStvm ahmAi naire mainyAi
miqrO maEqanvm Acaraiti.
Yezi-CE YAnADa bawaiti saMhvmciT anu sastrAi saMhvmciT anu mainyAi,
138 sAdrvm ahmAi naire mainyAi
uiti mraoT ahurO mazdl
Ai aCAum zaraquStra
YahmAi zaota anaCawa
adahmO atanu-m&qrO
pasca barvsma frahiSta
pvrvnvmca barvsma starAnO
darvGvmca Yasnvm YazAnO.
139 nOiT xCnAwayeiti ahurvm mazd&m nOiT anye amvCl spvNta nOiT
miqrvm Yim Wouru-gaoyaoitIm
YO mazd&m tarO manyete tarO anye amvCl spvNta tarO miqrvm Yim Wouru-gaoyaoitIm tarO dAtvmca raCnUmca arStAtvmca frAdaT-gaEq&m WarvdaT-gaEq&m.
ahe raya ... tlscA Yazamaide.


[33]


140 miqrvm Wouru-gaoyaoitIm ... jaGaurwlMhvm,
YazAi miqrvm spitama
WaMhuS taxmvm mainyaom
aGrIm hwAmarZdikvm
amiqBvm uparO-nmAnvm
aojaMhvm taxmvm raqaESt&m.
141 Wvrvqrawl zaEna hacimnO hutASta tvmaMhADa jiGAurum
aDaoyamnvm,
aojiStan&m asti aojiStvm taNciStan&m asti taNciStvm baGan&m asti aS-xraqBastvmO Wvrvqrawl Xarvna hacimnO hazaMrA-gaoCO baEwarv-caCmanO
YO baEwarv-spasAnO sUrO
WIspO-WIDwl aDaoyamnO.
ahe raya ... tlscA Yazamaide.


[34]


142 miqrvm Wouru-gaoyaoitIm ... jaGaurwlMhvm
YO paoiriS WaEiDiS sUrvm frADAiti spvNtahe mainyVuS dAm&n huDAtO maziStO YazatO
Yaqa tanUm raocayeiti
Yaqa mlMhO hwAraoxCnO,
143 Ye?hl ainikO brAzaiti
Yaqa tiStryO-stArahe
Ye?he WACvm haNgrvBnAiti
aDawiS paoirIS spitama
Yaqa dAm&n sraEStAiS hU-bAmya xCaEtAi YazAi h&m-taStvm YO daDwl spvNtO mainyuS stvhrpaEsaMhvm mainyu-tAStvm
YO baEwarv-spasAnO sUrO
WIspO-WIDwl aDaoyamnO.
ahe raya ... tlscA Yazamaide.


[35]


144 miqrvm Wouru-gaoyaoitIm ... jaGaurwlMhvm,
miqrvm aiBi-daFyUm Yazamaide,
miqrvm aNtarv-daFyUm Yazamaide,
miqrvm A-daFyUm Yazamaide,
miqrvm upairi-daFyUm Yazamaide,
miqrvm aDairi-daFyUm Yazamaide,
miqrvm pairi-daFyUm Yazamaide,
miqrvm aipi-daFyUm Yazamaide.
145 miqra ahura bvrvzaNta
aiqyejaMha aCawana Yazamaide,
strVuSca mlMhvmca hwarvca
urwarl paiti barvsmanyl
miqrvm WIspan&m daFyun&m
dai?hupaitIm Yazamaide.
ahe raya ... tlscA Yazamaide.


(Recite silently:)

146 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
miqrahe Wouru-gaoyaoitOiS rAmanO XAstrahe.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


11. Srosh Yasht Hadokht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
srOS i aSO i tagI i tan farm&n i Skaft zIn i zIn aBazAr i
sA1Ar i d&m& i hOrmvzd bV rasAT.
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

sraoCahe aCyehe taxmahe tanum&qrahe darCi-draoS AhUiryehe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide,
nvmO Wohu nvmO WahiStvm zaraquStra gaEqAbyO.
2 taT drwatO drwat&m aurwaqO paiti-dArvSta
taT drwatO drwatylsca aCi uCi karvna gawa dwarvqra zafarv dvrvzw&n pairi-urwaEStvm
YaT nvmO Wohu aDawIm aTbaECvm naire h&m-WarvitiS drujO WArvqma dArvSta.
3 sraoCO aCyO driGUm qrAtOtvmO hO Wvrvqraja drujvm jaGniStO,
nA aCawa Afri-WacastvmO hO Wvrvqra WvrvqrawastvmO,
m&qrO spvNtO mainyvwIm drujvm niZbairiStO ahunO WairyO Wac&m Wvrvqraj&stvmO arSuxDO WAxS YAhi Wvrvqraj&stvmO daEna mAzdayasniS WIspaECu WaMhuCu WIspaECuca aCO-ciqraECu haiqya-dAtvma aqa dAtvm zaraquStri.
4 Yasca zaraquStra imaT uxDvm WacO frawaocAT nA-WA nAiri-WA
aCa-sara manaMha aCa-sara WacaMha aCa-sara Kyaoqna masO WA ApO masO WA qBaECO xCapO WA t&qryayl aipi-dw&narayl ap&m WA nAwayan&m paiti pvrvtUS paq&m WA paiti WIcarvnl nar&m WA aCaon&m haNjamanAiS drwat&m WA daEwayasnan&m haNdwaranAiS.
5 kahmi kahmiciT WA aipyan&m kahmi kahmiciT WA araqyan&m
qBaECO biBiwl
nOiT dim Yawa ai?he ay&n nOiT ai?hl xCapO drwl zarvtO zaranumanO
zazarAnO aCibya awa-spaSticina aoi awa-spaCnaoT nOiT gaDahe WazO-W&qByehe TbaECO fr&Sticina frACnuyAT.
6 imaTca zaraquStra imaT uxDvm WacO framruyl YaT AjasAT
kvrvtasca gaDOtuSca daEwISca haNdramana,
AaT drwat&m daEwayasnan&m YAtuSca YAtumat&m pairiklsca pairikawat&m TbaECO fratvrvs&n fradwar&n,
nylNcO daEwO nylNcO daEwayAzO zafarv awa-gvurway&n iqa rArvKyaNtO.
7 Yaqaca pasuS-haurwlMhO aEtaT sraoCvm aCIm pairi-barAmaide
Yim aCawanvm WvrvqrAjanvm aEtaT sraoCvm aCIm frA-Yazamaide Yim aCawanvm WvrvqrAjanvm humatAiSca hUxtAiSca hwarStAiSca.
8 ahe raya XarvnaMhaca
ai?he ama WvrvqraGnaca
ahe Yasna Yazatan&m
tvm YazAi surunwata Yasna
sraoCvm aCIm zaoqrAbyO
aCImca WaMuhIm bvrvzaitIm
nairImca saMhvm huraoDvm,
Aca-nO jamyAT awaMhe
Wvrvqrajl sraoCO aCyO.
9 sraoCvm aCIm Yazamaide,
ratUm bvrvzaNtvm Yazamaide Yim ahurvm mazd&m YO aCahe apanOtvmO YO aCahe jaGmUStvmO,
WIspa srawl zaraquStri Yazamaide,
WIspaca hwarSta Kyaoqna Yazamaide WarStaca WarvKyamnaca.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


2
10 sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide
YO WananO kayaDahe
YO WananO kAiDyehe
YO jaNta daEwayl drujO
aS-aojaMhO ahUm-mvrvNcO
YO harvta aiByAxStaca
WIspayl frawOiS gaEqayl.
11 YO anawaMhabdvmnO zaEnaMha
nipAiti mazdl dAm&n
YO anawaMhabdvmnO zaEnaMha
niShaurwaiti mazdl dAm&n
YO WIspvm ahUm astwaNtvm
vrvDBa snaiqiCa nipAiti
pasca hU frACmO-dAitIm.
12 YO nOiT pascaEta huSXafa
YaT mainyU dAm&n daiDItvm
Yasca spvNtO mainyuS Yasca aMrO
hiCArO aCahe gaEql
YO WIspAiS ay&nca xCafnasca YUiDyeiti mAzanyaEibyO haDa daEwaEibyO.
13 hO nOiT tarStO frAnAmAite
qBaECAT parO daEwaEibyO
frA ahmAT parO WIspe daEwa
anusO tarSta nvmaNte
tarSta tvmaMhO dwarvNti. (yt11.10-13 e y57.15-18)
ahe raya ... tlscA Yazamaide.
(Repeat verses 8-9)


3
14 YaqA ahU WairyO....
sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide
YO AxStiSca urwaitiSca
drujO spasyO spVniStahe,
awAin amvCl spvNta
aoi haptO-karCwairIm z&m
YO daEnO-disO daEnayAi,
ahmAi daEn&m daEsayaT
ahurO mazdl aCawa.
ahe raya ... tlscA Yazamaide.
(Repeat verses 8-9)


4
15 YaqA ahU WairyO....
sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide
Yim daqaT ahurO mazdl aCawa aECmahe xrwI-draoS hamaEstArvm,
AxStIm h&m-WaiNtIm Yazamaide parvtasca mrwaylsca hamaEstAra.
16 haxaya sraoCahe aCyehe haxaya raCnaoS raziStahe haxaya
miqrahe Wouru-gaoyaoitOiS haxaya WAtahe aCaonO haxaya daEnayl WaMhuyl mAzdayasnOiS haxaya arStAtO frAdaT-gaEqayl WarvdaT-gaEqayl sawO-gaEqayl haxaya aCOiS WaMhuyl haxaya cistOiS WaMhuyl haxaya raziStayl cistayl,
17 haxaya WIspaEC&m Yazatan&m haxaya m&qrahe spvNtahe haxaya
dAtahe WIdaEwahe haxaya darvGayl upayanayl haxaya amvCan&m spvNtan&m haxaya ahmAkvm saoKyaNt&m YaT bipaitiStan&m aCaon&m haxaya WIspayl aCaonO stOiS.
ahe raya ... tlscA Yazamaide.
(Repeat verses 8-9)


5
18 YaqA ahU WairyO....
sraoCvm aCIm huraoDvm WvrvqrAjanvm frAdaT-gaEqvm aCawanvm
aCahe ratUm Yazamaide
paoirImca upvmvmca maDvmvmca fratvmvmca paoiryAca Yasna
upamaca maDvmaca fratvmaca.
19 WIspl sraoCahe aCyehe
taxmahe tanum&qrahe
taxmahe h&m-WarvitiwatO
bAzuS-aojaMhO raqaEStl
kamvrvDO-janO daEwan&m
WanatO WanaitIS WanaitiwatO aCaonO WanatO WanaitIS
WanaiNtImca uparatAtvm Yazamaide Y&mca sraoCahe aCyehe
Y&mca arStOiS Yazatahe. (y57.33)
20 WIspa nmAna sraoCO-pAta Yazamaide Ye?hADa sraoCO aCyO fryO
friqO paiti-zaNtO nAca aCawa frAyO-humatO frAyO-hUxtO frAyO-hwarStO.
21 kvhrpvm sraoCahe aCyehe Yazamaide,
kvhrpvm raCnaoS raziStahe Yazamaide,
kvhrpvm miqrahe Wouru-gaoyaoitOiS Yazamaide,
kvhrpvm WAtahe aCaonO Yazamaide,
kvhrpvm daEnayl WaMhuyl mAzdayasnOiS Yazamaide,
kvhrpvm arStAtO frAdaT-gaEqayl WarvdaT-gaEqayl sawO-gaEqayl Yazamaide,
kvhrpvm aCOiS WaMhuyl Yazamaide,
kvhrpvm cistOiS WaMhuyl Yazamaide,
kvhrpvm raziStayl cistayl Yazamaide.
22 kvhrpvm WIspaEC&m Yazatan&m Yazamaide,
kvhrpvm m&qrahe spvNtahe Yazamaide,
kvhrpvm dAtahe WIdaEwahe Yazamaide,
kvhrpvm darvGayl upayanayl Yazamaide,
kvhrpvm amvCan&m spvNtan&m Yazamaide,
kvhrpvm ahmAkvm saoKyaNt&m YaT bipaitiStan&m aCaon&m Yazamaide.
kvhrpvm WIspayl aCaonO stOiS Yazamaide.
ahe raya ... tlscA Yazamaide.
(Repeat verses 8-9)


(Recite silently:)

23 (srOS i aSO i tagI i tan farm&n i Skaft zIn i zIn aBazAr i
sA1Ar i d&m& i hOrmvzd bV rasAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
sraoCahe aCyehe taxmahe tanum&qrahe darCi-draoS AhUiryehe.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


11a. Srosh Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
srOS i aSO i tagI i tan farm&n i Skaft zIn i zIn aBazAr i
sA1Ar i d&m& i hOrmvzd bV rasAT.
vZ hamA gunAh ... pa patit hOm.)


xCnaoqra ahurahe mazdl , tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

sraoCahe aCyehe taxmahe tanum&qrahe darCi-draoS AhUiryehe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide YO paoiryO mazdl dAm&n
frastvrvtAT paiti barvsmvn
Yazata ahurvm mazd&m
Yazata amvCV spvNtV
Yazata pAyU qBOrvStAra
YA WIspa qBvrvsatO dAm&n.
2 ahe raya XarvnaMhaca
ai?he ama WvrvqraGnaca
ahe Yasna Yazatan&m
tvm YazAi surunwata Yasna
sraoCvm aCIm zaoqrAbyO
aCImca WaMuhIm bvrvzaitIm
nairImca saMhvm huraoDvm,
Aca-nO jamyAT awaMhe
Wvrvqrajl sraoCO aCyO.
3 sraoCvm aCIm Yazamaide,
ratUm bvrvzaNtvm Yazamaide Yim ahurvm mazd&m YO aCahe apanOtvmO YO aCahe jaGmUStvmO,
WIspa srawl zaraquStri Yazamaide,
WIspaca hwarSta Kyaoqna Yazamaide WarStaca WarvKyamnaca.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


4 sraoCvm aCIm huraoDvm WvrvqrAjanvm frAdaT-gaEqvm
aCawanvm aCahe ratUm Yazamaide,
5 YO paoiryO barvsma frastvrvnata qryaxStISca paNca-YaxStISca
hapta-YaxStISca nawa-YaxStISca AxCnUSca maiDyOi-paitiStAn&sca amvCan&m spvNtan&m YasnAica WahmAica xCnaoqrAica frasastayaEca.
ahe raya ... tlscA Yazamaide.
(Repeat verses 2-3.)
6 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide,
7 YO paoiryO gAql frasrAwayaT Yl paNca spitAmahe aCaonO
zaraquStrahe afsmaniw&n WacastaStiwaT maT-AzaiNtIS maT-paiti-frasl amvCan&m spvNtan&m YasnAica WahmAica xCnaoqrAica frasastayaEca.
ahe raya ... tlscA Yazamaide.
(Repeat verses 2-3)
8 sraoCvm aCIm huraoDvm WvrvqrAjanvm frAdaT-gaEqvm
aCawanvm aCahe ratUm Yazamaide 9 YO driGaoSca drIwylsca
amawaT nmAnvm h&m-tASti
pasca hU frACmO-dAitIm
YO aECmvm stvrvqBata snaiqiCa
WIxrUmaNtvm Xarvm jaiNti
aTca hE bADa kamvrvDvm
jaGnwl paiti XaMhayeiti
Yaqa aojl nAidylMhvm.
ahe raya ... tlscA Yazamaide.
(Repeat verses 2-3.)
10 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide taxmvm AsUm aojaMhwaNtvm
darCitvm sUrvm bvrvzaiDIm
11 YO WIspaEibyO haca arvzaEibyO
Wawanwl paiti-jasaiti
Wyaxma amvCan&m spvNtan&m.
ahe raya ... tlscA Yazamaide.
(Repeat verses 2-3.)
12 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide YUn&m aojiStvm YUn&m taNciStvm YUn&m qBaxCiStvm YUn&m AsiStvm YUn&m parO-katarStvmvm,
paitiCata mazdayasna
sraoCahe aCyehe Yasnvm.
13 dUrAT haca ahmAT nmAnAT
dUrAT haca ai?hAT WIsaT
dUrAT haca ahmAT zaNtaoT
dUrAT haca ai?hAT dai?haoT
aGl iqyejl WOiGnl YeiNti
Ye?he nmAnaya sraoCO aCyO Wvrvqrajl
qr&fvDO asti paiti-zaNtO
nAca aCawa frAyO-humatO frAyO-hUxtO frAyO-hwarStO.
ahe raya ... tlscA Yazamaide.
(Repeat verses 2-3.)
14 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide YO WananO kayaDahe
YO WananO kAiDyehe
YO jaNta daEwayl drujO
aS-aojaMhO ahUm-mvrvNcO
YO harvta aiByAxStaca
WIspayl frawOiS gaEqayl.
15 YO anawaMhabdvmnO zaEnaMha
nipAiti mazdl dAm&n
YO anawaMhabdvmnO zaEnaMha
niShaurwaiti mazdl dAm&n
YO WIspvm ahUm astwaNtvm
vrvDBa snaiqiCa nipAiti
pasca hU frACmO-dAitIm.
16 YO nOiT pascaEta huSXafa
YaT mainyU dAm&n daiDItvm
Yasca spvNtO mainyuS Yasca aMrO
hiCArO aCahe gaEql
YO WIspAiS ay&nca xCafnasca YUiDyeiti mAzanyaEibyO haDa daEwaEibyO.
17 hO nOiT tarStO frAnAmAite
qBaECAT parO daEwaEibyO
frA ahmAT parO WIspe daEwa
anusO tarSta nvmaNte
tarSta tvmaMhO dwarvNti.
ahe raya ... tlscA Yazamaide.
(Repeat verses 2-3.)
18 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide Yim Yazata
haomO frACmiS baECazyO
srIrO xCaqryO zairi-dOiqrO
barvziSte paiti barvzahi
haraiqyO paiti barvzayl
19 hwacl pApO-Wacl pairi-gl Wacl
paiqimnO WIspO-paEsIm
mastIm Y&m pouru-AzaiNtIm
m&qraheca paurwatAtvm.
ahe raya ... tlscA Yazamaide.
(Repeat verses 2-3.)
20 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide Ye?he nmAnvm WArvqraGni
hazaMrO-stUnvm WIDAtvm
barvziSte paiti barvzahi
haraiqyO paiti barvzayl
XAraoxCnvm aNtara-naEmAT
stvhrpaEsvm niStara-naEmAT.
21 Ye?he ahunO WairyO
snaiqiS WIsata Wvrvqrajl
Yasnasca haptaMhAitiS fCUCasca m&qrO YO WArvqraGniS WIsplsca YasnO-kvrvtayO.
ahe raya ... tlscA Yazamaide.
(Repeat verses 2-3.)


22 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide Ye?he amaca WvrvqraGnaca
haoz&qBaca WaEDyAca
awAin amvCl spvNta
aoi haptO-karCwairIm z&m
YO daEnO-disO daEnayAi.
23 WasO-xCaqrO fracarAiti
aoi Y&m astwaitIm gaEq&m,
aya daEnaya fraorvNta
ahurO mazdl aCawa
frA Wohu manO frA aCvm WahiStvm frA xCaqrvm WairIm frA spvNta ArmaitiS frA haurwatAs frA amvrvtatAs frA AhUiriS fraCnO frA AhUiriS TkaECO.
24 frA aDa waEibya ahubya
waEibya nO ahubya nipayl
Ai sraoCa aCya huraoDa
aheca aMhVuS YO astwatO
Yasca asti manahyO
pairi drwataT mahrkAT
pairi drwataT aECmAT
pairi drwaTbyO haEnaEibyO
Yl us xrUrvm drafCvm gvrvBn&n
aECmahe parO draomVbyO
Yl aECmO duZdl drAwayAT
maT WIDAtaoT daEwO-dAtAT.
25 aDa-nO-tUm sraoCa aCya huraoDa
zAwarv dayl hitaEibyO
drwatAtvm tanubyO
pouru-spaxStIm TbiCyaNt&m
paiti-jaitIm duSmainyun&m
haqrA-niwAitIm hamvrvqan&m
aurwaqan&m TbiCyaNt&m.
ahe raya ... tlscA Yazamaide.
(Repeat verses 2-3.)


26 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide Yim caqBArO aurwaNtO
auruCa raoxCna frAdvrvsra
spvNta WIDwlMhO asaya
mainiwasaMhO WazvNti,
srwaEna aEC&m saflMhO
zaranya paiti-qBarStlMhO,
27 AsyaMha aspaEibya AsyaMha WAtaEibya AsyaMha WAraEibya
AsyaMha maEGaEibya AsyaMha WayaEibya patarvtaEibya AsyaMha hwastayl ai?himanayl,
28 YOi WIspV tE apayeiNti
Y& awe paskAT WyeiNti
nOiT awe paskAT AfvNte,
YOi waEibya snaiqIZbya
frAyatayeiNti Wazvmna
Yim WohUm sraoCvm aCIm
YaTciT uCastaire hiNdwO Agvurwayeite
YaTciT daoCataire niGne.
ahe raya ... tlscA Yazamaide.
(Repeat verses 2-3.)


29 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide YO bvrvzO bvrvzyAstO
mazdl dAm&n niSaMhasti
30 YO AqritIm hamahe
ay&n hamayl WA xCapO
imaT karCwarv awazAite
YaT Xaniraqvm bAmIm
snaiqiS zastaya draZimnO
brOiqrO-taEZvm hwA-WaEGvm
kamvrvDe paiti daEwan&m
31 snaqAi aMrahe manyVuS drwatO snaqAi aECmahe xrwIm-draoS
snaqAi mAzainyan&m daEwan&m snaqAi WIspan&m daEwan&m.
ahe raya ... tlscA Yazamaide.
(Repeat verses 2-3.)


32 sraoCvm aCIm huraoDvm WvrvqrAjanvm
frAdaT-gaEqvm aCawanvm aCahe ratUm Yazamaide iDaTca ainiDaTca iDaTca
WIsp&mca aipi im&m z&m
WIspl sraoCahe aCyehe
taxmahe tanum&qrahe
taxmahe h&m-WarvitiwatO
bAzuS-aojaMhO raqaEStl
kamvrvDO-janO daEwan&m
WanatO WanaitIS WanaitiwatO aCaonO WanatO WanaitIS WanaiNtImca uparatAtvm Yazamaide
Y&mca sraoCahe aCyehe
Y&mca arStOiS Yazatahe.
33 WIspa nmAna sraoCO-pAta Yazamaide Ye?hADa sraoCO aCyO fryO
friqO paiti-zaNtO nAca aCawa frAyO-humatO frAyO-hUxtO frAyO-hwarStO.


ahe raya XarvnaMhaca
ai?he ama WvrvqraGnaca
ahe Yasna Yazatan&m
tvm YazAi surunwata Yasna
sraoCvm aCIm zaoqrAbyO
aCImca WaMuhIm bvrvzaitIm
nairImca saMhvm huraoDvm,
Aca-nO jamyAT awaMhe
Wvrvqrajl sraoCO aCyO.
sraoCvm aCIm Yazamaide,
ratUm bvrvzaNtvm Yazamaide Yim ahurvm mazd&m YO aCahe apanOtvmO YO aCahe jaGmUStvmO, WIspa srawl zaraquStri Yazamaide,
WIspaca hwarSta Kyaoqna Yazamaide WarStaca WarvKyamnaca.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


(Recite silently:)
(srOS i aSO i tagI i tan farm&n i Skaft zIn i zIn aBazAr i
sA1Ar i d&m& i hOrmvzd bV rasAT VduN bAT.)


(Recite aloud:)
YaqA ahU WairyO...(2).
Yasnvmca Wahmvmca aojasca zawarvca AfrInAmi
sraoCahe aCyehe taxmahe tanum&qrahe darCi-draoS AhUiryehe.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


12. Rashn Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
raSn i rAst i YazaT bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

raCnaoS raziStahe arStAtasca frAdaT-gaEqayl
WarvdaT-gaEqayl arSuxDahe WacaMhO YaT frAdaT-gaEqahe xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 paiti dim pvrvsaT aCawa,
aCAum ahura mazda
ise qB&m ahura mazda
pvrvse qB&m raCnya uxDahe
paiti mE WIDwl mrUiDi,
aDaoyO ahi aDaoyO-xratuS aDaoyO WIspO-WIDwl,
kaT asti m&qrahe spvNtahe arS-dAtvm kaT fraZdAtvm kaT WIciqvm kaT qamnaMhuNtvm kaT WarvcaMhuNtvm kaT YaoxStiwaNtvm taraDAtvm anyAiS dAm&n.
2 AaT mraoT ahurO mazdl,
azvm bA-tE taT framrawAni
vrvzwO aCAum spitama,
m&qrO spvNtO YO aS-Xarvnl
taT asti m&qrahe spvNtahe arS-dAtvm taT fraZdAtvm taT
WIciqvm taT
qamnaMhuNtvm taT WarvcaMhuNtvm taT YaoxStiwaNtvm taraDAtvm anyAiS dAm&n.
3 AaT mraoT ahurO mazdl,
qriCum barvsma frastvrvnuyl
paitiCa hU aDBanvm,
zbayamahi frInAmahi m&m Yim ahurvm mazd&m,
urwaq&mciT zbayemi
awi imaT WarO uzdAtvm
awi Atrvmca barvsmAca
awi pvrvn&m WIGZArayeiNtIm
awi raoGny&m WaraMhvm
AzuitImca urwaran&m.
4 aEtaT tE jasAni awaMhe
azvm YO ahurO mazdl
awi awaT WarO uzdAtvm
awi Atrvmca barvsmAca
awi pvrvn&m WIGZArayeiNtIm
awi raoGny&m WaraMhvm
AzuitImca urwaran&m
haqra WAta WvrvqrAjanO
haqra dAmOiS upamanO
haqra kawaEm XarvnO
haqra saoke mazdaDAite.
5 zbayamahi frInAmahi raCnUm Yim amawaNtvm,
urwaq&mciT zbayemi awi imaT WarO uzdAtvm awi Atrvmca barvsmAca awi pvrvn&m WIGZArayeiNtIm awi raoGny&m WaraMhvm AzuitImca urwaran&m.
6 aEtaT tE jasAiti awaMhe raCnuS bvrvzO YO amawl awi imaT
WarO
uzdAtvm awi Atrvmca barvsmAca awi pvrvn&m WIGZArayeiNtIm awi raoGny&m WaraMhvm AzuitImca urwaran&m haqra WAta WvrvqrAjanO haqra dAmOiS upamanO haqra kawaEm XarvnO haqra saoke mazdaDAite.
7 raCnwO aCAum raCnwO raziSta raCnwO spVniSta raCnwO WaEDiSta
raCnwO WiDcOiSta raCnwO parakawistvma raCnwO dUraEdarvStvma raCnwO arvqamaT bairiSta
raCnwO tAyUm nijaGniSta.
8 aTbiSta hAiDiSta jaGniSta nasiSta tAyUmca hazaMuhanvmca ahmi
arvqe Yahmi gaEqe kvCa WaSta haDa nara taDa mara haDa nA-tanasuS.
9 YaTciT ahi raCnwO aCAum upa karCwarv YaT arvzahi
zbayamahi ... raCnUm Yim amawaNtvm ... nA-tanasuS.
(Repeat verses 5-8)
10 YaTciT ahi raCnwO aCAum upa karCwarv YaT sawahi
zbayamahi ....
(Repeat verses 5-8)
11 YaTciT ahi raCnwO aCAum upa karCwarv YaT fradaDafCu
zbayamahi ....
(Repeat verses 5-8)
12 YaTciT ahi raCnwO aCAum upa karCwarv YaT WIdaDafCu
zbayamahi ....
(Repeat verses 5-8)
13 YaTciT ahi raCnwO aCAum upa karCwarv YaT Wouru-barvSti
zbayamahi ....
(Repeat verses 5-8)
14 YaTciT ahi raCnwO aCAum upa karCwarv YaT Wouru-jarvSti
zbayamahi ....
(Repeat verses 5-8)
15 YaTciT ahi raCnwO aCAum imaT karCwarv YaT Xaniraqvm bAmIm
zbayamahi ....
(Repeat verses 5-8)
16 YaTciT ahi raCnwO aCAum upa zrayO WourukaCvm
zbayamahi ....
(Repeat verses 5-8)
17 YaTciT ahi raCnwO aCAum upa aw&m Wan&m Y&m saEnahe YA
hiStaite maiDIm zrayaMhO WourukaCahe YA hubiS vrvDBO-biS YA Waoce WIspO-biS n&ma
Y&m upairi urwaran&m
WIspan&m taoxma niDayaT
zbayamahi ....
(Repeat verses 5-8)
18 YaTciT ahi raCnwO aCAum upa aoDaECu raMhayl
zbayamahi ....
(Repeat verses 5-8)
19 YaTciT ahi raCnwO aCAum upa sanake raMhayl
zbayamahi ....
(Repeat verses 5-8)
20 YaTciT ahi raCnwO aCAum upa karanvm ai?hl zvmO
zbayamahi ....
(Repeat verses 5-8)
21 YaTciT ahi raCnwO aCAum upa WImaiDIm ai?hl zvmO
zbayamahi ....
(Repeat verses 5-8)
22 YaTciT ahi raCnwO aCAum upa kwaciT ai?hl zvmO
zbayamahi ....
(Repeat verses 5-8)
23 YaTciT ahi raCnwO aCAum upa har&m bvrvzaitIm
paouru-fraourwaEs&m bAmy&m
Yaqra nOiT xCapa nOiT tvml
nOiT aotO WAtO nOiT garvmO
nOiT axtiS paouru-mahrkO
nOiT AhitiS daEwO-dAta
naEDa dunm&n uzjasaiti
haraiqyO paiti barvzayl
zbayamahi ....
(Repeat verses 5-8)
24 YaTciT ahi raCnwO aCAum
upa hukairIm barvzO
WIspOwamvm zaranaEnvm
YahmaT mE haca frazgaDaite
arvdwI sUra anAhita
hazaMrAi barvCna WIran&m
zbayamahi ....
(Repeat verses 5-8)
25 YaTciT ahi raCnwO aCAum
upa taErvm haraiqyl barvzO
YaT mE aiBitO urwisvNti
starasca mlsca hwarvca
zbayamahi ....
(Repeat verses 5-8)
26 YaTciT ahi raCnwO aCAum upa WanaNtvm stArvm mazdaDAtvm
zbayamahi ....
(Repeat verses 5-8)
27 YaTciT ahi raCnwO aCAum upa tiStrIm stArvm raEwaNtvm
XarvnaMuhaNtvm
zbayamahi ....
(Repeat verses 5-8)
28 YaTciT ahi raCnwO aCAum upa awe stArO YOi haptOiriNga
zbayamahi ....
(Repeat verses 5-8)
29 YaTciT ahi raCnwO aCAum upa awe stArO YOi afS-ciqra
zbayamahi ....
(Repeat verses 5-8)
30 YaTciT ahi raCnwO aCAum upa awe stArO YOi zvmasciqra
zbayamahi ....
(Repeat verses 5-8)
31 YaTciT ahi raCnwO aCAum upa awe stArO YOi urwarO-ciqra
zbayamahi ....
(Repeat verses 5-8)
32 YaTciT ahi raCnwO aCAum upa awe stArO YOi spvNtO-mainyawa
zbayamahi ....
(Repeat verses 5-8)
33 YaTciT ahi raCnwO aCAum upa aom mlMhvm gaociqrvm
zbayamahi ....
(Repeat verses 5-8)
34 YaTciT ahi raCnwO aCAum upa hwarvxCaEtvm aurwaT-aspvm
zbayamahi ....
(Repeat verses 5-8)
35 YaTciT ahi raCnwO aCAum upa anaGra raocl XaDAtl
zbayamahi ....
(Repeat verses 5-8)
36 YaTciT ahi raCnwO aCAum upa WahiStvm ahUm aCaon&m raocaMhvm
WIspO-XAqrvm
zbayamahi ....
(Repeat verses 5-8)
37 YaTciT ahi raCnwO aCAum upa raoxCnahe garO-nmAnahe
zbayamahi ... haDa nA-tanasuS.
(Repeat verses 5-8)


(Recite silently:)

38 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
raCnaoS raziStahe arStAtasca frAdaT-gaEqayl
WarvdaT-gaEqayl arSuxDahe WacaMhO YaT frAdaT-gaEqahe.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


13. Frawardin Yasht (Hymn to the Guardian Angels)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT.
adrA frawaS bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

aCaon&m frawaCin&m uGran&m aiBiqUran&m paoiryO-TkaECan&m
frawaCin&m nabAnazdiStan&m frawaCin&m xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 mraoT ahurO mazdl spitamAi zaraquStrAi,
aEwa-tE zAwarv aojasca
XarvnO awasca rafnasca
framrawa vrvzwO spitama
YaT aCaon&m frawaCin&m
uGran&m aiBiqUran&m
Yaqa-mE jasvn awaMhe
Yaqa-mE barvn upast&m
uGrl aCaon&m frawaCayO.
2 lMh&m raya XarvnaMhaca
WIDAraEm zaraquStra
aom asmanvm YO usca
raoxCnO frAdvrvsrO YO im&m
z&m Aca pairica bwAwa
m&nayvn ahe Yaqa WIS
aEm YO hiStaite manyu-stAtO
handraxtO dUraEkaranO
ayaMhO kvhrpa XaEnahe
raocahinO aoi qriCwa,
3 Yim mazdl Waste WaMhanvm
stvhrpaEsaMhvm mainyu-tAStvm
hacimnO miqrO raCnuca
Armaitica spvNtaya
YahmAi nOiT cahmAi naEman&m
karana pairi-WaEnOiqe.
4 lMh&m raya XarvnaMhaca
WIDAraEm zaraquStra
arvdwIm sUr&m anAhit&m
pvrvqU-frAk&m baECazy&m
WIdaEw&m ahurO-TkaEC&m
Yesny&m aMuhe astwaite
Wahmy&m aMuhe astwaite
ADU-frADan&m aCaonIm
W&qBO-frADan&m aCaonIm
gaEqO-frADan&m aCaonIm
CaEtO-frADan&m aCaonIm
dai?hu-frADan&m aCaonIm,
5 YA WIspan&m arCn&m xCudrl YaoZdaDAiti
YA WIspan&m hAiriCin&m
z&qAi garvB& YaoZdaDAiti
YA WIspl hAiriCIS huzAmitO daDAiti YA WIspan&m hAiriCin&m
dAitIm raqBIm paEma awa-baraiti,
6 masit&m dUrAT frasrUt&m
YA asti awawaiti masO
Yaqa WIspl iml ApO
Yl zvmA paiti frataciNti
YA amawaiti fratacaiti
hukairyAT haca barvzaMhaT
aoi zrayO Wouru-kaCvm.
7 YaozvNti WIspe karanO
zrayA Wouru-kaCaya
A WIspO maiDyO Yaozaiti
YaT hIS aoi fratacaiti
YaT hIS aoi fraZgaraiti
arvdwI sUra anAhita,
Ye?he hazaMrvm Wairyan&m
hazaMrvm apaGZAran&m,
kasciTca aEC&m Wairyan&m
kasciTca aEC&m apaGZAran&m
caqBarv-satvm ayarv-baran&m
hwaspAi naire barvmnAi.
8 ai?hlsca mE aEwaMhl ApO
apaGZArO WIjasAiti
WIspAiS aoi karCw&n YAiS hapta,
ai?hlsca mE aEwaMhl ApO
hamaqa awa-baraiti
h&minvmca zayanvmca,
hA-mE ApO YaoZdaDAiti
hA arCn&m xCudrl hA xCaqrin&m garvB& hA xCaqrin&m paEma.
9 lMh&m raya XarvnaMhaca
WIDAraEm zaraquStra
z&m pvrvqBIm ahuraDAt&m
Y&m masImca paqan&mca
YA barvqri paraoS srIrahe
YA WIspvm ahUm astwaNtvm
baraiti jumca iristvmca
garayasca YOi bvrvzaNtO
pouru-WAstrlMhO AfvNtO,
10 Ye?hl paiti qraotO-stAcO
ApO taciNti nAwayl,
Ye?hl paiti pouru-sarvDl
zvmADa uzuxCyeiNti urwarl
qrAqrAi paswl WIrayl
qrAqrAi airyan&m daFyun&m
qrAqrAi gVuS paNcO-hyayl
awai?he nar&m aCaon&m.
11 lMh&m raya XarvnaMhaca WIDAraEm zaraquStra azvm barvqriCwa
puqrV paiti-WvrvtV apara-iriqiNtO AdAtAT WIDAtaoT WyAhwa urwaT-caEm astica gaonaca drvBdaca uruqB&sca paiDylsca frawAxCasca.
12 YeiDi-zI-mE nOiT daiDIT upast&m uGrl aCAun&m frawaCayO nOiT
mE iDa
lMhAtvm paswIra
YA-stO sarvDan&m WahiSta,
drujO aogarv drujO xCaqrvm
drujO astwl aMhuS lMhAT.
13 nI aNtarv z&m asmanvmca
drujl maniwl hazdyAT
nI aNtarv z&m asmanvmca
drujl maniwl WaonyAT,
nOiT pascaEta WanO WaNtAi
upa-dayAT aMrO mainyuS
spvNtAi mainyawe.
14 lMh&m raya XarvnaMhaca
ApO taciNti frAtaT-carvtO
xl paiti afrajyamnl,
lMh&m raya XarvnaMhaca
zvmADa uzuxCyeiNti urwarl
xl paiti afrajyamnl,
lMh&m raya XarvnaMhaca
WAtO WlNti dunmO-frutO
xl paiti afrajyamnl.
15 lMh&m raya XarvnaMhaca
hAiriCIS puqrV WvrvnwaiNti,
lMh&m raya XarvnaMhaca
huzAmitO zIzanvNti,
lMh&m raya XarvnaMhaca
YaT bawaiNti hacaT-puqrl.
16 lMh&m raya XarvnaMhaca
us-nA zayeiti WyAxanO
WyAxmOhu gUCayaT-uxDO
YO bawaiti xratu-kAtO
YO nAidylMhO gaotvmahe
parO-Yl parStOiT awAiti,
lMh&m raya XarvnaMhaca
hwarv awa paqa aEiti,
lMh&m raya XarvnaMhaca
ml awa paqa aEiti,
lMh&m raya XarvnaMhaca
stArO awa paqa YeiNti.
17 tl uGrAhu pvCanAhu
upast&m hvNti dAhiStl
Yl frawaCayO aCaon&m,
tl frawaCayO aCaon&m
aojiStl hvNti spitama
Yl paoiryan&m TkaECan&m
Yl WA nar&m azAtan&m
fraCO-carvqr&m saoKyaNt&m,
AaT anyaEC&m frawaCayO
jwan&m nar&m aCaon&m
aojyehIS zaraquStra
Yaqa iristan&m spitama.
18 AaT YO-nA-hIS hubvrvtl barAT
jwa aCaon&m frawaCayO
sAsta dai?hVuS hamO-xCaqrO
hO aMhAiti zazuStvmO
xCayO kasciT maKyAn&m
YO Wohu-bvrvt&m baraite
miqrvm Yim Wouru-gaoyaoitIm
arStAtvmca frAdaT-gaEq&m WarvdaT-gaEq&m.
19 iqa-tE zAwarv aojasca
XarvnO awasca rafnasca
framraomi vrvzwO spitama
YaT aCaon&m frawaCin&m
uGran&m aiBiqUran&m
Yaqa-mE jasvn awai?he
Yaqa-mE barvn upast&m
uGrl aCaon&m frawaCayO.


2
20 mraoT ahurO mazdl spitamAi zaraquStrAi,
AaT Yasv-qBA aEtahmi aMhwO YaT astwaiNti spitama zaraquStra paq&m jasAiti W&qBaEsO
bOiBran&m duZitan&mca
qBayaMuhat&m zaraquStra
Yezica qBaECl tanwO
aqa im&m WacO drvNjayOiS aqa im&m WacO framruyl WArvqraGnIS zaraquStra,
21 aCAun&m WaMuhIS sUrl spvNtl frawaCayO staomi zbayemi ufyemi
Yazamaide nmAnyl WIsyl zaNtuml dAFyuml zaraquStrOtvml hAitiS hAt&m hAitiS lMhuC&m hAitiS bUKyaNt&m aCaon&m WIspl WIspan&m daFyun&m zvwiStyl zvwiStyan&m daFyun&m.
22 Yl asmanvm WIDArayvn Yl Apvm WIDArayvn Yl z&m WIDArayvn
Yl g&m WIDArayvn Yl barvqriCwa puqrV WIDArayvn paiti-WvrvtV apara-iriqvNtO AdAtAT WIDAtaoT WyAhwa urwaT-cayvn astica gaonaca drvBdaca uruqB&sca paiDylsca frawAxCasca.
23 Yl aSbvrvtO Yl uGrArvtO
Yl hwArvtO Yl WazArvtO
Yl taxmArvtO Yl zaoyArvtO
Yl zaoyl WaMhuqBaECu
Yl zaoyl WvrvqraGnyaECu
Yl zaoyl pvCanAhu.
24 Yl dAqrIS Wvrvqrvm zbayeNte
dAqrIS Ayaptvm cakuCe
dAqrIS baNtAi drwatAtvm
dAqrIS ahmAi Wohu XarvnO
YO hIS YazAnO kuxCnw&nO
zbayeiti barO-zaoqrO aCawa.
25 Yl awaDa para fraoirisiStl
Yaqra narO aCawanO
aCvm hvNti zrazdAtvma
Yaqraca maziStl frVrvtl
Yaqraca aTbiStO aCawa.


3
26 aCAun&m WaMuhIS sUrl spvNtl frawaCayO Yazamaide
Yl aojiStl WazvNt&m
rvNjiStl frawazvmnan&m
afrakawastvml apa-srayamnan&m anwarStawastvml frasciNbanan&m apairi-Wawastvml
snaiqiC&mca Warvqan&mca
Yl afraourwiswaT kvrvnawaiNti
Irvm Yahmya jasvNti.
27 tl WaMuhIS tl WahiStl Yazamaide Yl aCAun&m WaMuhIS sUrl
spvNtl frawaCayO,
tl zI starvtaECu barvsmOhu
zaoyl tl WvrvqraGnyaECu tl pvCanAhu
tl iDa YaT narO taxma
pvrvtvNte WvrvqraGnyaECu.
28 tl mazdl zbayaT awaMhe
awaMheca aCnO WIdiDAra apasca zvmasca urwaraylsca YaT spvNtO mainyuS WIDArayaT asmanvm YaT Apvm YaT z&m YaT g&m YaT urwar&m YaT barvqriCwa puqrV WIDArayaT paiti-WvrvtV apara-iriqvNtO AdAtAT WIDAtaoT WyAhwa urwaT-cayaT astica gaonaca drvBdaca uruqB&sca paiDylsca frawAxCasca.
29 WIDArayaT spvNtO mainyuS
Yl amawaitIS tuCniCADO
hudOiqrIS Wvrvzi-caCmanO
sraoiqrIS darvGO-r&rOmanO
Yl bvrvzaitIS bvrvzyAstl
Yl huyaonl pvrvqu-Yaonl
rawO-fraoqmanO dasaqawaitIS frasrUtl
upa-dArayvn asmanvm.


4
30 aCAun&m WaMuhIS sUrl spvNtl frawaCayO Yazamaide
huShaxmanO hwarvzAnl
darvGaEibyO haxvDraEibyO
upa-CitVe WahiStl
anAzarvtl aEibyO nvrvbyO
WaMuhIS YOi WO WaMuhIS gufrl
dUraEsUkl baECazyl
frasrUtl WanaT-pvCanl
nOiT paurwl AzArayeNte.


5
31 aCAun&m WaMuhIS sUrl spvNtl frawaCayO Yazamaide
uGra-zaoCl TbiCyaNbyO
upairi-kairyl svwiStl
Yl upairi hamarvnADa
aurwaqan&m TbiCyaNt&m
uGrl bAzUS scaNdayeiNti.


6
32 aCAun&m WaMuhIS sUrl spvNtl frawaCayO Yazamaide
arvdrl taxml aojaMuhaitIS
anA-m&qBl XAqrawaitIS
XAparl baECazyl
aCOiS baECaza hacimnl
zvm-fraqaMha dAnu-drAjaMha hwarv-barvzaMha.


7
33 aCAun&m WaMuhIS sUrl spvNtl frawaCayO Yazamaide
Yl taxml h&m-WarvitiwaitIS
arvzayeiNtIS xrwiKyaNtIS
urwInaitIS frascaNdayeiNtIS
WIspan&m TbiCwat&m TbaECl
daEwan&m maKyAn&mca
amaE-nijanO hamvrvqV
hawAi kAmAica zaoCAica.
34 YUZvm WaMuhi nisrinaota
WvrvqraGnvmca ahuraDAtvm
WanaiNtImca uparatAtvm
AbyO dai?hubyO svwiStl
Yaqa WaMuhIS anAzarvtl
xCnUtl ainitl aTbiStl
YUZvm Yesnyl Wahmyl
WasO-Yaonl fracaraqBe.


8
35 aCAun&m WaMuhIS sUrl spvNtl frawaCayO Yazamaide
frasrUtl WanaT-pvCanl
awi-aml spArO-dAStl
amuyamnl raziStan&m
Yl awa-zbayatO awa?he Wy&sca WyAnasca,
apatVe zbayeiti Wy&s apa-gatVe WyAnO.
36 Yl awaDa para fraoirisiStl
Yaqra narO aCawanO
aCvm hvNti zrazdAtvma
Yaqraca maziStl frVrvtl
Yaqraca xCnUtO aCawa.


9
37 aCAun&m WaMuhIS sUrl spvNtl frawaCayO Yazamaide
pouru-spADl YastO-zayl
uzgvrvptO-drafCl bAmyl,
Yl uGrAhu pvCanAhu
taDa nijasvn xStvwiByO,
taDa YOi taxma xStAwayO
dAnubyO azvn pvCanl.
38 YUZvm taDa taurwayata
Wvrvqrvm dAnun&m tUran&m,
YUZvm taDa taurwayata
TbaECl dAnun&m tUran&m,
YUCmaoyO parO karCnazO
hwIra baon svwiSta
YOi taxma xStAwayO
YOi taxma saoKyaNtO
YOi taxma WvrvqrAjanO,
xrUml asVbiS fraziNta
dAnun&m baEwarv-paitin&m.


10
39 aCAun&m WaMuhIS sUrl spvNtl frawaCayO Yazamaide
Yl rasmanO h&m-stAtVe
frakarana sciNdayeiNti
WI maiDy&nvm nAmayeiNti
qBACvm paskAT frawazvNte
awa?he nar&m aCaon&m
&zaMhe duZwarStAwarvz&m.


11
40 aCAun&m WaMuhIS sUrl spvNtl frawaCayO Yazamaide
Yl uGrl aiBiqUrl
WArvqraGnIS WanaT-pvCanl
r&rvml WIwAitIS WIcirl
srawaCvmnl sraotanwO
AsnO-urw&nO aCaonIS,
Yl dAqrIS Wvrvqrvm zbayeNte
dAqrIS Ayaptvm cakuCe
dAqrIS baNtAi drwatAtvm.
41 dAqrIS ahmAi Wohu XarvnO
YO hIS aqa frAyazAite
Yaqa hIS hO-nA Yazata
YO aCawa zaraquStrO
ratuS astwaiqyO gaEqayl
barvCnuS bipaitiStanayl
kahmAiciT YlMh&m jasO
kahmAiciT &zaMh&m biBiwl.
42 Yl uzbAtl mainyu-CUtl
fraCUsvNte barvCnwO awa?he aCnO
amvm paiDimnl hutAStvm
WvrvqraGnvmca ahuraDAtvm
WanaiNtImca uparatAtvm
saok&mca baraT-awarvt&m
baraT-Ayapt&m aCaonIm
qr&fvD&m Yesny&m Wahmy&m
aCAT haca YaT WahiStAT.
43 tl hvrvzvNti satawaEsvm
aNtarv z&m asmanvmca
taT-Apvm zawanO-srUtvm
taT-Apvm uxCyaT-urwarvm
qrAqrAi paswl WIrayl
qrAqrAi airyan&m daFyun&m
qrAqrAi gVuS paNcO-hyayl
awaMhe nar&m aCaon&m.
44 WI aNtarv z&m asmanvmca
satawaEsO WIjasAiti
taT-ApO zawanO-srUtO
taT-ApO uxCyaT-urwarO
srIrO bAnwl raoxCnvml
qrAqrAi paswl WIrayl
qrAqrAi airyan&m daFyun&m
qrAqrAi gVuS paNcO-hyayl
awaMhe nar&m aCaon&m.


12
45 aCAun&m WaMuhIS sUrl spvNtl frawaCayO Yazamaide
ayO-xaoDl ayO-zayl ayO-Wvrvqrl Yl pvrvtvNte WvrvqraGnyaECu raoxCni-aiBiDAtaECu
qaxtl arvzaZIS barvNtIS
hazaMraGnyAi daEwan&m.
46 YaT hIS aNtarv WAtO frawAiti barO-baoDO maKyAn&m tE narO
paiti-zAnvNti YAhwa Wvrvqra-baoDO,
tE AbyO frVrvtl frVrvnwaiNti aCaon&m WaMuhibyO sUrAbyO spvNtAbyO frawaCibyO
qaxtayAT parO aMhuyAT
uzgvrvByAT parO bAzuBe.
47 YatAra WA-dIS paurwa frAyazvNte
fraorvT fraxCni awi manO
zarazdAtOiT aMhuyaT haca
Ataraqra fraorisiNti
uGrl aCAun&m frawaCayO
haqra miqrAca raCnuca
uGraca dAmOiS upamana
haqra WAta WvrvqrAjana.
48 tl dai?hAwO haqra jatl nijaGnvNte
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca
Yaqra fraoirisiNti uGrl aCAun&m frawaCayO haqra miqrAca raCnuca uGraca dAmOiS upamanO haqra WAta WvrvqrAjanO.


13
49 aCAun&m WaMuhIS sUrl spvNtl frawaCayO Yazamaide
Yl WIsADa AwayeiNti
hamaspaqmaEdaEm paiti ratUm
AaT aqra WIcarvNti dasa pairi xCafnO awaT awO zixCnlMhvmnl,
50 kO nO stawAT kO YazAite
kO ufyAT kO frInAT kO paiti-zanAT gaomata zasta Wastrawata aCa-nAsa nvmaMha
kahe nO iDa n&ma AGairyAT
kahe WO urwa frAyezyAT
kahmAi nO taT dAqrvm dayAT
YaT hE aMhaT Xairy&n ajyamnvm
YawaEca YawaEtAtaEca.
51 AaT YO nA-hIS frAyazAite
gaomata zasta Wastrawata aCa-nAsa nvmaMha ahmAi AfrInvNti xCnUtl ainitl aTbiStl uGrl aCAun&m frawaCayO,
52 buyAT ahmi nmAne gVuSca
W&qBa upa WIran&mca
buyAT AsuSca aspO dvrvzrasca WAxCO,
buyAT nA stAhyO WyAxanO
YO-nO bADa frAyazAite
gaomata zasta Wastrawata aCa-nAsa nvmaMha.


14
53 aCAun&m WaMuhIS sUrl spvNtl frawaCayO Yazamaide
Yl ap&m mazdaDAtan&m
srIrl paqO daEsayeiNti
Yl para ahmAT hiStvNta
fraDAtl afrataT-kuCIS
hamaya gAtwO
darvGvmciT pairi zrwAnvm.
54 AaT tl nUr&m frataciNti
mazdaDAtvm paiti paNt&m
baGO-baxtvm paiti Yaonvm
frAqBarStvm paiti AfvNtvm
zaoCAi ahurahe mazdl
zaoCAi amvCan&m spvNtan&m.


15
55 aCAun&m WaMuhIS sUrl spvNtl frawaCayO Yazamaide
Yl urwaran&m XaBrIran&m
srIrl uruqmIS daEsayeiNti
Yl para ahmAT hiStvNta
fraDAtl afraoxCayeiNtIS
hamaya gAtwO
darvGvmciT pairi zrwAnvm.
56 AaT tl nUr&m frawaxCayeiNti
mazdaDAtvm paiti paNt&m
baGO-baxtvm paiti Yaonvm
frAqBarStvm paiti zrwAnvm
zaoCAi ahurahe mazdl
zaoCAi amvCan&m spvNtan&m.


16
57 aCAun&m WaMuhIS sUrl spvNtl frawaCayO Yazamaide
Yl str&m mlMhO hUrO
anaGran&m raocaMh&m
paqO daEsayvn aCaonIS
YOi para ahmAT hame gAtwO darvGvm
hiStvNta afraCImaNtO
daEwan&m parO TbaECaMhaT
daEwan&m parO draomOhu.
58 AaT tE nUr&m frawazvNti
dUraEurwaEsvm aDBanO urwaEsvm nACvmna
Yim fraCO-kvrvtOiT WaMhuyl.


17
59 aCAun&m WaMuhIS sUrl spvNtl frawaCayO Yazamaide
Yl awaT zrayO aiByAxCayeiNti YaT WourukaCvm bAmIm nawaca nawaitISca nawaca sata nawaca hazaMra nawasVsca baEw&n.


18
60 aCAun&m WaMuhIS sUrl spvNtl frawaCayO Yazamaide
Yl awe strVuS aiByAxCayeiNti Y&m haptOirvNgV nawaca nawaitISca nawaca sata nawaca hazaMra nawasVsca baEw&n.


19
61 aCAun&m WaMuhIS sUrl spvNtl frawaCayO Yazamaide
Yl aw&m kvhrpvm aiByAxCayeiNti Y&m sAmahe kvrvsAspahe
YaT gaEsAuS gaDawarahe
nawaca nawaitISca nawaca sata nawaca hazaMra nawasVsca baEw&n.


20
62 aCAun&m WaMuhIS sUrl spvNtl frawaCayO Yazamaide
Yl aw&m xCudrvm aiByAxCayeiNti Y&m spitAmahe aCaonO zaraquStrahe nawaca nawaitISca nawaca sata nawaca hazaMra nawasVsca baEw&n.


21
63 aCAun&m WaMuhIS sUrl spvNtl frawaCayO Yazamaide
Yl ahurahe xCayatO
daCin&m upa YUiDyeiNti
Yezi aEm bawaiti aCawa-xCnus Yezi-CE bawaiNti anAzvrvtl xCnUtl ainitl aTbiStl uGrl aCAun&m frawaCayO.


22
64 aCAun&m WaMuhIS sUrl spvNtl frawaCayO Yazamaide
Yl masyehIS ahmAT Yl aojyehIS ahmAT Yl t&CyehIS ahmAT Yl amawastarl ahmAT Yl Wvrvqrawastarl ahmAT Yl baECazyOtarl ahmAT Yl
YAskvrvstarl ahmAT
Yaqa Waca framrawAire
Yl maDvmvmcIT myezdin&m
baEwani upawazvNte.
65 AaT YaT ApO uzbarvNte spitama zaraquStra zrayaMhaT haca
WourukaCAT Xarvnasca YaT mazdaDAtvm AaT fraCUsvNti uGrl aCAun&m frawaCayO paoirIS pouru-satl paoirIS pouru-hazaMrl paoirIS pouru-baEwanO
66 Apvm aECvmnl hawAi kAciT nAfAi hawayAi WIse hawAi zaNtawe
hawayAi dai?hawe uityaojanl,
XaEpaiqe-nO dai?huS niDAtaEca haoCAtaEca.
67 tl YUiDyeiNti pvCanAhu
hawe asahi COiqraEca
Yaqa asO maEqanvmca
aiBiCitVe daDAra m&nayvn ahe
Yaqa-nA taxmO raqaEStl
huS-h&m-bvrvtaT haca CaEtAT
YastO-zaEniS paiti-GnIta.
68 AaT Ylsca lMh&m niwAnvNte tl Apvm parAzvNti hawAi kAciT
nAfAi hawayAi WIse hawAi zaNtawe hawayAi dai?hawe uityaojanl,
XaEpaiqe-nO dai?huS fraDAtaEca WarvDAtaEca.
69 AaT YaT bawaiti awi-spaStO
sAsta dai?hVuS hamO-xCaqrO
aurwaqaEibyO parO TbiCyaNbyO
tl hasciT upa-zbayeite
uGrl aCAun&m frawaCayO
70 tl hE jaslNti awa?he
Yezi-CE bawaiNti anAzarvtl xCnUtl ainitl aTbiStl uGrl aCAun&m
frawaCayO,
tl dim awa nifrAwayeNte m&nayvn ahe Yaqa nA mvrvGO huparvnO.
71 tl hE snaiqiSca Warvqasca
parStasca pairiwArasca
WIsvNte pairi mainyaoyAT
drujaT WarvnyayATca drwOiqyAT
zizi-YUCaTca kayaDAT
WIspO-mahrkAaTca pairi
drwataT YaT aMrAT mainyaoT
m&nayvn ahe Yaqa nA
satvmca hazaMrvmca baEwarvca
pairiStan&m nijaqvm hyAT.
72 Yaqa nOiT taT paiti karvtO hufraMharStO nOiT WazrO huniwixtO
nOiT iCuS XAqaxtO nOiT arStiS hwaiByAsta nOiT asAnO arvmO-CUtO awasyAT.
73 WIsvNte awaT WIsvNtaEca mazdayasciT airime-aMhaDO aCAun&m
WaMuhIS sUrl spvNtl frawaCayO awaT awO zixCnlMhvmnl,
kO nO stawAT kO YazAite ... YawaEca YawaEtAtaEca.
(Repeat verse 50.)
74 Asnl Yazamaide manl Yazamaide,
daEnl Yazamaide,
saoKyaNt&m Yazamaide,
urunO Yazamaide,
pasukan&m Yazamaide,
daitikan&m Yazamaide,
upApan&m Yazamaide,
upasman&m Yazamaide,
fraptvrvjAt&m Yazamaide,
rawascarAt&m Yazamaide,
caMraMhAc&m Yazamaide,
frawaCayO Yazamaide.
75 frawaCIS Yazamaide,
arvdrl Yazamaide,
taxml Yazamaide,
taNciStl Yazamaide spvNtl frawaCayO Yazamaide spVniStl Yazamaide sUrl Yazamaide svwiStl Yazamaide dvrvzrl Yazamaide aiBiqUrl Yazamaide
uGrl Yazamaide aojiStl Yazamaide rvwIS Yazamaide rvNjiStl Yazamaide YAskvrvtO Yazamaide YAskvrvstvml Yazamaide.
76 tl zI hvNti YAskvrvstvml
wayl maniwl dAm&n
Yl aCAun&m WaMuhIS
sUrl spvNtl frawaCayO
Yl taDa vrvDBl hiStvNta
YaT mainyU dAm&n daiDItvm
Yasca spvNtO mainyuS Yasca aMrO.
77 YaT titaraT aMrO mainyuS
dAhIm aCahe WaMhVuS
aNtarv pairi-awAitvm
Wohuca manO AtarSca
78 tl hE taurwayatvm TbaECl
aMrahe mainyVuS drwatO
YaT nOiT ApO takAiS stayaT
nOiT urwarl uruqmabyO,
hakaT sUrahe daquCO
xCayatO ahurahe mazdl
fratacin ApO svwiStl
uzuxCy&nca urwarl.
79 WIspl ApO Yazamaide WIspl urwarl Yazamaide WIspl aCAun&m
WaMuhIS sUrl spvNtl frawaCayO Yazamaide,
nAmVni ApO Yazamaide nAmVni urwarl Yazamaide nAmVni aCAun&m WaMuhIS sUrl spvNtl frawaCayO Yazamaide.
80 WIspan&mca lMh&m paoiryan&m frawaCin&m iDa Yazamaide
frawaCIm aw&m Y&m ahurahe mazdl maziSt&mca WahiSt&mca sraESt&mca xraoZdiSt&mca xraqBiSt&mca hukvrvptvm&mca aCAT apanOtvm&mca.
81 Ye?he urwa m&qrO spvNtO
auruCO raoxCnO frAdvrvsrO
kvhrpasca Yl raEqBayeiti
srIrl amvCan&m spvNtan&m
Wvrvzdl amvCan&m spvNtan&m,
hwarvxCaEtvm aurwaT-aspvm Yazamaide.


23
82 aCAun&m WaMuhIS sUrl spvNtl frawaCayO Yazamaide
Yl amvCan&m spvNtan&m
xCaEtan&m Wvrvzi-dOiqran&m
bvrvzat&m aiByAman&m
taxman&m AhUiryan&m
YOi aiqyejaMhO aCawanO,
83 YOi hapta hamO-manaMhO
YOi hapta hamO-WacaMhO
YOi hapta hamO-KyaoqnlMhO
YaEC&m asti hamvm manO
hamvm WacO hamvm Kyaoqnvm
hamO pataca frasAstaca
YO daDwl ahurO mazdl,
84 YaEC&m ainyO ainyehe
urwAnvm aiBi-WaEnaiti
mvrvqBvNtvm humataECu
mvrvqBvNtvm hUxtaECu
mvrvqBvNtvm hwarStaECu
mvrvqBvNtvm garO-nmAnvm
YaEC&m raoxCnlMhO paNtAnO
Awayat&m awi zaoqrl.


24
85 aCAun&m WaMuhIS sUrl spvNtl frawaCayO Yazamaide
Y&mca AqrO urwAziStahe
spvNtahe WyAxanahe
Y&mca sraoCahe aCyehe
taxmahe tanum&qrahe
darCi-draoS AhUiryehe
Y&mca nairyehe saMhahe
86 Y&mca raCnaoS raziStahe
Y&mca miqrahe Wouru-gaoyaoitOiS Y&mca m&qrahe spvNtahe Y&mca aCnO Y&mca ApO
Y&mca zvmO Y&mca urwarayl
Y&mca gVuS Y&mca gayehe
Y&mca staoyO aCAwaoyO.
87 gayehe marvqnO aCaonO frawaCIm Yazamaide,
YO paoiryO ahurAi mazdAi
manasca gUSta sAsnlsca
YahmaT haca frAqBvrvsaT
nAfO airyan&m daFyun&m
ciqrvm airyan&m daFyun&m,
zaraquStrahe spitAmahe iDa aCaonO aCImca frawaCImca Yazamaide.
88 paoiryAi Wohu mamnAnAi paoiryAi Wohu WaokuCe paoiryAi Wohu
WAwvrvzuCe paoiryAi aqaurune paoiryAi raqaEStAi paoiryAi WAstryAi fCuyeiNte paoiryAi frawaEDAi paoiryAi frawaEDayamnAi paoiryAi haMhananAi paoiryAi haMhanuCe g&mca aCvmca uxDvmca uxDaFyAca sraoCvm xCaqrvmca WIspaca Wohu mazdaDAta aCaciqra.
89 YO paoiryO Aqrawa YO paoiryO raqaEStl YO paoiryO WAstryO
fCuy&s,
YO paoiryO ciqrvm urwaEsayata
daEwAaTca haotAT maKyAaTca,
YO paoiryO stOiS astwaiqyl staoT aCvm nAist daEwO fraorvnata mazdayasnO zaraquStriS WIdaEwO ahura-TkaECO.
90 YO paoiryO stOiS astwaiqyl WAcim aoxta WIdOyum
ahurO-TkaECvm,
YO paoiryO stOiS astwaiqyl WAcim framraoT WIdOyum ahurO-TkaECvm,
YO paoiryO stOiS astwaiqyl WIsp&m daEwO-dAtvm Wawaca ayesny&m awahmy&m,
YO sUrO WIspO-hujyAitiS
paoiryO TkaECO daFyun&m.
91 Yahmi paiti WIspvm-m&qrvm
aCvm srawO WIsruyata,
ahu ratuSca gaEqan&m
staota aCahe YaT maziStaheca WahiStaheca sraEStaheca paiti-fraxStaca daEnayAi
YaT haitin&m WahiStayAi.
92 Yim isvn amvCl spvNta
WIspe hwarv-hazaoCa
fraorvT fraxCni awi manO
zrazdAtOiT aMhuyaT haca
ahUm ratUmca gaEqan&m
staotArvm aCahe YaT maziStaheca WahiStaheca sraEStaheca paiti-fraxStArvmca daEnayAi YaT haitin&m WahiStayAi.
93 Yehe z&qaEca WaxCaEca
urwAsvn ApO urwarlsca
Yehe z&qaEca WaxCaEca
uxCin ApO urwarlsca,
Yehe z&qaEca WaxCaEca
uStatAtvm nimrawaNta
WIspl spvNtO-dAtl dAm&n,
94 uSta-nO zAtO Aqrawa
YO spitAmO zaraquStrO,
frA-nO YazAite zaoqrAbyO
stvrvtO-barvsma zaraquStrO,
iDa ap&m WIjasAiti
WaMuhi daEna mAzdayasniS
WIspAiS awi karCw&n YAiS hapta.
95 iDa ap&m miqrO YO Wouru-gaoyaoitiS fraDAT WIspl fratvmatAtO
daFyun&m YaozaiNtISca rAmayeiti,
iDa ap&m napl sUrO fraDAT WIspl fratvmatAtO daFyun&m YaozaiNtISca
nyAsAite,
maiDyOimlMhahe ArAstyehe iDa aCaonO aCImca frawaCImca
Yazamaide
YO paoiryO zaraquStrAi
m&qrvmca gUSta sAsnlsca.


25
96 asmO XanwatO aCaonO frawaCIm Yazamaide,
aCnO XanwatO aCaonO frawaCIm Yazamaide,
gawayAnO aCaonO frawaCIm Yazamaide,
parCaT-gVuS parAtahe aCaonO frawaCIm Yazamaide,
WohwastOiS snaoyehe aCaonO frawaCIm Yazamaide,
iswatO WarAzahe aCaonO frawaCIm Yazamaide.
97 saEnahe ahUm-stUtO aCaonO frawaCIm Yazamaide,
YO paoiryO satO-aEqryO
fraxStata paiti Aya zvmA,
pvrvidiDayehe aCaonO frawaCIm Yazamaide,
usmAnarahe paECatahe aCaonO frawaCIm Yazamaide,
Wohu-raocaMhO frAnyehe aCaonO frawaCIm Yazamaide,
aCO-raocaMhO frAnyeye aCaonO frawaCIm Yazamaide,
WarvsmO-raocaMhO frAnyehe aCaonO frawaCIm Yazamaide.
98 isaT-WAstrahe zaraquStrOiS aCaonO frawaCIm Yazamaide,
urwataT-narahe zaraquStrOiS aCaonO frawaCIm Yazamaide,
hwarvciqrahe zaraquStrOiS aCaonO frawaCIm Yazamaide,
daEwaTbOiS taxmahe aCaonO frawaCIm Yazamaide,
qrimiqBatO spitAmahe aCaonO frawaCIm Yazamaide,
dlMhahe zairitahe aCaonO frawaCIm Yazamaide.
99 kawOiS WIStAspahe aCaonO frawaCIm Yazamaide,
taxmahe tanum&qrahe
darCi-draoS AhUiryehe
YO druca paurw&nca aCAi rawO YaECa YO druca paurw&nca aCAi rawO WIwaEDa
YO bAzuSca upastaca
WIsata ai?hl daEnayl
YaT ahurOiS zaraquStrOiS,
100 YO hIm stAt&m hit&m haitIm uzwaZaT haca hinUiByO
nI-hIm dasta maiDyOiCADvm
bvrvzi-rAzvm afrakaDawaitIm aCaonIm
qr&fD&m gVuSca WAstraheca
friq&m gVuSca WAstraheca.
101 zairiwarOiS aCaonO frawaCIm Yazamaide,
YuxtawarOiS aCaonO frawaCIm Yazamaide,
srIraoxCnO aCaonO frawaCIm Yazamaide,
kvrvsaoxCnO aCaonO frawaCIm Yazamaide,
WanArahe aCaonO frawaCIm Yazamaide,
WIrAzahe aCaonO frawaCIm Yazamaide,
nIjarahe sawaMhO aCaonO frawaCIm Yazamaide,
bujasrawaMhO aCaonO frawaCIm Yazamaide,
bvrvzyarStOiS aCaonO frawaCIm Yazamaide,
tiZyarStOiS aCaonO frawaCIm Yazamaide,
pvrvqwarStOiS aCaonO frawaCIm Yazamaide,
WaEZyarStOiS aCaonO frawaCIm Yazamaide.
102 naptyehe aCaonO frawaCIm Yazamaide,
WaZAspahe aCaonO frawaCIm Yazamaide,
habAspahe aCaonO frawaCIm Yazamaide,
WistaraoS naotairyAnahe aCaonO frawaCIm Yazamaide,
fraS-h&m-Warvtahe aCaonO frawaCIm Yazamaide,
fraCOkarahe aCaonO frawaCIm Yazamaide,
AtvrvwanaoS aCaonO frawaCIm Yazamaide,
AtvrvpAtahe aCaonO frawaCIm Yazamaide,
AtvrvdAtahe aCaonO frawaCIm Yazamaide,
Atvrvciqrahe aCaonO frawaCIm Yazamaide,
AtvrvXarvnaMhO aCaonO frawaCIm Yazamaide,
AtvrvsawaMhO aCaonO frawaCIm Yazamaide,
AtvrvzaNtVuS aCaonO frawaCIm Yazamaide,
Atvrvdai?hVuS aCaonO frawaCIm Yazamaide.
103 huKyaoqnahe aCaonO frawaCIm Yazamaide,
piCiKyaoqnahe aCaonO frawaCIm Yazamaide,
taxmahe spvNtODAtahe aCaonO frawaCIm Yazamaide,
bastawarOiS aCaonO frawaCIm Yazamaide,
kawArasmO aCaonO frawaCIm Yazamaide,
fraCaoStrahe hwOwahe aCaonO frawaCIm Yazamaide,
jAmAspahe hwOwahe aCaonO frawaCIm Yazamaide,
awAraoStrOiS aCaonO frawaCIm Yazamaide.
104 huKyaoqnahe frACaoStrayanahe aCaonO frawaCIm Yazamaide,
XAdaEnahe frACaoStrayanahe aCaonO frawaCIm Yazamaide,
haMhauruCO jAmAspanahe aCaonO frawaCIm Yazamaide,
WarCnahe haMhauruCOiS aCaonO frawaCIm Yazamaide,
Wohu-nvmaMhO awAraoStrOiS aCaonO frawaCIm Yazamaide,
paitiStAtVe aGan&mca Xafnan&m aGan&mca daEsan&m aGan&mca aoifran&m aGan&mca pairikan&m.
105 m&qrawAkahe sAimuZOiS aEqrapatOiS hamiDpatOiS aCaonO frawaCIm Yazamaide YO fraEStvm usaGan&m gAqrO-rayaNt&m aCvmaoGan&m anaCaon&m anahun&m aratun&m siman&m awascastO-frawaCin&m awa-jaGnaT paitiStAtVe aCawa-karvStahe TbaECaMhO.
106 aCastwO maiDyOi-mlMhOiS aCaonO frawaCIm Yazamaide,
awarvqrabaMhO rAStarv-WaGvNtOiS aCaonO frawaCIm Yazamaide,
bUDrahe dAzgrAspOiS aCaonO frawaCIm Yazamaide,
zbaurwatO aCaonO frawaCIm Yazamaide,
karsnahe zbaurwaiqinahe aCaonO frawaCIm Yazamaide,
taxmahe tanu-m&qrahe
darCi-draoS AhUiryehe
107 Ye?he nmAne aCiS WaMuhi
srIra xCOiqni fracaraEta
kainInO kvhrpa srIrayl
aS-amayl huraoDayl
uskAT YAstayl vrvzwaiqyO
raEwaT ciqrvm AzAtayl,
YO azgatO arvzyayl
hawaEibya bAzubya
tanuye rawO aECiStO
YO azgatO arvzyayl
hawaEibya bAzubya
hamvrvqvm paiti YUiDiStO.
108 WIrAspahe karsnayanahe aCaonO frawaCIm Yazamaide,
AzAtahe karsnayanahe aCaonO frawaCIm Yazamaide,
frAyaoDahe karsnayanahe aCaonO frawaCIm Yazamaide,
WaMhVuS arCyehe aCaonO frawaCIm Yazamaide,
arCyehe WyAxanahe YAskvrvstvmahe mazdayasnan&m,
dArayaT-raqahe aCaonO frawaCIm Yazamaide,
frAyaT-raqahe aCaonO frawaCIm Yazamaide,
skArayaT-raqahe aCaonO frawaCIm Yazamaide.
109 arCawatO aCaonO frawaCIm Yazamaide,
WyarCawatO aCaonO frawaCIm Yazamaide,
paityarCawatO aCaonO frawaCIm Yazamaide,
amraoS aCaonO frawaCIm Yazamaide,
camraoS aCaonO frawaCIm Yazamaide,
drAqahe aCaonO frawaCIm Yazamaide,
paiti-drAqahe aCaonO frawaCIm Yazamaide,
paiti-WaMhahe aCaonO frawaCIm Yazamaide,
fraCAwaxCahe aCaonO frawaCIm Yazamaide,
nvmO-WaMhVuS WaEDayaMhahe aCaonO frawaCIm Yazamaide.
110 WaEsaDahe aCaonO frawaCIm Yazamaide,
aCAwaMhVuS biwaNdaMhahe aCaonO frawaCIm Yazamaide,
jarO-da?hVuS pairiStUrahe aCaonO frawaCIm Yazamaide,
nvrvmyazdanahe AiqByaoS aCaonO frawaCIm Yazamaide,
bvrvziCnaoS arahe aCaonO frawaCIm Yazamaide,
kasupitVuS arahe aCaonO frawaCIm Yazamaide,
fryehe aCaonO frawaCIm Yazamaide,
astwaT-vrvtahe aCaonO frawaCIm Yazamaide.


26
111 gaopiwaMhVuS aCaonO frawaCIm Yazamaide,
h&m-barvqrO WaMhw&m taxmahe aCaonO frawaCIm Yazamaide,
staoqrO WahiStahe aCaonO frawaCIm Yazamaide,
pouruDAxStOiS xStAwaEnyehe aCaonO frawaCIm Yazamaide,
xCwiBrAspanahe xStAwaEnyehe aCaonO frawaCIm Yazamaide.
112 ayO-astOiS pouruDAxStayanahe aCaonO frawaCIm Yazamaide,
WohwastOiS pouruDAxStayanahe aCaonO frawaCIm Yazamaide,
gayaDAstOiS pouruDAxStayanahe aCaonO frawaCIm Yazamaide,
aCawazdaMhO pouruDAxStayanahe aCaonO frawaCIm Yazamaide,
urUDaoS pouruDAxStayanahe aCaonO frawaCIm Yazamaide,
xCaqrO-cinaMhO xCOiBrAspanahe aCaonO frawaCIm Yazamaide.
113 aCAhurahe jIStayanahe aCaonO frawaCIm Yazamaide,
frAyazvNtahe aCaonO frawaCIm Yazamaide,
frVnaMhO frAyazvNtanahe aCaonO frawaCIm Yazamaide,
jarO-WaMhVuS frAyazvNtanahe aCaonO frawaCIm Yazamaide,
aCawazdaMhO qritahe sAiZdrOiS aCaonO frawaCIm Yazamaide,
Wohu-raocaMhO WarakasAnahe aCaonO frawaCIm Yazamaide,
arvjaMuhatO tUrahe aCaonO frawaCIm Yazamaide,
usinvmaMhO aCaonO frawaCIm Yazamaide.
114 YuxtAspahe aCaonO frawaCIm Yazamaide,
aCa-Kyaoqnahe gayaDAstayanahe aCaonO frawaCIm Yazamaide,
Wohu-nvmaMhO katVuS aCaonO frawaCIm Yazamaide,
WohwazdaMhO katVuS aCaonO frawaCIm Yazamaide,
aCasarvDahe aCasairy&S aCaonO frawaCIm Yazamaide,
aCasarvDahe jairy&S aCaonO frawaCIm Yazamaide,
cAxCnOiS aCaonO frawaCIm Yazamaide,
syAwaspOiS aCaonO frawaCIm Yazamaide,
pouruStOiS kawOiS aCaonO frawaCIm Yazamaide.
115 Warvsmapahe jaNnarahe aCaonO frawaCIm Yazamaide,
nanarAstOiS paECataMhO aCaonO frawaCIm Yazamaide,
zrazdAtOiS paECataMhO aCaonO frawaCIm Yazamaide,
gaEwanOiS Wohu-nvmaMhO aCaonO frawaCIm Yazamaide,
vrvzwl srUtO-spAdl aCaonl frawaCIm Yazamaide,
zrayaMhl spvNtO-xratwl aCaonl frawaCIm Yazamaide,
WarCnOiS WAgvrvzahe aCaonO frawaCIm Yazamaide,
frAcyehe taurwaEtOiS aCaonO frawaCIm Yazamaide,
WahmaEDAtahe m&qrawAkahe aCaonO frawaCIm Yazamaide,
uStrahe saDanaMhO aCaonO frawaCIm Yazamaide.
116 da?hu-srUtahe aCaonO frawaCIm Yazamaide,
da?hu-frAdaMhO aCaonO frawaCIm Yazamaide,
spOpaDO maxStOiS aCaonO frawaCIm Yazamaide,
payaMharO maxStOiS aCaonO frawaCIm Yazamaide,
uStAzaNtahe aCaonO frawaCIm Yazamaide,
aCasawaMhO aCaonO frawaCIm Yazamaide,
aCAurwaEqahe aCaonO frawaCIm Yazamaide,
haomO-XarvnaMhO aCaonO frawaCIm Yazamaide,
WarCnahe aCaonO frawaCIm Yazamaide.
117 frawahe aCaonO frawaCIm Yazamaide,
usnAkahe aCaonO frawaCIm Yazamaide,
XanwatO aCaonO frawaCIm Yazamaide,
daEnAwazaMhO aCaonO frawaCIm Yazamaide,
arvjaonahe aCaonO frawaCIm Yazamaide,
aiBiXarvnaMhO aCaonO frawaCIm Yazamaide,
huyazatahe aCaonO frawaCIm Yazamaide,
harvDAspahe aCaonO frawaCIm Yazamaide,
pAzinaMhO aCaonO frawaCIm Yazamaide,
XAxCaqrahe aCaonO frawaCIm Yazamaide,
aCO-paoiryehe aCaonO frawaCIm Yazamaide,
astwaT-vrvtahe aCaonO frawaCIm Yazamaide.


27
118 hugVuS aCaonO frawaCIm Yazamaide,
aMhuyaoS aCaonO frawaCIm Yazamaide,
gaorOiS aCaonO frawaCIm Yazamaide,
gaorayanahe aCaonO frawaCIm Yazamaide,
m&zdrAwaMhVuS aCaonO frawaCIm Yazamaide,
srIrAwaMhVuS aCaonO frawaCIm Yazamaide,
AyUtahe aCaonO frawaCIm Yazamaide,
sUrO-Yazatahe aCaonO frawaCIm Yazamaide.
119 vrvDBahe aCaonO frawaCIm Yazamaide,
kawOiS aCaonO frawaCIm Yazamaide,
uxCAnO WIDisrawaMhO dUraEsrUtahe bvrvzawatO aCaonO frawaCIm


Yazamaide,
WaMhuDAtahe XaDAtahe aCaonO frawaCIm Yazamaide,
uzyehe WaMhuDAtayanahe aCaonO frawaCIm Yazamaide,
fryehe aCaonO frawaCIm Yazamaide.
120 aCvm-Ye?he-raocl n&ma aCaonO frawaCIm Yazamaide,
aCvm-Ye?he-Warvza n&ma aCaonO frawaCIm Yazamaide,
aCvm YahmAi-uSta n&ma aCaonO frawaCIm Yazamaide,
YOiStahe fryAnan&m aCaonO frawaCIm Yazamaide,
usmAnaraheca paECataMhO paitiStAtVe nAfyO-karStahe TbaECaMhO.
121 spitOiS usp&snaoS aCaonO frawaCIm Yazamaide,
vrvzrAspahe usp&snaoS aCaonO frawaCIm Yazamaide,
usaDAnO mazdayasnahe aCaonO frawaCIm Yazamaide,
frAdaT-WaMhVuS stiwatO aCaonO frawaCIm Yazamaide,
raocascaECmanO aCaonO frawaCIm Yazamaide,
hwarvcaECmanO aCaonO frawaCIm Yazamaide,
frasrUtArahe aCaonO frawaCIm Yazamaide,
WIsrUtArahe aCaonO frawaCIm Yazamaide,
barvmnahe aCaonO frawaCIm Yazamaide,
WIsrUtahe aCaonO frawaCIm Yazamaide.
122 hwaspahe aCaonO frawaCIm Yazamaide,
caqBarvspahe aCaonO frawaCIm Yazamaide,
daBrAmaECOiS aCaonO frawaCIm Yazamaide,
fraoraosahe kaoCahe aCaonO frawaCIm Yazamaide,
frInAspahe kaEwahe aCaonO frawaCIm Yazamaide,
frAdaT-narahe grawAratVuS aCaonO frawaCIm Yazamaide,
WohuStrahe &xnaMhahe aCaonO frawaCIm Yazamaide,
WIwArvCwahe ainyAwahe aCaonO frawaCIm Yazamaide.
123 frArAzOiS tUrahe aCaonO frawaCIm Yazamaide,
stipOiS rawatO aCaonO frawaCIm Yazamaide,
parCiNtahe gaNdrvBahe aCaonO frawaCIm Yazamaide,
awayehe spvNghahe aCaonO frawaCIm Yazamaide,
aEtawahe mAyawahe aCaonO frawaCIm Yazamaide,
YaEtuS-gVuS WyAtanahe aCaonO frawaCIm Yazamaide,
garStahe kawOiS aCaonO frawaCIm Yazamaide.
124 pouru-baNghahe zaoCahe aCaonO frawaCIm Yazamaide,
Wohu-dAtahe kAtahe aCaonO frawaCIm Yazamaide,
blMhahe slMhaMhahe aCaonO frawaCIm Yazamaide,
hwarvzl aNkasayl aCaonl frawaCIm Yazamaide,
arawaoStrahe vrvzawatO dai?hVuS aCaonO frawaCIm Yazamaide,
frAciqrahe bvrvzawatO aCaonO frawaCIm Yazamaide,
Wohu-pvrvsahe ainyAwahe aCaonO frawaCIm Yazamaide.
125 parO-dasmahe dAStAGnOiS muZa muZayl dai?hVuS aCaonO frawaCIm Yazamaide,
fraturl asrutl baECatasturl aCaonO frawaCIm Yazamaide,
awarvgVuS vrvzawatO aoiGmatasturahe aCaonO frawaCIm Yazamaide,
gaomatO zawanO raoZdyehe raoZdyayl dai?hVuS aCaonO frawaCIm Yazamaide,
qritO aEwO-sarvDO fyuStahe tanyehe tanyayl dai?hVuS aCaonO frawaCIm Yazamaide.
126 tIrO-nakaqBahe uspaECatan&m saEnan&m aCaonO frawaCIm Yazamaide,
utayutOiS WiTkawOiS ziGrOiS saEnahe aCaonO frawaCIm Yazamaide,
frO-hakafrahe marvziCmyehe saEnan&m aCaonO frawaCIm Yazamaide,
WarvsmO-raocl pvrvqwafsmO aCaonO frawaCIm Yazamaide.
127 aCa-nvmaMhl WIdaT-gawl aMhuyl dai?hVuS aCaonO frawaCIm Yazamaide,
parCaT-gawl dAzgrO-gawl apaxCIrayl dai?hVuS aCaonO frawaCIm Yazamaide,
hufrawAxS kahrkanan&m aCaonO frawaCIm Yazamaide,
akayaDahe puDan&m aCaonO frawaCIm Yazamaide,
jAmAspahe aparazAtahe aCaonO frawaCIm Yazamaide,
maiDyO-mlMhahe aparazAtahe aCaonO frawaCIm Yazamaide,
urwataT-narahe aparazAtahe aCaonO frawaCIm Yazamaide.
128 raocascaECmanO aCaonO frawaCIm Yazamaide,
hwarvcaECmanO aCaonO frawaCIm Yazamaide,
frAdaT XarvnaMhO aCaonO frawaCIm Yazamaide,
WiDaT XarvnaMhO aCaonO frawaCIm Yazamaide,
Wouru-nvmaMhO aCaonO frawaCIm Yazamaide,
Wouru-sawaMhO aCaonO frawaCIm Yazamaide,
uxCyaT-vrvtahe aCaonO frawaCIm Yazamaide,
uxCyaT-nvmaMhO aCaonO frawaCIm Yazamaide,
astwaT-vrvtahe aCaonO frawaCIm Yazamaide.


28
129 YO aMhaT saoKy&s Wvrvqraja n&ma astwaT-vrvtasca n&ma,
awaqa saoKy&s Yaqa WIspvm ahUm astwaNtvm sAwayAT,
awaqa astwaT-vrvtO Yaqa astwl h& uStanawl astwaT aiqyejaMhvm paitiCAT paitiStAtVe bizvMrO-ciqrayl drujO paitiStAtVe aCawa-karStahe TbaECaMhO.


29
130 Yimahe WIwaMhanahe aCaonO frawaCIm Yazamaide sUrahe pouru-W&qBahe paitiStAtVe ainiStOiS daEwO-frakarStayl haEcaMhasca awAstrahe iqyajaMhasca marCaonahe.
131 qraEtaonahe AqByAnOiS aCaonO frawaCIm Yazamaide paitiStAtVe garvnAuSca tafnaoSca naEzaheca sArastOiSca WAwarCylsca paitiStAtVe aZi-karStahe TbaECaMhO,
aoSnarahe pouru-jirahe aCaonO frawaCIm Yazamaide,
uzawahe tumAspanahe aCaonO frawaCIm Yazamaide,
aGraEraqahe narawahe aCaonO frawaCIm Yazamaide,
manuS-ciqrahe airyAwahe aCaonO frawaCIm Yazamaide.
132 kawOiS kawAtahe aCaonO frawaCIm Yazamaide,
kawOiS aipiwaMhVuS aCaonO frawaCIm Yazamaide,
kawOiS usaDanO aCaonO frawaCIm Yazamaide,
kawOiS arCnO aCaonO frawaCIm Yazamaide,
kawOiS pisinaMhO aCaonO frawaCIm Yazamaide,
kawOiS byarCAnO aCaonO frawaCIm Yazamaide,
kawOiS syAwarCAnO aCaonO frawaCIm Yazamaide,
kawOiS haosrawaMhO aCaonO frawaCIm Yazamaide.
133 amaheca paiti hutAStahe WvrvqraGnaheca paiti ahuraDAtahe WanaiNtylsca paiti uparatAtO saMuhasca paiti husastayl saMuhasca paiti amuyamnayl saMuhasca paiti awanvmnayl haqrawataheca paiti hamvrvqan&m
134 drwaheca paiti aojaMhO XarvnaMhasca paiti mazdaDAtahe tanuylsca paiti drwatAtO Asnaylsca paiti WaMhuyl frazaNtOiS daMrayl WyAxanayl xCOiqnyO spitidOiqrayl &zO-bUjO hwIrayl huzaNtVuS paiti aparayl Wyarvqyayl WahiStahe aMhVuS 135 xCaqraheca paiti bAnumatO darvGaylsca paiti darvGO-jItOiS WIspan&mca paiti ayaptan&m WIspan&mca paiti baECazan&m paitiStAtVe YAqB&m pairikan&mca sAqr&m kaoy&m karafn&mca paitiStAtVe sAstO-karStahe TbaECaMhO.
136 sAmahe kvrvsAspahe gaEsaoS gaDawarahe aCaonO frawaCIm Yazamaide paitiStAtVe uGrahe bAzAuS haEnaylsca pvrvqu-ainikayl pvrvqu-drafCayl vrvDBO-drafCayl uzgvrvptO-drafCayl xrUrvm drafCvm barvNtyl paitiStAtVe gaDahe frakvrvstO-frasAnahe simahe WIrvNjanO anamarZdikahe paitiStAtVe gaDO-karStahe TbaECaMhO.
137 AxrUrahe haosrawaMhanahe aCaonO frawaCIm Yazamaide paitiStAtVe haCidawahe drwatO arAtOiSca gaEqO-mvrvNcyAnahe,
haoKyaMhahe taxmahe aCaonO frawaCIm Yazamaide,
paitiStAtVe mAzainyan&m daEwan&m Warvnyan&mca drwat&m paitiStAtVe daEwO-karStahe TbaECaMhO.
138 fraDAxStOiS xuNbyehe aCaonO frawaCIm Yazamaide,
paitiStAtVe aECmahe xrwI-draoS aECmO-WarvDan&mca drwat&m paitiStAtVe aECmO-karStahe TbaECaMhO.


30
139 hwOuyl aCaonO frawaCIm Yazamaide,
frVnyl aCaonO frawaCIm Yazamaide,
qrityl aCaonO frawaCIm Yazamaide,
pourucistayl aCaonO frawaCIm Yazamaide,
hutaosayl aCaonO frawaCIm Yazamaide,
humAyl aCaonO frawaCIm Yazamaide,
zairicyl aCaonO frawaCIm Yazamaide,
WIspatauruCyl aCaonO frawaCIm Yazamaide,
uStawaityl aCaonO frawaCIm Yazamaide,
tuCnAmaityl aCaonO frawaCIm Yazamaide.
140 frVnyl nAiryl usinvmaMhO aCaonyl aCaonO frawaCIm Yazamaide,
frVnyl nAiryl frAyazvNtanahe aCaonyl aCaonO frawaCIm Yazamaide,
frVnyl nAiryl xCOiBrAspanahe aCaonyl aCaonO frawaCIm Yazamaide,
frVnyl nAiryl gayaDAstOiS aCaonyl aCaonO frawaCIm Yazamaide,
asabanayl nAiryl pouruDAxStOiS aCaonyl aCaonO frawaCIm Yazamaide,
uxCvNtyl nAiryl staoqrO WahiStahe aCahe aCaonyl aCaonO frawaCIm Yazamaide.
141 kanyl WaDUtO aCaonyl aCaonO frawaCIm Yazamaide,
kanyl jaGrUDO aCaonyl aCaonO frawaCIm Yazamaide,
kanyl fraMhADO aCaonyl aCaonO frawaCIm Yazamaide,
kanyl urUDayaNtO aCaonyl aCaonO frawaCIm Yazamaide,
kanyl paEsaMhanwa aCaonyl aCaonO frawaCIm Yazamaide,
hwarvDyl aCaonO frawaCIm Yazamaide,
huciqrayl aCaonO frawaCIm Yazamaide,
kanukayl aCaonO frawaCIm Yazamaide,
kanyl srUtaT-fvDryO aCaonyl frawaCIm Yazamaide.
142 kanyl WaMhu-fvDryl aCaonyl frawaCIm Yazamaide,
kanyl vrvdaT-fvDryl aCaonyl frawaCIm Yazamaide YA WIspa-taurwairica n&ma,
awaqa WIspa-taurwairi Yaqa hA tvm zIzanAT YO WIspe taurwayAT daEwAaTca TbaECl maKyAaTca paitiStAtVe jahe-karStahe TbaECaMhO.


31
143 airyan&m daFyun&m nar&m aCaonO frawaCIm Yazamaide airyan&m daFyun&m nAirin&m aCaonin&m frawaCayO Yazamaide,
tUiryan&m daFyun&m nar&m aCaonO frawaCIm Yazamaide tUiryan&m daFyun&m nAirin&m aCaonin&m frawaCayO Yazamaide,
sairiman&m daFyun&m nar&m aCaon&m frawaCayO Yazamaide sairiman&m daFyun&m nAirin&m aCaonin&m frawaCayO Yazamaide.
144 sAinin&m daFyun&m nar&m aCaon&m frawaCayO Yazamaide sAinin&m daFyun&m nAirin&m aCaonin&m frawaCayO Yazamaide,
dAhIn&m daFyun&m nar&m aCaon&m frawaCayO Yazamaide dAhIn&m daFyun&m nAirin&m aCaonin&m frawaCayO Yazamaide.
145 WIspan&m daFyun&m nar&m aCaon&m frawaCayO Yazamaide WIspan&m daFyun&m nAirin&m aCaonin&m frawaCayO Yazamaide,
WIspl aCAun&m WaMuhIS sUrl spvNtl frawaCayO Yazamaide,
Yl haca gayAT marvqnaT A-saoKyaNtAT WvrvqraGnaT.
146 upa-tU-nO iDa Yl aCaon&m
moCu isiNtu frawaCayO,
tl nO jasaNtu awaMhe,
tl nO &zahuciT hatO
qrAyeNte aiBi-dvrvStAiS awVbiS
aomna ahura mazda
sraoCaca aCya sUra
m&qraca spvNta WIduCa
YO WIdaEwO WIdaEwahe
aStO mazdl ahurahe
Yim zaraquStrO frVrvnaoT
hwAwaNtvm aMhwe astwaite.
147 aora WaMuhIS upa-CaEta
Yl ApO Ylsca urwarl
Ylsca aCAun&m frawaCayO,
iDa friql paiti-zaNtl
buyata ahmya nmAne,
iDa AqrawanO daFyun&m
manyeNte WaMhVuS aCahe,
uzgvurwayeiNte zastV ahmAkvm awa?he sUrl YUCmAkvm Yasnahe svwiStl.
148 WIspan&m lMh&m aCaon&m aCaonin&mca iDa Yazamaide frawaCIm YaEC&m YaCvqBaTca urw&nO zaoylsca frawaCayO,
WIspan&mca lMh&m aCaon&m aCaonin&mca iDa Yazamaide frawaCIm YaEC&m nO ahurO mazdl aCawa Yesne paiti WaMhO WaEDa,
WIspan&mca aEC&m zaraquStrvm paoirIm WahiStvm AhUirIm sUsrUma TkaECvm.
149 paoiryan&m TkaECan&m paoiryan&m sAsnO-gUC&m iDa aCaon&m aCaonin&mca ahUmca daEn&mca baoDasca urwAnvmca frawaCImca Yazamaide YOi aCAi Waonarv,
nabAnazdiStan&m iDa aCaon&m aCaonin&mca ahUmca daEn&mca baoDasca urwAnvmca frawaCImca Yazamaide YOi aCAi Waonarv.
150 paoiry&n TkaECV Yazamaide nmAnan&mca WIs&mca zaNtun&mca daFyun&mca YOi lMharv,
paoiry&n TkaECV Yazamaide nmAnan&mca WIs&mca zaNtun&mca daFyun&mca YOi bAbwarv,
paoiry&n TkaECV Yazamaide nmAnan&mca WIs&mca zaNtun&mca daFyun&mca YOi hvNti,
151 paoiry&n TkaECV Yazamaide nmAnan&mca WIs&mca zaNtun&mca daFyun&mca nmAnaMhAnO WICAnO zaNtuCAnO dai?huCAnO aCO-aMhAnO m&qrO-aMhAnO urwO-aMhAnO WIspAiS WaMhUS WaMhuCAnO.
152 zaraquStrvm WIspahe aMhVuS astwatO ahUmca ratUmca paoirImca TkaECvm Yazamaide hAt&m huDAstvmvm hAt&m huxCaqrOtvmvm hAt&m raEwastvmvm hAt&m XarvnaMuhastvmvm hAt&m YesnyOtvmvm hAt&m WahmyOtvmvm hAt&m xCnaoqBOtvmvm hAt&m frasastOtvmvm YO nA iStasca Yesnyasca Wahmyasca Waoce Yaqna kahmAiciT hAt&m aCAT haca YaT WahiStAT.
153 im&mca z&m Yazamaide
aomca asmanvm Yazamaide,
tAca WohU Yazamaide YA aNtarvstA YesnyAca WahmyAca
frAyaStwa naire aCaone.
154 daitikan&mca aiDyun&m YaT urunO Yazamaide,
aCaon&m AaT urunO Yazamaide kuDO-zAtan&mciT nar&mca nAirin&mca YaEC&m WahehIS daEnl WanaNtI WA WvMhvn WA Waonarv WA.
155 WanvNt&m WaMhvNt&m WaonAC&m daEnO-sAc&m iDa aCaon&m aCaonin&mca ahUmca daEn&mca baoDasca urwAnvmca frawaCImca Yazamaide YOi aCAi Waonarv.
Ye?hE hAt&m AaT Yesne paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.
YaqA ahU WairyO...(8).
156 aCAun&m frawaCin&m uGran&m aiBiqUran&m uGran&m WArvqraGnin&m paoiryO-TkaECan&m frawaCin&m nabAnazdiStan&m frawaCin&m frawaCayO xCnUtl ayaNtu ahmya nmAne
xCnUtl WIcarvNtu ahmya nmAne.
157 xCnUtl AfrInvNtu ahmya nmAne WaMuhIm aCIm XApar&m,
xCnUtl pArayaNtu haca ahmAT nmAnAT staomAca rAzarvca barvNtu daquCO ahurAi mazdAi amvCan&mca spvNtan&m mAcim gvrvzAnl pArayaNtu haca ahmAT nmAnAT ahmAkvmca mazdayasnan&m.


(Recite silently:)

158 (hOrmvzd i XadAe i aBazUnI mardum mardum sardag& hamA sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
aCaon&m frawaCin&m uGran&m aiBiqUran&m paoiryO-TkaECan&m
frawaCin&m nabAnazdiStan&m frawaCin&m.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


14. Warharan Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
bahirAm YazaT i pVrOZgar i duSman zadAr amahe hutAStahe bV
rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

WvrvqraGnahe ahuraDAtahe WanaiNtylsca uparatAtO
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 WvrvqraGnvm ahuraDAtvm Yazamaide,
pvrvsaT zaraquStrO ahurvm mazd&m,
ahura mazda mainyO spVniSta dAtarv gaEqan&m astwaitin&m aCAum kO asti mainyawan&m Yazatan&m zayOtvmO,
AaT mraoT ahurO mazdl,
WvrvqraGnO ahuraDAtO spitama zaraquStra.
2 ahmAi paoiryO AjasaT WazvmnO
WvrvqraGnO ahuraDAtO
WAtahe kvhrpa darCyOiS
srIrahe mazdaDAtahe
Wohu XarvnO mazdaDAtvm
baraT XarvnO mazdaDAtvm
baECazvm uta amvmca.
3 AaT ahmAi amawastvmO,
ama ahmi amawastvmO Wvrvqra ahmi WvrvqrawastvmO XarvnaMha ahmi XarvnaMuhastvmO YAna ahmi YAnawastvmO saoka ahmi saokawastvmO baECaza ahmi baECazyOtvmO.
4 AaT TbaECl taurwayeni WIspan&m TbiCwat&m TbaECl daEwan&m
maKyAn&mca YAqB&m pairikan&mca sAqr&m kaoy&m karafn&mca.
5 ahe raya XarvnaMhaca
tvm YazAi surunwata Yasna
WvrvqraGnvm ahuraDAtvm zaoqrAbyO,
WvrvqraGnvm ahuraDAtvm Yazamaide YAiS dAtAiS paoiryAiS ahurahe haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT
hacA YlMh&mcA t&scA tlscA Yazamaide.


2
6 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1). 7 ahmAi bityO AjasaT WazvmnO
WvrvqraGnO ahuraDAtO
gVuS kvhrpa arCAnahe
srIrahe zaranyO-srwahe
Yim upairi sruye sanaT
amO hutaStO huraoDO
WvrvqraGnO ahuraDAtO,
awaqa AjasaT.
ahe raya ... tlscA Yazamaide.
(Repeat verse 5)


3
8 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
9 ahmAi qrityO AjasaT WazvmnO
WvrvqraGnO ahuraDAtO
aspahe kvhrpa auruCahe
srIrahe zairi-gaoCahe
zaranyO-aiBiDAnahe
Yim upairi ainikvm sanaT
amO hutaStO huraoDO
WvrvqraGnO ahuraDAtO,
awaqa AjasaT.
ahe raya ... tlscA Yazamaide.
(Repeat verse 5)


4
10 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
11 ahmAi tUiryO AjasaT WazvmnO
WvrvqraGnO ahuraDAtO
uStrahe kvhrpa WaDaryaoS
dad&saoS aiBi-tacinahe
urwatO frasparanahe
gaEqAuS maKyO-WaMhahe,
12 YO arCn&m fraMhvrvziNt&m
maziStvm aojO Abaraiti
maziStvmca AmanaMhvm
YO xCaqriCwa awAiti
awl zI xCaqrIS hupAtOtvml
Yl uStrO pAiti WaDariS
aS-bAzAuS stwi-kaofO smarCnO-daEma jIrO-sArO raEwa bvrvzO
amawl,
13 Y&m hE dUraEsUkvm
dUire frawAiti aEtahe
t&qry&m aipi xCapanvm,
YO kafvm aipi-spayeiti
spaEititvm upa WaGDanvm
huxCnaoqre hupaitiStAne
YO hiStaite WIdiDwl
Yaqa sAsta hamO-xCaqrO,
awaqa AjasaT.
ahe raya ... tlscA Yazamaide.
(Repeat verse 5)


5
14 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
15 ahmAi puxDO AjasaT WazvmnO
WvrvqraGnO ahuraDAtO
hU kvhrpa WarAzahe
paiti-vrvnO tiZi-d&strahe
arCnO tiZi-asUrahe
hakvrvT-janO WarAzahe
anupOiqBahe graNtahe
parCwanikahe taxmahe
YUxDahe pAiriwAzahe,
awaqa AjasaT.
ahe raya ... tlscA Yazamaide.
(Repeat verse 5)


6
16 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
17 ahmAi xStwO AjasaT WazvmnO
WvrvqraGnO ahuraDAtO
narS kvhrpa paNca-dasaMhO
xCaEtahe spiti-dOiqrahe
kasu-pACnahe srIrahe, awaqa AjasaT.
ahe raya ... tlscA Yazamaide.
(Repeat verse 5)


7
18 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
19 ahmAi haptaqO AjasaT WazvmnO
WvrvqraGnO ahuraDAtO
mvrvGahe kvhrpa WArvGnahe
urwatO aDara-naEmAT
piCatO upara-naEmAT
YO Way&m asti AsiStO
rvNjiStO frawazvmnan&m.
20 hO aEwO uStanawat&m
iCwa-Wasma apayeiti
[hasciT WA nOiT WA]
YaTciT Wazaite hwastvm,
YO Wazaite zarCayamnO
aGr&m usaitIm uClMhvm
axCafni xCafnIm isvmnO
asUiri sUirIm isvmnO,
21 WIgAqO marvzaT kaofan&m
barvCnawO marvzaT gairin&m
j&fnawO marvzaT raon&m
saEniS marvzaT urwaran&m
Way&m WAcim susruCvmnO,
awaqa AjasaT.
ahe raya ... tlscA Yazamaide.
(Repeat verse 5)


8
22 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
23 ahmAi aStvmO AjasaT WazvmnO
WvrvqraGnO ahuraDAtO
maECahe kvhrpa aurunahe
srIrahe niwaStakO-srwahe,
awaqa AjasaT.
ahe raya ... tlscA Yazamaide.
(Repeat verse 5)


9
24 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
25 ahmAi naomO AjasaT WazvmnO
WvrvqraGnO ahuraDAtO
bUzahe kvhrpa rVnahe
srIrahe tiZi-srwahe,
awaqa AjasaT.
ahe raya ... tlscA Yazamaide.
(Repeat verse 5)


10
26 WvrvqraGnvm ahuraDAtvm Yazamaide,
pvrvsaT zaraquStrO ... spitama zaraquStra.
(See verse 1).
27 ahmAi dasvmO AjasaT WazvmnO
WvrvqraGnO ahuraDAtO
WIrahe kvhrpa raEwatO
srIrahe mazdaDAtahe,
baraT karvtvm zaranyO-saorvm
frapixStvm WIspO-paEsaMhvm,
awaqa AjasaT.
ahe raya ... tlscA Yazamaide.
(Repeat verse 5)


11
28 WvrvqraGnvm ahuraDAtvm Yazamaide arCO-karvm marCO-karvm
fraCO-karvm hwAxStvm hwAyaonvm,
tvm Yazata YO aCawa zaraquStrO WvrvqraGnahe paiti manahi WvrvqraGnahe paiti Wacahi WvrvqraGnahe paiti Kyaoqne WvrvqraGnahe paiti frawAke WvrvqraGnahe paiti pAitiwAke.
29 ahmAi daqaT WvrvqraGnO ahuraDAtO vrvzOiS xl bAzwl aojO
tanwO WIspayl drwatAtvm tanwO WIspayl Wazdwarv aomca sUkvm Yim baraiti karO masyO upApO YO raMhayl dUraEpArayl jafrayl hazaMrO-WIrayl WarvsO-stawaMhvm ApO urwaEsvm mArayeite.
ahe raya ... tlscA Yazamaide.
(Repeat verse 5)


12
30-31 WvrvqraGnvm ahuraDAtvm Yazamaide arCO-karvm
(See verse 28 seq.)
... aomca sUkvm
Yim baraiti aspO arCa YO t&qryasciT haca xCafnO awaCaiqyl aipi-aBrayl aspaEm Warvsvm zvmADa sayanvm WaEnaiti katArO aGrawO WA bUnawO WA.
ahe raya ... tlscA Yazamaide.
(Repeat verse 5)


13
32-33 WvrvqraGnvm ahuraDAtvm Yazamaide arCO-karvm
(See verse 28.) ... aomca sUkvm
Yim baraiti kahrkAsO zarvnumainiS YO naomyAciT haca dai?haoT muSti-masaMhvm xrUm aiBi-WaEnaiti awawaTciT Yaqa sUkayl brAzayl brAzvm awawaTciT Yaqa sUkayl naEzvm.
ahe raya ... tlscA Yazamaide.
(Repeat verse 5)


14
34 WvrvqraGnvm ahuraDAtvm Yazamaide,
pvrvsaT zaraquStrO ahurvm mazd&m,
ahura mazda mainyO
spVniSta dAtarv gaEqan&m
astwaitin&m aCAum
YaT bawAni aiBi-sastO aiBi-SmarvtO
pouru-nar&m TbiCyaNt&m
ciS ai?he asti baECazO.
35 AaT mraoT ahurO mazdl,
mvrvGahe pvCO-parvnahe WArvNjinahe parvnvm ayasaECa spitama zaraquStra,
ana parvna tanUm aiBi-sifOiS ana parvna hamvrvqvm paiti-saMhaECa.
36 YAnl baraiti astawO WA taxmahe mvrvGahe parvnawO WA taxmahe
mvrvGahe,
naEDa-ciS raEwa maKya
jaiNti naEDa fraECyeiti
paourwa-hE nvmO baraiti paourwa Xarvnl,
WIDArayeiti upast&m
mvrvGahe parvnO mvrvGan&m.
37 tl ahurO sAstran&m dai?hupaitiS
nOiT satvm jaiNti WIraja
nOiT hakvrvT jaiNti WaEsaEpa
Oim jaiNti fraCa aEiti.
38 WIspe tvrvsvNti pvrvnine
awaqa mAwayaciT tanuye
WIspe tvrvsvNtu aurwaqa
WIspe tvrvsvNtu duS-mainyuS
amvmca WvrvqraGnvmca
niDAtvm tanuye manO,
39 Yim WaClNte ahurlMhO
WaClNte AhUirylMhO
WaClNte haosrawaMhanO
tvm WaCata kawa usa,
Yim aspO arCa baraiti
Yim uStrO WaDairiS baraiti
Yim AfS nAwaya baraiti,
40 Yim qraEtaonO taxmO baraT
YO janaT aZIm dahAkvm qrizafanvm qrikamvrvDvm xCwaS-aCIm hazaMrA-YaoxStIm
aSaojaMhvm daEwIm drujvm
aGvm gaEqAwyO drwaNtvm
Y&m aSaojastvm&m drujvm
fraca kvrvNtaT aMrO mainyuS
aoi Y&m astwaitIm gaEq&m mahrkAi aCahe gaEqan&m.
ahe raya ... tlscA Yazamaide.
(Repeat verse 5)


15
41 WvrvqraGnvm ahuraDAtvm Yazamaide,
WvrvqraGnO awi imaT nmAnvm gaosurAbyO XarvnO pairi-Wvrvnawaiti Yaqa hAu maza mvrvGO saEnO Yaqa awe aBrl upApl masitO gairIS niwAnvNti.
ahe raya ... tlscA Yazamaide.
(Repeat verse 5)


16
42 WvrvqraGnvm ahuraDAtvm Yazamaide,
pvrvsaT zaraquStrO ahurvm mazd&m,
ahura mazda mainyO
spVniSta dAtarv gaEqan&m
astwaitin&m aCAum
kwa asti WvrvqraGnahe ahuraDAtahe n&ma-azbAitiS kwa
upa-stUitiS kwa niStUitiS.
43 AaT mraoT ahurO mazdl,
YaT spADa haNjaslNte
spitama zaraquStra
raStvm rasma katarasciT
WaStlMhO ahmya nOiT WazylNte jatlMhO ahmya nOiT
janylNte.
44 cataMrO pvrvnl WIDArayOiS
awi paq&m katarasciT,
YatArO pourwO frAyazAite
amO hutaStO huraoDO
WvrvqraGnO ahuraDAtO
atArO Wvrvqra hacaite.
45 amvmca WvrvqraGnvmca AfrInAmi dwa apAtAra dwa nipAtAra dwa
niSharvtAra dwa aDBOZvn dwa WIDBOZvn dwa fraDBOZvn dwa Amarvzvn dwa WImarvzvn dwa framarvzvn.
46 zaraquStra aEtvm m&qrvm mA fradaEsayOiS ainyaT piqre WA
puqrAi brAqre WA haDO-zAtAi AqrawanAi WA qrAyaone,
aEtaEca-tE WAcO YOi uGra As dvrvzra As uGra As WyAxaine As uGra As WvrvqraGne As uGra As baECazya As,
aEtaEca-tE WAcO YOi pvCvmciT sArvm buNjaiNti uzgvrvptvmciT snaqvm apaCa apa-XanwaiNti.
ahe raya ... tlscA Yazamaide.
(Repeat verse 5)


17
47 WvrvqraGnvm ahuraDAtvm Yazamaide YO WIrAzaiti aNtarv rASta
rasmana
Aca paraca pvrvsaite
haDa miqra haDa raCnwO,
kO miqrvm aiBi-druZaiti
kO raCnUm paiti-irinaxti
kahmAi Yaskvmca mahrkvmca
azvm baxCAni xCayamnO.
48 AaT mraoT ahurO mazdl,
YaT maKyAka frAyazlNte
WvrvqraGnO ahuraDAtO dAtahe Yim Kyeiti dAityOtvma Yasnasca Wahmasca aCAT haca YaT WahiStAT nOiT iqra airyl dai?hAwO fr&S hyAT haEna nOiT WOiGna nOiT pAma nOiT kapastiS nOiT haEnyO raqO nOiT uzgvrvptO drafCO.
49 paiti dim pvrvsaT zaraquStrO,
kaT zI asti ahura mazda WvrvqraGnahe ahuraDAtahe dAityOtvma Yasnasca Wahmasca aCAT haca YaT WahiStAT.
50 AaT mraoT ahurO mazdl,
zaoqrl hE uzbArayvn airyl dai?hAwO barvsma hE stvrvnayvn airyl dai?hAwO,
pasUm hE pacayvn airyl dai?hAwO auruCvm WA Wohu-gaonvm WA kAciT WA gaonan&m hamO-gaonvm.
51 mA-hE mairyO gvurwayOiT mA jahika mA aCAwO asrAwayaT-gAqO
ahumvrvxS paityArvnO im&m daEn&m Y&m AhUirIm zaraquStrIm.
52 Yezi-CE mairyO gvurwayAT jahika WA aCAwO WA asrAwayaT-gAqO
ahumvrvxS paityArvnO im&m daEn&m Y&m AhUirIm zaraquStrIm para baECaza hacaite
WvrvqraGnO ahuraDAtO.
53 hamaqa airyAbyO dai?hubyO WOiGnl jaslNti,
hamaqa airyAbyO dai?hubyO haEna frapatlNti,
hamaqa airyAbyO dai?hubyO janylNte paNcasaGnAi sataGnAiSca sataGnAi hazaMraGnAiSca hazaMraGnAi baEwarvGnAiSca baEwarvGnAi ah&xStaGnAiSca.
54 aDAT uiti frawaCata,
WvrvqraGnO ahuraDAtO
nOiT narO YesnyO WahmyO
gVuSca urwa dAmi-dAtO
YaT nUrvm WyAmbura daEwa
maKyAka daEwayAzO
WohunIm WA tAcayeiNti
fraCaEkvm WA fraCicaNti,
55 YaT nUrvm WyAmbura daEwa
maKyAka daEwayAzO
awi Atrvm AbarvNti
aEtayl urwarayl YA Waoce hapvrvsi n&ma aEtvm aEsmvm YO Waoce nvmvDka n&ma.
56 YaT nUrvm WyAmbura daEwa
maKyAka daEwayAzO
frA parStIm nAmayeiNti
WI maiDy&nvm fCAnayeiNti
WIspa haNdAma rAzayeiNti
jana hO saiDin nOiT janvn
haDa hO saiDin nOiT haDvn,
YaT nUrvm WyAmbura daEwa
maKyAka daEwayAzO
uCi pairi-dArayeiNti
daEma hO pairi-urwaEsayeiNti.
ahe raya ... tlscA Yazamaide.
(Repeat verse 5)


18
57 WvrvqraGnvm ahuraDAtvm Yazamaide,
haomvm baire sAiri baoGvm
haomvm WvrvqrAcanvm baire
nipAtArvm Wohu baire
pAtArvm tanuye baire
haomvm Yim niwizaiti niwaNdAT apayeiti duSmainyaoT pvCana haca,
58 Yaqa azvm aom spADvm WanAni Yaqa azvm aom spADvm niwanAni
Yaqa azvm aom spADvm nijanAni YO mE paskAT Wazaite.
ahe raya ... tlscA Yazamaide.
(Repeat verse 5)


19
59 WvrvqraGnvm ahuraDAtvm Yazamaide,
asAnvm siGUire ciqrvm
abarv ahurO puqrO
puqrlMhO baEwarv-patayO,
amawa As Wvrvqrawa n&ma Wvrvqrawa As amawa n&ma.
60 Yaqa azvm awata Wvrvqra hacAne
Yaqa WIspe anye aire
Yaqa azvm aom spADvm WanAni Yaqa azvm aom spADvm niwanAni Yaqa azvm aom spADvm nijanAni YO mE paskAT Wazaite.
ahe raya ... tlscA Yazamaide.
(Repeat verse 5)


20
61 WvrvqraGnvm ahuraDAtvm Yazamaide.
YaqA ahU WairyO....
gawe amvm gawe nvmvm
gawe uxDvm gawe Wvrvqrvm
gawe Xarvqvm gawe Wastrvm
gawe WvrvzyAt&m
t&m nV XarvqAi fCuyO.
ahe raya ... tlscA Yazamaide.
(Repeat verse 5)


21
62 WvrvqraGnvm ahuraDAtvm Yazamaide,
YO rasmanO sciNdayeiti
YO rasmanO kvrvNtayeiti
YO rasmanO XaMhayeiti
YO rasmanO Yaozayeiti
awi rasmanO sciNdayeiti awi rasmanO kvrvNtayeiti awi rasmanO
XaMhayeiti awi rasmanO Yaozayeiti WvrvqraGnO ahuraDAtO
daEwan&m maKyAn&mca
YAqB&m pairikan&mca
sAqr&m kaoy&m karafn&mca.
ahe raya ... tlscA Yazamaide.
(Repeat verse 5)


22
63 WvrvqraGnvm ahuraDAtvm Yazamaide,
AaT YaT WvrvqraGnO ahuraDAtO qaxtan&m rasman&m YUxtan&m COiqran&m miqrO-druj&m maKyAn&m
ap&S gawO darvzayeiti
pairi daEma WArayeiti
apa gaoCa taoCayeiti
nOiT pADa WIDArayeiti
nOiT paiti-tawl bawaiti.
ahe raya ... tlscA Yazamaide.
(Repeat verse 5)


(Recite silently:)

64 (hOrmvzd i XadAe i aBazUnI mardum mardum sardag& hamA
sardag& ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT.)


(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
WvrvqraGnahe ahuraDAtahe WanaiNtylsca uparatAtO.
aCvm WohU....
ahmAi raESca ... hazaMrvm ... jasa-mE ... (kvrba maZd) ...
aCvm WohU.....


15. Ram Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
mainyO rAm bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

WayaoS uparO-kairyehe taraDAtO anyAiS dAm&n aEtaT tE WayO YaT tE
asti spvNtO-mainyaom
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 YazAi apvmca baGvmca
YazAi AxStIm h&m-WaiNtImca
suy&mca katarvmciT,
tvm WaEmciT Yazamaide
tvm WaEmciT zbayamahi
ahmAica nmAnAi ahmAica nmAnahe nmAnO-patVe ahmAica zaoqrO-barAi
arvdrAi paiti-asti gVuS Wacahyeheca haqrawataheca paiti hamvrvqan&m WahiStvm Yazatvm Yazamaide.
2 tvm Yazata YO daDwl ahurO mazdl airyene WaEjahi WaMhuyl
dAityayl zaranaEne paiti gAtwO zaranaEne paiti fraspAiti zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
3 aom jaiDyaT,
awaT Ayaptvm dazdi-mE
WayuS YO uparO-kairyO
Yaqa azvm nijanAni
aMrahe mainyVuS dAman&m
naEciS awaT YO spvNtahe.
4 daqaT ahmAi taT awaT Ayaptvm WayuS YO uparO-kairyO Yaqa tA
upaMhacaT YO daDwl ahurO mazdl.
5 WaEm aCawanvm Yazamaide WaEm uparO-kairIm Yazamaide aEtaT tE
WayO Yazamaide YaT tE asti spvNtO-mainyaom.
ahe raya XarvnaMhaca
tvm YazAi surunwata Yasna
uGrvm WaEm uparO-kairIm zaoqrAbyO,
uGrvm WaEm uparO-kairIm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


2
6 YazAi apvmca ... Yazamaide.
(Repeat verse 1)
7 tvm Yazata
haoKyaMhO paraDAtO
upa taErvm harayl
Yuxtayl paiti-ayaMhO
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
8 aom jaiDyaT,
awaT Ayaptvm dazdi-mE
WayuS YO uparO-kairyO
Yaqa azvm nijanAni
dwa qriCwa mAzainyan&m
daEwan&m Warvnyan&mca drwat&m.
9 daqaT ahmAi ... tlscA Yazamaide.
(Repeat verses 4-5)


3
10 YazAi apvmca ... Yazamaide.
(Repeat verse 1)
11 tvm Yazata taxmO urupa azinawl zaranaEne paiti gAtwO
zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
12 aom jaiDyaT,
awaT Ayaptvm dazdi-mE
WayuS YO uparO-kairyO
YaT bawAni aiBi-Wanyl
WIspe daEwa maKyAca
WIspe YAtawO pairiklsca,
YaT barAni aMrvm mainyUm
framitvm aspahe kvhrpa
qrisatvm aiBi-gAman&m
wa pairi zvmO karana.
13 daqaT ahmAi ... tlscA Yazamaide.
(Repeat verses 4-5)


4
14 YazAi apvmca ... Yazamaide.
(Repeat verse 1)
15 tvm Yazata YO YimO xCaEtO hw&qBO
hukairyAT haca barvzaMhaT
WIspO-bAmyAT zaranaEnAT
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
16 aom jaiDyaT,
awaT Ayaptvm dazdi-mE
WayuS YO uparO-kairyO
YaT bawAni XarvnaMuhastvmvm zAtan&m
hwarvdarvsvm maKyAn&m
YaT kvrvnawAni mAwOya xCaqrADa
amarvCaNta pasu WIra
aMhVuCvmne Apa urwaire
Xairy&n Xarvqvm ajyamnvm,
Yimahe xCaqre aurwahe
nOiT aotvm lMha nOiT garvmvm
nOiT zaurwa lMha nOiT mvrvqyuS
nOiT araskO YO daEwO-dAtO.
17 daqaT ahmAi ... tlscA Yazamaide.
(Repeat verses 4-5)


5
18 YazAi apvmca ... Yazamaide.
(Repeat verse 1)
19 tvm Yazata aZiS qrizafl dahAkO upa kwiriNtvm duZitvm
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
20 aom jaiDyaT,
awaT Ayaptvm dazdi-mE
WayuS YO uparO-kairyO
Yaqa azvm amaKy&n kvrvnawAni WIspAiS awi karCw&n YAiS hapta.
21 nOiT YazvmnAi nOiT jaiDyaNtAi nOiT zbayaNtAi nOiT arvdrAi
nOiT zaoqrO-barAi nOiT ahmAi daqaT taT awaT Ayaptvm WayuS YO uparO-kairyO.
ahe raya XarvnaMhaca
tvm YazAi surunwata Yasna
uGrvm WaEm uparO-kairIm zaoqrAbyO,
uGrvm WaEm uparO-kairIm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


6
22 YazAi apvmca ... Yazamaide.
(Repeat verse 1)
23 tvm Yazata WIsO puqrO AqByAnOiS
WIsO sUrayl qraEtaonO
upa Warvnvm caqru-gaoCvm
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
24 aom jaiDyaT,
awaT Ayaptvm dazdi-mE
WayuS YO uparO-kairyO
YaT bawAni aiBi-Wanyl aZIm dahAkvm qrizafanvm qrikamvrvDvm
XarvnaMhaca
tvm YazAi surunwata Yasna
uGrvm WaEm uparO-kairIm zaoqrAbyO,
uGrvm WaEm uparO-kairIm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA mahrkAi aCahe gaEqan&m,
uta-hE WaNta azAni
saMhawAci arvnawAci
YOi hvn kvhrpa sraESta zazAitVe
gaEqyAi tE YOi abdOtvme.
25 daqaT ahmAi ... tlscA Yazamaide.
(Repeat verses 4-5)


7
26 YazAi apvmca ... Yazamaide.
(Repeat verse 1)
27 tvm Yazata naire-manl kvrvsAspO
upa guDvm apaGZArvm
raMhayl mazdaDAtayl
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
28 aom jaiDyaT,
awaT Ayaptvm dazdi-mE
WayuS YO uparO-kairyO
YaT kaEna nijasAni
azvm brAqrO urwAxCaya
YaT janAni hitAspvm
raiqe paiti WazaiDyAi,
uiti asti gafyO AhUiriS uiti aEwO gafyO paitiS uiti gaNdarvBO
upApO.
29 daqaT ahmAi ... tlscA Yazamaide.
(Repeat verses 4-5)


8
30 YazAi apvmca ... Yazamaide.
(Repeat verse 1)
31 tvm Yazata
aurwasArO dai?hupaitiS
awi spaEtiniS razurl
upa spaEititvm razurvm
upa WimaiDvm razuraya
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
32 aom jaiDyaT,
awaT Ayaptvm dazdi-mE
WayuS YO uparO-kairyO
YaT nA nOiT nijanAT
arCa airyan&m daFyun&m
xCaqrAi haNkvrvmO haosrawa,
Yaqa azvm uzayeni
haca kawOiS haosrawaMhahe,
janAT tvm kawa haosrawa
WIspe aire razuraya.
33 daqaT ahmAi ... tlscA Yazamaide.
(Repeat verses 4-5)


9
34 YazAi apvmca ... Yazamaide.
(Repeat verse 1)
35 tvm Yazata
hutaosa YA pouru-brAqra
WIsO awi naotaran&m
zaranaEne paiti gAtwO zaranaEne paiti fraspAiti
zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
36 aom jaiDyaT,
awaT Ayaptvm dazdi-mE
WayuS YO uparO-kairyO
YaT bawAni frya friqa paiti-zaNta
nmAne kawOiS WIStAspahe.
37 daqaT ahmAi ... tlscA Yazamaide.
(Repeat verses 4-5)


10
38 YazAi apvmca ... Yazamaide.
(Repeat verse 1)
39 tvm YazvNta kainina YOi anupaEta maKyAn&m zaranaEne paiti
gAtwO zaranaEne paiti fraspAiti zaranaEne paiti upastvrvne frastvrvtAT paiti barvsmvn pvrvnVbyO paiti GZArayaTbyO.
40 AaT hIm jaiDyvn,
awaT Ayaptvm dazdi-nO
WayuS YO uparO-kairyO
YaT nmAnO-paitIm WiNdAma
YwAnO sraEStO-kvhrpa
YO nO hubvrvt&m barAT
Yawata gaya jwAwa
frazaiNtImca hO WvrvzyAT
daMrO daNtO hizuxDO.
41 daqaT aibyasciT taT awaT Ayaptvm ... tlscA Yazamaide.
(See verses 4-5.)


11
42 YazAi apvmca ... Yazamaide,
(Repeat verse 1)
spvNtO-mainyaom raEwaNtvm XarvnaMhwaNtvm Yazamaide.
43 WayuS bA n&ma ahmi aCAum zaraquStra,
awaT WayuS bA n&ma ahmi YaT wa d&ma Wayemi Yasca daqaT spvNtO mainyuS Yasca daqaT aMrO mainyuS,
apayate n&ma ahmi aCAum zaraquStra awaT apayate n&ma ahmi YaT wa d&ma apayemi Yasca daqaT spvNtO mainyuS Yasca daqaT aMrO mainyuS.
44 WanO-WIspl n&ma ahmi aCAum zaraquStra,
awaT WanO-WIspl n&ma ahmi YaT wa d&ma WanAmi Yasca daqaT spvNtO mainyuS Yasca daqaT aMrO mainyuS,
WohwarSte n&ma ahmi aCAum zaraquStra awaT WohwarSte n&ma ahmi YaT WohU WvrvzyAmi
daquCO ahurAi mazdAi
amvCan&m spvNtan&m.
45 fracarv n&ma ahmi aipicarv n&ma ahmi aipiDbaoGv n&ma ahmi
fraspl n&ma ahmi nispl n&ma ahmi dahakv n&ma ahmi zinakv n&ma ahmi WIdakv n&ma ahmi WiNdiXarvnv n&ma ahmi 46 aurwO n&ma ahmi aurwOtvmO n&ma ahmi,
taxmO n&ma ahmi taxmOtvma n&ma ahmi,
dvrvzrO n&ma ahmi darvjiStO n&ma ahmi,
aoji n&ma ahmi aojiS n&ma ahmi,
hupairitl n&ma ahmi hupairispl n&ma ahmi,
haqrawana n&ma ahmi Ainiwa n&ma ahmi,
WiDaEwO-karv n&ma ahmi karvdarvsv n&ma ahmi.
47 tarO-TbaECO n&ma ahmi TbaECO-tarO n&ma ahmi,
AyaozO n&ma ahmi pAyaozO n&ma ahmi WiwaozO n&ma ahmi,
saocahi n&ma ahmi bucahi n&ma ahmi,
buxtiS n&ma ahmi saiDiS n&ma ahmi,
gvrvDO n&ma ahmi gvrvDyaoxDO n&ma ahmi gvrvDixawO n&ma ahmi.
48 tiZyarStv n&ma ahmi tiZyarStiS n&ma ahmi pvrvqwarvStv n&ma
ahmi pvrvqwarvStiS n&ma ahmi,
WaEZyarStv n&ma ahmi WaEZyarStiS n&ma ahmi,
Xarvnl n&ma ahmi aiBi-Xarvnl n&ma ahmi.
49 tlsca-mE n&ma zbayaECa
ahmi aCAum zaraquStra Yim aNtarv haEnayl xrUiKyeitiS aNtarv h&m-YaNta rasmaoyO
aNtarv dai?hu pApvrvtAne.
50 tlsca-mE n&ma zbayaECa
ahmi aCAum zaraquStra Yim sAsta dai?hVuS hamO-xCaqrO patvNtvm WA zbarvNtvm WA iriCvNtvm WA raqOiCvmnvm WA paitiCvNtvm qrimahe paitiCvNtvm baECazyehe.
51 tlsca-mE n&ma zbayaECa ahmi aCAum zaraquStra Yim aCvmaoGvm
anaCawanvm patvNtvm WA zbarvNtvm WA iriCvNtvm WA raqOiCvmnvm WA paitiCvNtvm amahe paitiCvNtvm qrimahe paitiCvNtvm baECazyehe.
52 tlsca-mE n&ma zbayaECa ahmi aCAum zaraquStra
YaT bastO aMhaT hiStvmnO
bastO aMhaT frADayamnO
bastO aMhaT WADayamnO
fraDbaoye bACe buyeNte
WiDbaoye grAfe buyeNte.
53 WayO aspaECu WIraECu WIspaECu Wimanvkarv WIspaECu
WIdaEwO-karv nitvmaECwa gAtuCwa hazaMrO-tvmahwaca h&m isvmnvm paiDyAiti.
54 kana qB&m Yasna YazAne
kana Yasna frAyazAne
kana qBA Yasna paiti hvNkvrvitiS awa-hiStAT
WayuS aurwO uskAT-YAstO
dvrvzi-YaoxvDrO bvrvzi-pADO
pvrvqu-WarO pvrvqu-sraoniS
anAxrwiDa-dOiqre Yaqa anylsciT xCaqrAT xCayamnl hamO-xCaqrO-xCayamnl.
55 tUm barvsma ayasaECa aCAum zaraquStra fracinaqBarv
WicinaqBarv raocinawaNtvm bAmIm frataraEibyO raocl WItaraEibyO uClMhvm.
56 Yezi m&m YaStO kvrvnawAni azvm tE Waca framrawAni mazdaDAta
XarvnaMhwaNta baECazya Yaqa qB&m nOiT taurwayAT aMrO mainyuS pouru-mahrkO nOiT YAtO nOiT YAtuml nOiT daEwO naEDa maKyO.
57 WayO aurwa Yazamaide,
WayO taxma Yazamaide,
WaEm aurwan&m aurwOtvmvm Yazamaide,
WaEm taxman&m taxmOtvmvm Yazamaide,
WaEm zaranyO-xaoDvm Yazamaide,
WaEm zaranyO-pusvm Yazamaide,
WaEm zaranyO-minvm Yazamaide,
WaEm zaranyO-WACvm Yazamaide,
WaEm zaranyO-caxrvm Yazamaide,
WaEm zaranyO-zaEm Yazamaide,
WaEm zaranyO-Wastrvm Yazamaide,
WaEm zaranyO-aoqrvm Yazamaide,
WaEm zaranyO-aiBylMhanvm Yazamaide,
WaEm aCawanvm Yazamaide,
WaEm uparO-kairIm Yazamaide,
aEtaT tE WayO Yazamaide YaT tE asti spvNtO-mainyaom.
ahe raya XarvnaMhaca
tvm YazAi surunwata Yasna
uGrvm WaEm uparO-kairIm zaoqrAbyO,
uGrvm WaEm uparO-kairIm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


(Recite silently:)

58 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
WayaoS uparO-kairyehe taraDAtO anyAiS dAm&n aEtaT tE WayO YaT tE
asti spvNtO-mainyaom.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


16. Den Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
dIn i Wahv i mazdayasn& bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

raziStayl cistayl mazdaDAtayl aCaonyl
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 raziSt&m cist&m mazdaDAt&m aCaonIm Yazamaide hupaqmainy&m
huaiBitacin&m nimarvziSt&m baraT-zaoqr&m aCaonIm hunarawaitIm frasrUt&m Asu-kairy&m moCu-kairy&m hwAyaon&m hwAyaozd&m Y&m WaMuhIm daEn&m mAzdayasnIm.
2 Y&m Yazata zaraquStrO,
usv-hiSta haca gAtwO fraCUsa haca dvmAnAT raziSte ciste mazdaDAte aCaoni,
Yezi ahi paurwa-naEmAT AaT m&m awi nmAnaya Yezi paskAT AaT m&m awi apaya.
3 aqanA AxSta buy&n YaqanA buyAT hwAyaonlMhO paNtAnO XApaqana
garayO XAtacina razura hupvrvqBe AfS nAuya ahmAi saokAi frasastAi frawAkAi uta framAnAi.
4 ahe raya XarvnaMhaca
t&m YazAi surunwata Yasna
t&m YazAi huyaSta Yasna
raziSt&m cist&m mazdaDAt&m aCaonIm zaoqrAbyO,
raziSt&m cist&m mazdaDAt&m aCaonIm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


2
5 raziSt&m cist&m ... mAzdayasnIm,
(Repeat verse 1)
6 Y&m Yazata zaraquStrO humatahe paiti manaMhO hUxtahe paiti
WacaMhO hwarStahe paiti Kyaoqnahe awaheca paiti Y&nahe,
7 YaT hE daqaT raziSta cista mazdaDAta aCaoni pADawe zAwarv
gaoCaEBe sraoma bAzuBe aojO tanwO WIspayl drwatAtvm tanwO WIspayl
Wazdwarv aomca sUkvm Yim baraiti karO masyO upApO YO raMhayl dUraEpArayl jafrayl hazaMrO-WIrayl WarvsO-stawaMhvm ApO urwaEsvm
mArayeiti.
ahe raya ... tlscA Yazamaide.
(Repeat verse 4)


3
8 raziSt&m cist&m ... mAzdayasnIm,
(Repeat verse 1)
9 Y&m Yazata zaraquStrO humatahe paiti manaMhO hUxtahe paiti
WacaMhO hwarStahe paiti Kyaoqnahe awaheca paiti Y&nahe,
10 YaT hE daqaT raziSta cista mazdaDAta aCaoni pADawe zAwarv
gaoCaEBe sraoma bAzuBe aojO tanwO WIspayl drwatAtvm tanwO WIspayl Wazdwarv aomca sUkvm Yim baraiti aspO arCa YO t&qryasciT haca xCafnO WArvNtyl snaEZiNtyl srasciNtyl fyaMhwaityl YO naomyAciT haca xCaqryAT aspaEm Warvsvm zvmAT awaoiriqvNtvm WaEnaiti katArO aGrawO WA bunawO WA.
ahe raya ... tlscA Yazamaide.
(Repeat verse 4)


4
11 raziSt&m cist&m ... mAzdayasnIm,
(Repeat verse 1)
12 Y&m Yazata zaraquStrO humatahe paiti manaMhO hUxtahe paiti
WacaMhO hwarStahe paiti Kyaoqnahe awaheca paiti Y&nahe,
13 YaT hE daqaT raziSta cista mazdaDAta aCaoni pADawe zAwarv
gaoCaEBe sraoma bAzuBe aojO tanwO WIspayl drwatAtvm tanwO WIspayl Wazdwarv aomca sUkvm Yim baraiti kahrkAsO zarvnumainyuS YO naomyAciT haca da?haoT muSti-masaMhvm xrUm aiBi-WaEnaiti awawaTciT Yaqa sUkayl brAzayl brAzvm awawaTciT Yaqa sUkayl naEzvm.
ahe raya ... tlscA Yazamaide.
(Repeat verse 4)


5
14 raziSt&m cist&m ... mAzdayasnIm,
(Repeat verse 1)
15 Y&m Yazata hwOwi aCaoni WIquCi Wohu baGvm isvmna aCawanvm
zaraquStrvm anumatVe daEnayAi anuxtVe daEnayAi anwarStVe daEnayAi.
ahe raya ... tlscA Yazamaide.
(Repeat verse 4)


6
16 raziSt&m cist&m ... mAzdayasnIm,
(Repeat verse 1)
17 Y&m Yazata Aqrawa dUraEfrakAtO marvmnvm isvmnO daEnayAi amvm
isvmnO tanuye.
ahe raya ... tlscA Yazamaide.
(Repeat verse 4)


7
18 raziSt&m cist&m ... mAzdayasnIm,
(Repeat verse 1)
19 Y&m Yazata sAsta da?hVuS da?hupaitiS AxSti isvmnO da?hawe
amvm isvmnO tanuye.
ahe raya ... tlscA Yazamaide.
(Repeat verse 4)


(Recite silently:)

20 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
raziStayl cistayl mazdaDAtayl aCaonyl.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


17. Ard Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
mainyO arSasaNg bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

aCOiS WaMhuyl cistOiS WaMhuyl vrvqV WaMhuyl ras&stAtO
WaMhuyl XarvnaMhO sawaMhO mazdaDAtahe xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1
1 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m,
2 duGDarvm ahurahe mazdl XaMharvm amvCan&m spvNtan&m YA
WIspan&m saoKyaNt&m fraCa xraqBa fraqaNjayeiti uta-hE Asnvm xratUm awa-baraiti WArvma uta-hE AsnaEca zbayaNtAi dUraEca zbayaNtAi jasaiti awaMhe,
YO aCIm YazAite zaoqrAbyO hO miqrvm YazAite zaoqrAbyO.
3 ahe raya XarvnaMhaca
t&m YazAi surunwata Yasna
t&m YazAi huyaSta Yasna
aCIm WaMuhIm zaoqrAbyO,
aCIm WaMuhIm Yazamaide
haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


2
4 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
5 haomaheca nvmO m&qraheca aCaonaEca zaraquStrahe,
aTciT bA nvmO haomAi
YaT WIspe anye maDlMhO
aECma haciNte xrwidrwO
AaT hO YO haomahe maDO
aCa hacaite XaE-paiqe.
6 aCiS WaMuhi aCi srIre aCi bAnumaiti CAiti WyAwaiti bAnubyO
aCi dAqre WohUm XarvnO
aEC&m nar&m YOi hacahi,
hubaoiDiS baoDaite nmAnvm
Ye?he nmAne aCiS WaMuhi
sUra pADa nidaqaite
AgrvmaitiS darvGAi haxvDrAi.
7 tE narO xCaqra xCayeNte aS-baourwa
niDAtO-pitu hubaoiDi
Yahmya starvtasca gAtuS
anylsca bvrvxDl awarvtl
YOi hacahi aCiS WaMuhi,
uSta bA Yim hacahi
uta m&m upaMhacahi
Wouru-sarvDa amawaiti.
8 aEC&m nmAnl hwiDAtl
gaosUrlMhO hiStvNte
aS-paourwl darvGO-upastVe
YOi hacahi aCiS WaMuhi,
uSta bA Yim hacahi
uta m&m upaMhacahi
Wouru-sarvDa amawaiti.
9 aEC&m gAtawa hiStvNte
hustarvta hupO-busta
hukvrvta barvziS-hawaNtO
zaranyapaxSta-pADlMhO
YOi hacahi aCiS WaMuhi, uSta bA Yim hacahi uta m&m upaMhacahi
Wouru-sarvDa amawaiti.
10 aEC&m WaNtlMhO bAT mainylMhO
gAtuS paiti lMhvNti
YOi srIra barvziS-hawaNtO
mvrvzyumnl aNku-paEsvmnl
frA gaoCAwara sispimna
caqru-karana minuca zaranyO-pisi.
kaDa nO awi AjasAT nmAnO-paitiS kaDa CAiti paitiCAm fryA paiti tanwi
YOi hacahi aCiS WaMuhi,
uSta bA Yim hacahi
uta m&m upaMhacahi
Wouru-sarvDa amawaiti.
11 aEC&m kaininO lMhvNte
&GmO-paiDiS urwizO-maiDyl
sraotanwO darvGO-aNguStl
kvhrpa awawat&m sraya
Yaqa diDayat&m zaoCO
YOi hacahi aCiS WaMuhi, uSta bA Yim hacahi uta m&m upaMhacahi
Wouru-sarvDa amawaiti.
12 aEC&m asplMhO bayeNte
AsawO rawO-fraoqvmanO
raom WACvm WACayaNte
mrAtvm carvma qaNjayeNte
taxmvm staotArvm WazvNti
Asu-aspvm dvrvzi-raqvm
tiZi-arStIm darvGa-ArvStaEm
xCwiBi-iCUm parO-kvwIDvm
WItArvm paskAT hamvrvqvm
jaNtArvm parO duSmainyUm
YOi hacahi aCiS WaMuhi, uSta bA Yim hacahi
uta m&m upaMhacahi Wouru-sarvDa amawaiti.
13 aEC&m uStrlMhO bayeNte
saEni-kaofa aS-manaMha
aojayeni zvmaT pvrvtamna WaDairyawO YOi hacahi aCiS WaMuhi, uSta bA Yim hacahi uta m&m upaMhacahi
Wouru-sarvDa amawaiti.
14 aEC&m vrvzatvm zaranim
nibvrvqi Abvrvta baraiti
aiBitarAbyO haca daMhubyO
Wastrlsca kvCl bAmaniwl
YOi hacahi aCiS WaMuhi,
uSta bA Yim hacahi
uta m&m upaMhacahi
Wouru-sarvDa amawaiti.
15 apa m&m apa-daiDya
frA-m&m aiBi-urwaEsayaMuha
marZdikvm aCiS bvrvzaiti,
huDAta ahi huciqra
Wasaqa ahi xCayamna
tanuye XarvnaMhe dAite.
16 pita-tE YO ahurO mazdl
YO maziStO Yazatan&m
YO WahiStO Yazatan&m,
mAta ArmaitiS spvNta
brAta tE YO WaMhuS sraoCO aCyO
raCnuSca bvrvzO amawl
miqrasca Wouru-gaoyaoitiS
YO baEwarv-spasanO hazaMra-gaoCO XaMha daEna mAzdayesniS.
17 upa-staota Yazatan&m
amuyamna raziStan&m
paiti-stayata raiqya
aCiS WaMuhi YA bvrvzaiti
uiti WacVbiS aojana,
kO ahi YO m&m zbayehi
Ye?he azvm frAyO zbayvNt&m
sraEStvm susruye WAcim.
18 aDAT uiti frawaCata,
YO spitAmO zaraquStrO
YO paoiryO maKyAkO
staota aCvm YaT WahiStvm
Yazata ahurvm mazd&m
Yazata amvCV spvNtV
Ye?he z&qaEca WaxCaEca
urwAsvn ApO urwarlsca
Ye?he z&qaEca WaxCaEca
uxCin ApO urwarlsca,
19 Yehe z&qaEca WaxCaEca
apa-dwaraT aMrO mainyuS
haca zvmaT YaT paqanayl
skarvnayl dUraEpArayl,
uiti dawata hO YO duZdl
aMrO mainyuS pouru-mahrkO,
nOiT m&m WIspe YazatlMhO
anusvNtvm fraorvciNta
AaT m&m aEwO zaraquStrO
anusvNtvm apayeiti,
20 jaiNti m&m ahuna Wairya awawata snaiqiCa Yaqa asma
katO-masl,
tApayeiti m&m aCa WahiSta m&nayvn ahe Yaqa ayaoxCustvm,
raEkO mE haca a?hl zvmaT Wa?hO kvrvnaoiti YO m&m aEwO jAmayeiti
YO spitAmO zaraquStrO.
21 aDAT uiti frawaCata
aCiS WaMuhi YA bvrvzaiti,
nazdyO m&m upa-hiSta
vrvzwO aCAum spitama
upa mE srayaMuha WACahe,
nazdyO t&m upa-hiStaT
YO spitAmO zaraquStrO
upa hE srayata WACahe.
22 A-dim usca pairi-marvzaT
hAwOya bAzwO daCinaca
daCina bAzwO hAwayaca
uiti WacVbiS aojana,
srIrO ahi zaraquStra
hukvrvtO ahi spitama
hwascwO darvGO-bAzAuS
dAtvm tE tanuye XarvnO
urunaEca darvGvm hawaMhvm
Yaqa imaT YaT tE frAwaocim.
ahe raya ... tlscA Yazamaide.


3
23 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
24 t&m Yazata
haoKyaMhO paraDAtO
upa upabdi harayl bvrvzO
srIrayl mazdaDAtayl.
25 AaT hIm jaiDyaT,
awaT Ayaptvm dazdi- mE
aCiS WaMuhi YA bvrvzaiti
YaT bawAni aiBi-Wanyl
WIspe daEwa mAzanya,
Yaqa azvm nOiT tarStO frAnmAne
qBaECAT parO daEwaEibyO
frA ahmAT parO WIspe daEwa
anusO tarSta nvmlNte
tarSta tvmaMhO dwarlNti.
26 pairi-tacaT pairi-jasaT
aCiS WaMuhi YA bvrvzaiti,
WINdAT tvm YAnvm haoKyaMhO paraDAtO.
ahe raya ... tlscA Yazamaide.


4
27 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
28 t&m Yazata
YO YimO xCaEtO hw&qBO
hukairyAT haca barvzaMhaT.
29 AaT hIm jaiDyaT,
awaT Ayaptvm dazdi-mE
aCiS WaMuhi YA bvrvzaiti
Yaqa azvm fCaoni W&qBa awa-barAni awi mazdl dAmabyO
Yaqa azvm amvrvxtIm awi-barAni awi mazdl dAmabyO,
30 uta azvm apa-barAni wa CuDvmca tarCnvmca
haca mazdl dAmabyO uta azvm apa-barAni wa zaourw&mca mvrvqyUmca haca mazdl dAmabyO uta azvm apa-barAni wa garvmvmca WAtvm aotvmca haca mazdl dAmabyO hazaMrvm aiBi-gAman&m.
31 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm YO YimO xCaEtO hw&qBO.
ahe raya ... tlscA Yazamaide.


5
32 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
33 t&m Yazata
WIsO puqrO AqByAnOiS
WIsO sUrayl qraEtaonO
upa Warvnvm caqru-gaoCvm.
34 AaT hIm jaiDyaT,
awaT Ayaptvm dazdi-mE
aCiS WaMuhi YA bvrvzaiti
YaT bawAni aiBi-Wanyl
aZIm dahAkvm qrizafanvm qrikamvrvDvm xCwaS-aCIm hazaMrA-YaoxStIm aSaojaMhvm daEwIm drujvm aGvm gaEqAwyO drwaNtvm Y&m aSaojastvm&m drujvm fraca kvrvNtaT aMrO mainyuS aoi Y&m astwaitIm gaEq&m mahrkAi aCahe gaEqan&m, uta-hE WaNta azAni saMhawAci arvnawAci YOi hvn kvhrpa sraESta zazAtVe gaEqyAi tE YOi abdOtvme.
35 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm WIsO puqrO aqByAnOiS WIsO sUrayl qraEtaonO.
ahe raya ... tlscA Yazamaide.


6
36 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
37 t&m Yazata
haomO frACmiS baECazyO
srIrO xCaqryO zairi-dOiqrO
barvziSte paiti barvzahi
haraiqyO paiti barvzayl.
38 AaT hIm jaiDyaT, awaT Ayaptvm dazdi- mE
aCiS WaMuhi YA bvrvzaiti
Yaqa azvm baNdayeni
mairIm tUirIm fraMrasyAnvm
uta bastvm WADayeni
uta bastvm upanayeni bastvm kawOiS haosrawaMhahe janAT tvm kawa haosrawa
pasne WarOiS caEcastahe
jafrahe uruyApahe
puqrO kaEna syAwarCAnAi
zUrO-jatahe narahe
aGraEraqaheca narawahe.
39 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm haomO frACmiS baECazyO srIrO xCaqryO zairi-dOiqrO.
ahe raya ... tlscA Yazamaide.


7
40 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
41 t&m Yazata
arCa airyan&m daFyun&m
xCaqrAi haNkvrvmO haosrawa.
42 AaT hIm jaiDyaT,
awaT Ayaptvm dazdi- mE
aCiS WaMuhi YA bvrvzaiti
Yaqa azvm nijanAni mairIm tUirIm fraMrasyAnvm
pasne WarOiS caEcastahe
jafrahe urwyApahe
puqrO kaEna syAwarCAnAi
zUrO-jatahe narahe
aGraEraqaheca narawahe.
43 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm arCa airyan&m daFyun&m xCaqrAi haNkvrvmO haosrawa.
ahe raya ... tlscA Yazamaide.


8
44 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
45 t&m Yazata YO aCawa zaraquStrO airyene WaEjahi WaMhuyl
dAityayl.
46 AaT hIm jaiDyaT,
awaT Ayaptvm dazdi- mE
aCiS WaMuhi YA bvrvzaiti
Yaqa azvm hAcayene WaMuhIm AzAt&m hutaos&m
anumatVe daEnayAi
anUxtVe daEnayAi
anu-WarStVe daEnayAi
YA-mE daEn&m mAzdayasnIm
zrasca dAT apica aotAT
YA-mE WarvzAnAi WaMuhIm dAT frasastIm.
47 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm YO aCawa zaraquStrO.
ahe raya ... tlscA Yazamaide.


9
48 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
49 t&m Yazata
bvrvzaiDiS kawa WIStAspO
pasne ApO dAityayl.
50 AaT hIm jaiDyaT,
awaT Ayaptvm dazdi-mE
aCiS WaMuhi YA bvrvzaiti
Yaqa azAni pvCana aSta aurwaNtO WIspa-qaurwO aStOiS puqrO
WIspa-qaurwO urwi-xaoDO
urwi-WvrvqrO stwI-manaoqriS Ye?he hapta sata uStran&m jainyAwaraT pasca XIDahe,
Yaqa azAni pvCana mairyehe Fyaonahe arvjaT-aspahe,
Yaqa azAni pvCana darCinikahe daEwayasnahe.
51 uta azvm nijanAni
t&qryAwaNtvm duZdaEnvm
uta azvm nijanAi
spinjauruKvm daEwayasnvm,
uta azvm fraourwaEsayeni
humaya WarvDakan&mca
Fyaonya haca dai?hAwO,
uta azvm nijanAni
FyaonIn&m daFyun&m
paNcasaGnAi sataGnAiSca
sataGnAi hazaMraGnAiSca
hazaMraGnAi baEwarvGnAiSca
baEwarvGnAi ah&xStaGnAiSca.
52 pairi-tacaT pairi-jasaT
aCiS WaMuhi YA bvrvzaiti,
WiNdAT tvm YAnvm bvrvzaiDiS kawa WIStAspO.
ahe raya ... tlscA Yazamaide.


10
53 aCIm WaMuhIm Yazamaide xCOiqnIm bvrvzaitIm huraoD&m
huyazat&m XanaT-caxr&m amawaitIm dAtO-saok&m baECazy&m pvrvqwIr&m sUr&m.
54 AaT aoxta aCiS WaMuhi YA bvrvzaiti,
mA-ciS mE lMh&m zaoqran&m WiNdita YA mAwOya nipArayeiNti mA narO pairiStA-xCuDrO mA jahika para-daxSta mA apvrvnAyu tauruna mA kainina anupaEta maKyAn&m.
55 YaT m&m tura pazdayaNta
Asu-aspa naotaraca
AaT azvm tanUm aguze
aDairi pADvm gVuS arCnO barvmAyaonahe
AaT m&m fraguzayaNta
YOi apvrvnAyu tauruna
YOi kainina anupaEta maKyAn&m.
56 YaTciT m&m tura pazdayaNta
Asu-aspa naotaraca
aTciT azvm tanUm aguze
aDairi maECahe garO
YaT WarCnOiS satO-karahe
aTciT m&m fraguzayaNta
YOi apvrvnAyu tauruna
YOi kainina anupaEta maKyAn&m
YaTciT m&m tura pazdayaNta
Asu-aspaEm naotaraca.
57 paoiry&m gvrvz&m gvrvzaEta
aCiS WaMuhi YA bvrvzaiti
haca apuqrO-zanyAi jahikayAi,
mA hE awi pADvm awa-hiSta
mA gAtUm nipaiDyaMuha,
kuqa hIS azvm kvrvnawAni
asmanvm awi fraCusAni
z&m awi ni-urwisyAni.
58 bity&m gvrvz&m gvrvzaEta
aCiS WaMuhi YA bvrvzaiti
haca awaMhAi jahikayAi
YA aom puqrvm baraiti
anyahmAi arCAnAi WarStvm
paiqe upa-baraiti,
kuqa hIS azvm kvrvnawAni
asmanvm awi fraCusAni
z&m awi ni-urwisyAni.
59 qrity&m gvrvz&m gvrvzaEta
aCiS WaMuhi YA bvrvzaiti,
imaT mE stAwiStvm Kyaoqnvm
maKya WvrvziNti sAsta
YaT kainyO uzwADayeiNti
darvGvm aGrwO nijAmayeiNti,
kuqa hIS azvm kvrvnawAni
asmanvm awi fraCusAni
z&m awi ni-urwisyAni.
60 AaT mraoT ahurO mazdl,
aCi srIre dAmiDAite
mA awi asmanvm fraCusa
mA awi z&m ni-urwise
iqa mE tUm h&m-caraMuha
aNtarv arvDvm nmAnahe
srIrahe xCaqrO-kvrvtahe,
61 ana qBA Yasna YazAne
ana Yasna frAyazAne
Yasv-qBA Yazata WIStAspO
pasne ApO dAityayl,
bvrvzvm barAT zaota WAcim
hiStvmnO pasca barvsma,
ana qBA Yasna YazAne
ana Yasna frAyazAne
aCi srIre dAmiDAite
ahe raya ... tlscA Yazamaide.


(Recite silently:)

62 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
aCOiS WaMhuyl cistOiS WaMhuyl vrvqV WaMhuyl ras&stAtO
WaMhuyl XarvnaMhO sawaMhO mazdaDAtahe.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


18. Ashtad Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
AStAT YazaT bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

airyan&m XarvnO mazdaDAtan&m
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 mraoT ahurO mazdl spitamAi zaraquStrAi,
azvm daD&m airyanvm XarvnO gaomawaitIm pouru-W&qBvm pouru-iStvm pouru-XarvnaMhvm huS-h&m-bvrvtvm xraqBvm huS-h&m-bvrvtvm CaEtvm AzIm hamaEstArvm duSmainyUm hamaEstArvm.
2 taurwayeiti aMrvm mainyUm pouru-mahrkvm,
taurwayeiti aECmvm xrwIdrUm,
taurwayeiti bUCy&stvm zairinvm,
taurwayeiti h&m-stvrvtvm aExvm,
taurwayeiti daEum apaoCvm,
taurwayeiti anairyl dai?hAwO.
3 azvm daD&m aCImca WaMuhIm bvrvzaitIm,
fracaraiti aNtarv arvDvm nmAnahe srIrahe xCaqrO-kvrvtahe.
4 tvm hacAT aCiS pouruS-XAqra rAiti aCawa-xCnwaityAi maKyAi,
fracaraiti aNtarv arvDvm nmAnahe srIrahe xCaqrO-kvrvtahe,
WIspO-W&qBO WIspO-WvrvqrO WIspO-xraqBO WIspO-XarvnO,
aEwO-pADvm nidaqaite aCiS WaMuhi YA bvrvzaiti aNtarv arvDvm nmAnahe srIrahe xCaqrO-kvrvtahe.
5 hazaMrvm aspl bawaiti hazaMrvm W&qBl bawaiti uta Asn&mciT
frazaiNtIm,
hAmO Yaozaiti tiStrIm stArvm hAmO WAtO darCiS mazdaDAtO hAmO airyanvm XarvnO.
6 uta barvNti fradaqvm
WIspl barvCnawO gairin&m
WIspl j&fnawO raon&m
uta barvNti fradaqvm
WIspan&m urwaran&m frAurustan&m
srIran&m zairi-gaonan&m
uta barvNti fradaqvm h&m-stvrvtvm aExvm uta barvNti mahrkaqvm daEum apaoCvm.
7 nvmO tiStrIm stArvm raEwaNtvm XarvnaMhuNtvm nvmO WAtO darCiS
mazdaDAtO nvmO airyanvm XarvnO.
YaqA ahU WairyO...(4).
aCvm WohU...(3).
8 ahunvm WairIm Yazamaide,
aCvm WahiStvm sraEStvm amvCvm spvNtvm Yazamaide,
Waca arSuxDa WArvqraGniS baECaziS Yazamaide,
baECaziS Waca arSuxDa WArvqraGniS Yazamaide,
m&qra spvNta daEna mAzdayesne haomacanvm Yazamaide,
airyanvm XarvnO Yazamaide,
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


(Recite silently:)

9 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
airyan&m XarvnO mazdaDAtan&m.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


19. Zam Yasht (Hymn to the Earth)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
zamyAT YazaT bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

garOiS uCi-darvnahe mazdaDAtahe aS-XAqrahe kAwayeheca XarvnaMhO
mazdaDAtahe aXarvtaheca XarvnaMhO mazdaDAtahe xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 paoiryO gairiS h&m-hiStaT spitama zaraquStra paiti Aya zvmA
haraiti barS hA hama pAirisAite frApayl da?huS A upaoCaMhwlsca,
bityO zvrvDazO gairiS pArvNtarvm arvDO manuCahe hAmO hasciT pAirisAite frApayl da?huS A upaoCaMhwlsca.
2 ahmaT haca garayO fraoxCy&n uCiDl uCidarvnO vrvzifyasca
fraorvpO xStwO vrvzurO haptaqO bUmyO aStvmO raoDitO naomO maziCwl dasvmO aNtarv-da?huS aEwaNdasO vrvziCO dwadasO WAiti-gaEsO,
3 Adaranasca bayanasca iKatAca upAiri-saEna k&sO-tafvDra
Warafa dwa hamaNkuna paurwata aSta WaCanO paurwata aSta aurwaNtO flNkawO caqBArO WiDBana kaofO,
4 aEzaxasca maEnaxasca WAxvDrikaEca asayaEca tuDaskaEca
WiCawaEca draoCiCwlsca sAiriwlsca naMhuSmlsca kakahyuSca aNtarv-kaMhaca,
5 sicidawasca ahuranasca raEmanasca aCa-stvmbanasca
urunyO-WAiDimiDkaEca asnwlsca uCaomasca uSta-Xarvnlsca syAmakasca
Wafraylsca WouruCasca,
6 Yahmya-jatarasca aDutawlsca spitawarvnlsca spvNtO-dAtasca
kadrwa-aspasca kaoirisasca taErasca barO-srayanO baranasca frApaylsca gairiS udryasca raEwlsca gairiS,
YaEC&mca parO maKyAka aiBitaEDaca spaCitaEDaca gairin&m nAm&m dADarv,
7 caqBarasca aqa garayO spitama zaraquStra caqBarvsatvmca
dwaEca saite dwaEca hazaMre.
8 YawaT anu aipi Aite garayO WiCastarv WIspvm awaT aipi draonO
baZaT aqaurunaEca raqaEStAica WAstryAica fCuyeNte.


1
9 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
10 YaT asti ahurahe mazdl Yaqa dAm&n daqaT ahurO mazdl pouruca
Wohuca pouruca srIraca pouruca abdaca pouruca fraCaca pouruca bAmyAca
11 YaT kvrvnaw&n fraCvm ahUm
azarvCvNtvm amarvCvNtvm
afriqyaNtvm apuyaNtvm
YawaEjim YawaEsum WasO-xCaqrvm
YaT irista paiti usvhiSt&n
jasAT jwayO amvrvxtiS
daqaite fraCvm Wasna aMhuS,
12 bun gaEql amarCaNtIS
Yl aCahe saMuhaitIS,
niStaT paiti druxS nACAite
YaDAT aiBiciT jaGmaT
aCawanvm mahrkaqAi aom ciqrvmca stImca AqaTca mare nACAtaEca mairyO aqa ratuS.
13 ahe raya XarvnaMhaca
tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


2
14 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
15 YaT asti amvCan&m spvNtan&m
xCaEtan&m WvrvzidOiqran&m
bvrvzaNt&m aiByAman&m
taxman&m AhUiryan&m
YOi aiqyejaMhO aCawanO,
16 YOi hapta hamO-manaMhO
YOi hapta hamO-WacaMhO
YOi hapta hamO-KyaoqnlMhO
YaEC&m asti hamvm manO
hamvm WacO hamvm Kyaoqnvm
hamO pataca frasAstaca
YO daDwl ahurO mazdl,
17 YaEC&m anyO anyehe
urwAnvm aiBi-WaEnaiti
mvrvqBvNtvm humataECu
mvrvqBvNtvm hUxtaECu
mvrvqBvNtvm hwarStaECu
mvrvqBvNtvm garO-nmAnvm
YaEC&m raoxCnlMhO paNtAnO
Awayat&m awi zaoqrl,
18 YOi hvNti lMh&m dAman&m
YaT ahurahe mazdl
dAtarasca marvxStarasca
qBarvxStarasca aiByAxStarasca nipAtarasca niSharvtarasca.
19 taEciT YOi fraCvm Wasna ahUm daqvn azarvCvNtvm amarvCvNtvm
afriqyaNtvm apuyaNtvm YawaEjim YawaEsum WasO-xCaqrvm
YaT irista paiti usvhiSt&n
jasAT jwayO amvrvxtiS
daqaite fraCvm Wasna aMhuS,
20 bun gaEql amarCaNtIS
Yl aCahe saMuhaitIS,
niStaT paiti druxS nACAite
YaDAT aiBiciT jaGmaT
aCawanvm mahrkaqAi aom ciqrvmca stImca AqaTca mare nACAtaEca mairyO aqa ratuS.
ahe raya XarvnaMhaca
tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


3
21 uGrvm kawaEm YawaEjim YawaEsum WasO-xCaqrvm
YaT irista paiti usvhiSt&n
jasAT jwayO amvrvxtiS
daqaite fraCvm Wasna aMhuS,
12 bun gaEql amarCaNtIS
Yl aCahe saMuhaitIS,
niStaT paiti druxS nACAite
YaDAT aiBiciT jaGmaT
aCawanvm mahrkaqAi aom ciqrvmca stImca AqaTca mare nACAtaEca mairyO aqa ratuS.
13 ahe raya XarvnaMhaca
tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA anyAiS dAm&n,
22 YaT asti mainyawan&m Yazatan&m gaEiqyan&mca zAtan&mca
azAtan&mca fraCO-carvqr&m saoKyaNt&mca.
23 taEciT YOi fraCvm Wasna ahUm daqvn azarvCvNtvm amarvCvNtvm
afriqyaNtvm apuyaNtvm YawaEjim YawaEsum WasO-xCaqrvm
YaT irista paiti usvhiSt&n
jasAT jwayO amvrvxtiS
daqaite fraCvm Wasna aMhuS,
24 bun gaEql amarCaNtIS
Yl aCahe saMuhaitIS,
niStaT paiti druxS nACAite
YaDAT aiBiciT jaGmaT
aCawanvm mahrkaqAi aom ciqrvmca stImca AqaTca mare nACAtaEca mairyO aqa ratuS.
ahe raya XarvnaMhaca
tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


4
25 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
26 YaT upaMhacaT haoKyaMhvm paraDAtvm
darvGvmciT aipi zrwAnvm
YaT xCayata paiti bUmIm haptaiqy&m
daEwan&m maKyAn&mca
YAqB&m pairikan&mca
sAqr&m kaoy&m karafn&mca
YO janaT dwa qriCwa
mAzainyan&m daEwan&m
Warvnyan&mca drwat&m.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


5
27 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
28 YaT upaMhacaT taxmvm urupi azinawaNtvm
YaT xCayata paiti bUmIm haptaiqy&m
daEwan&m maKyAn&mca
YAqB&m pairikan&mca
sAqr&m kaoy&m karafn&mca
29 YaT bawaT aiBi-Wanyl
WIspe daEwa maKyAca
WIspe YAtawO pairiklsca
YaT barata aMrvm mainyUm
framitvm aspahe kvhrpa
qrisatvm aiBi-gAman&m
wa pairi zvmO karana.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


6
30 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
31 YaT upaMhacaT
Yim Yimvm xCaEtvm hw&qBvm
darvGvmciT aipi zrwAnvm
YaT xCayata paiti bUmIm haptaiqy&m
daEwan&m maKyAn&mca YAqB&m pairikan&mca sAqr&m kaoy&m karafn&mca.
32 YO uzbaraT haca daEwaEibyO
uye iStiSca saokAca
uye fCaoniSca W&qBAca
uye qr&fsca frasastiSca,
Ye?he xCaqrADa XairyaNtu
astu uye Xarvqe ajyamne
amarvCaNta pasu WIra
aMhaoCvmne Apa urwaire.
33 Ye?he xCaqrADa nOiT aotvm lMha nOiT garvmvm
nOiT zaurwa lMha nOiT mvrviqyuS
nOiT araskO daEwO-dAtO
para anAdruxtOiT,
para ahmAT YaT hIm aEm
draoGvm WAcim aMhaiqIm
cinmAne paiti barata.
34 AaT YaT hIm aEm draoGvm WAcim aMhaiqIm
cinmAne paiti barata
WaEnvmnvm ahmaT haca XarvnO
mvrvGahe kvhrpa fraCusaT,
awaEnO XarvnO fraEStO
YO YimO xCaEtO hw&qBO
brAsaT YimO aCAtO
dVuS-manahyAica hO stvrvtO
nidAraT upairi z&m.
35 paoirIm XarvnO apanvmata
XarvnO YimaT haca xCaEtAT
CusaT XarvnO YimaT haca WIwaMhuCAT
mvrvGahe kvhrpa WArvGnahe,
aom XarvnO haNgVurwayata miqrO YO Wouru-gaoyaoitiS YO sruT-gaoCO hazaMrA-YaoxStiS,
miqrvm WIspan&m daFyun&m da?hupaitIm Yazamaide Yim fradaqaT ahurO mazdl XarvnaMuhastvmvm mainyawan&m Yazatan&m.
36 YaT bitIm XarvnO apanvmata XarvnO YimaT haca xCaEtAT CusaT
XarvnO YimaT haca WIwaMhuCAT mvrvGahe kvhrpa WArvGnahe,
aom XarvnO haNgVurwayata
WIsO puqrO AqByAnOiS
WIsO sUrayl qraEtaonO
YaT As maKyAn&m Wvrvqrawan&m WvrvqrawastvmO ainyO zaraquStrAT.
37 YO janaT aZIm dahAkvm qrizafanvm qrikamvrvDvm
xCwaS-aCIm hazaMrA-YaoxStIm
aSaojaMhvm daEwIm drujvm
aGvm gaEqAwyO drwaNtvm
Y&m aSaojastvm&m drujvm
fraca kvrvNtaT aMrO mainyuS
aoi Y&m astwaitIm gaEq&m mahrkAi aCahe gaEqan&m.
38 YaT qritIm XarvnO apanvmata XarvnO YimaT haca xCaEtAT CusaT
XarvnO YimaT haca WIwaMhuCAT mvrvGahe kvhrpa WArvGnahe,
aom XarvnO haNgVurwayata naire-manl kvrvsAspO YaT As maKyAn&m uGran&m aojiStO ainyO zaraquStrAT nairyayAT parO h&m-WvrvtOiT.
39 YaT dim upaMhacaT YA uGra naire h&m-WarvitiS,
nairy&m h&m-WarvitIm Yazamaide vrvDBO-zvNg&m aXafny&m
AsitO-gAtUm jaGAurum
YA upaMhacaT kvrvsAspvm.
40 YO janaT aZIm srwarvm
Yim aspO-garvm nvrv-garvm
Yim WICawaNtvm zairitvm
Yim upairi WiS raoDaT
xCwaEpaya WaEnaya barvCna,
Yim upairi WiS raoDaT
ArStyO-barvza zairitvm
Yim upairi kvrvsAspO
ayaMha pitUm pacata
A rapiqBinvm zrwAnvm
tafsaTca hO mairyO XIsaTca,
fr&S ayaMhO frasparaT
YaeKyaNtIm Apvm parlMhAT,
par&S tarStO apatacaT
naire-manl kvrvsAspO.
41 YO janaT gaNdarvBvm Yim zairi-pACnvm
YO apataT WIzafArO
mvrvxCAnO gaEql astwaitIS aCahe,
YO janaT hunawO YaT paqanaya nawa
hunawasca niwikahe
hunawasca dAStayAnOiS,
YO janaT zaranyO-pusvm hitAspvm
WarvCaomca dAnayanvm
pitaonvmca aS-pairikvm.
42 YO janaT arvzO-Camanvm
nairy&m-h&m-WArvtiwaNtvm
taxmvm frAzuStvm ...uStvm
jirvm zbarvmnvm jiGAurum
afrakatacim barOzuCvm
apa-disvm nyAidAuru
apastanaMhO gatO arvzahe.
43 YO janaT snAwiDkvm Yim srwO-zanvm asvNgO-gAum,
hO awaqa WyAxmanyata,
apvrvnAyu ahmi nOiT pvrvnAyu
Yezi bawAni pvrvnAyu
z&m caxrvm kvrvnawAne
asmanvm raqvm kvrvnawAne,
44 awanayeni spvNtvm mainyUm
haca raoxCna garO-nmAna
uspatayeni aMrvm mainyUm
vrvGata haca duZaMha,
tE mE WACvm qaNjaylNte
spvNtasca mainyuS aMrasca
Yezi m&m nOiT janAT naire-manl kvrvsAspO,
tvm janAT naire-manl kvrvsAspO awi apanvm gayehe
sAnvm uStAnahe.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


7
45 uGrvm aXarvtvm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
46 Yahmi paiti parvXAiqe
spvNtasca mainyuS aMrasca
aEtahmi paiti aT aXarvte,
aDAT aSte fraMharvcayaT AsiSte katarasciT,
spvNtO mainyuS aStvm fraMharvcayaT Wohuca manO aCvmca WahiStvm Atrvmca ahurahe mazdl puqrvm,
aMrO mainyuS aStvm fraMharvcayaT akvmca manO aECvmvmca xrwI-drUm aZImca dahAkvm spityurvmca YimO-kvrvNtvm.
47 aDAT fraCa h&m-rAzayata
AtarS mazdl ahurahe
uiti awaqa maMhAnO,
aEtaT XarvnO haNgvrvfCAne YaT aXarvtvm,
AaT hE paskAT fradwaraT
aZiS qrizafl duZdaEnO
uta zaxCaqrvm daomnO,
48 inja awaT haNdaEsayaMuha
AtarS mazdl ahurahe,
Yezi aEtaT nyAslMhe YaT aXarvtvm
frA qB&m paiti apAqa
nOiT apaya uzraocayAi
z&m paiti ahuraDAt&m
qrAqrAi aCahe gaEqan&m,
aDa AtarS zasta paiti apa-gvurwayaT fraxCni uStAnO-cinahya Yaqa aZiS biZiwlMha.
49 aDAT fraCa h&m-dwaraT
aZiS qrizafl duZdaEnO
uiti awaqa maMhAnO,
aEtaT XarvnO haNgrvfCAne YaT aXarvtvm,
AaT hE paskAT h&m-rAzayata
AtarS mazdl ahurahe
uiti WacVbiS aojanO,
50 tinja awaT haNdaEsayaMuha
aZe qrizafvm dahAka
Yezi aEtaT nyAslMhe YaT aXarvtvm
frA qB&m zadaMha paiti uzuxCAne zafarv paiti uzraocayeni nOiT apaya afrapatAi
z&m paiti ahuraDAt&m
mahrkAi aCahe gaEqan&m,
aDa aZiS gawa paiti apa-gvurwayaT
fraxCni uStAnO-cinahya
Yaqa AtarS biBiwlMha.
51 aEtaT XarvnO frapinwata
awi zrayO Wouru-kaCvm,
A-dim haqra haNgvurwayaT
ap&m napl aurwaT-aspO,
taTca izyeiti ap&m napl aurwaT-aspO,
aEtaT XarvnO haNgrvfCAne YaT aXarvtvm
bunvm zrayaMhO gufrahe
bune jafran&m Wairyan&m.
52 bvrvzaNtvm ahurvm xCaqrIm xCaEtvm ap&m napAtvm aurwaT-aspvm
Yazamaide
arCAnvm zawanO-sum
YO nvrVuS daDa YO nvrVuS tataCa
YO upApO YazatO
sruT-gaoCOtvmO asti YezimnO.
53 AaT WO kasciT maKyAn&m
uiti mraoT ahurO mazdl
Ai aCAum zaraquStra
XarvnO aXarvtvm isaEta,
aqaurunO hO rAtan&m
raoxCni-xCnUtvm iClMhaEta
aqaurunO hO rAtan&m
pouru-xCnUtvm iClMhaEta
aqaurunO hO rAtan&m.
54 tvm hacAT aCiS
pouruS-XAqra spAra-dASta
sUra gVuSca WAstraheca
tvm hacAT Wvrvqrvm WIspO-ayArvm amaEniGnvm tarO-YArvm,
AaT ana Wvrvqra hacimnO
WanAT haEnayl xrwiCyeitiS
AaT ana Wvrvqra hacimnO
WanAT WIspe TbiCyaNtO.
ahe raya XarvnaMhaca tvm YazAi surunwata Yasna
uGrvm aXarvtvm XarvnO
mazdaDAtvm zaoqrAbyO,
uGrvm aXarvtvm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


8
55 uGrvm aXarvtvm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
56 YaT isaT mairyO tUiryO fraMrase
zrayaMhO Wouru-kaCahe,
maGnO apa-spayaT Wastrl
taT XarvnO isO YaT asti
airyan&m daFyun&m
zAtan&m azAtan&mca
YaTca aCaonO zaraquStrahe,
A-taT XarvnO frazgaData
taT XarvnO apatacaT
taT XarvnO apa-hiDaT,
aDa hAu apaGZArO bwaT
zrayaMhO Wouru-kaCahe
WairiS YO haosrawl n&ma.
57 AaT us-pataT fraMrase
tUrO aS-Warvcl spitama zaraquStra
zrayaMhaT haca WourukaCAT
aG&m daoiqrIm daomnO,
iqe iqa Yaqna ahmAi nOiT taT XarvnO pairi-abaom YaT asti airyan&m daFyun&m zAtan&m azAtan&mca YaTca aCaonO zaraquStrahe.
58 WaEm h&m-raEqBayeni
WIspa tarCuca xCuDraca
masanaca WaMhanaca srayanaca,
qB&m zjaiti ahurO mazdl
paitiCl dAm&n daqAnO,
AaT awa-pataT fraMrase
tUrO aS-Warvcl spitama zaraquStra
awi zrayO WourukaCvm.
59 ATbitIm maGnO apa-spayaT Wastrl
taT XarvnO isO YaT asti
airyan&m daFyun&m zAtan&m azAtan&mca
YaTca aCaonO zaraquStrahe,
A-taT XarvnO frazgaData
taT XarvnO apatacaT
taT XarvnO apa-hiDaT,
aDa hAu apaGZArO bwaT
zrayaMhO Wouru-kaCahe
WairiS YO WaMhazdl n&ma.
60 AaT us-pataT fraMrase
tUrO aS-Warvcl spitama zaraquStra
zrayaMhaT haca WourukaCAT
aG&m daoiqrIm daomnO,
iqe iqa Yaqna ahmAi awaeqa iqa Yaqna kahmAi,
nOiT taT XarvnO pairi-abaom YaT asti airyan&m daFyun&m zAtan&m azAtan&mca YaTca aCaonO zaraquStrahe.
61 WaEm h&m-raEqBayeni
WIspa tarCuca xCuDraca
masanaca WaMhanaca srayanaca,
qB&m zjaiti ahurO mazdl
paitiCl dAm&n daqAnO,
AaT awa-pataT fraMrase
tUrO aS-Warvcl spitama zaraquStra
awi zrayO WourukaCvm.
62 AqritIm apa-spayaT Wastrl taT XarvnO isO YaT asti airyan&m
daFyun&m zAtan&m azAtan&mca
YaTca aCaonO zaraquStrahe,
A-taT XarvnO frazgaData
taT XarvnO apatacaT
taT XarvnO apa-hiDaT,
aDa hAu apaGZArO bwaT
zrayaMhO Wouru-kaCahe
AfS YA aBZdAnwa n&ma.
63 AaT us-pataT fraMrase
tUrO aS-Warvcl spitama zaraquStra
zrayaMhaT haca WourukaCAT
aG&m daoiqrIm daomnO,
iqe iqa Yaqna ahmAi awaqe iqa Yaqna ahmAi AwOya iqa Yaqna ahmAi,
nOiT taT XarvnO pairi-abaom
YaT asti airyan&m daFyun&m
zAtan&m azAtan&mca
YaTca aCaonO zaraquStrahe.
64 nOiT taT XarvnO pairi-abawaT YaT asti airyan&m daFyun&m
zAtan&m azAtan&mca YaTca aCaonO zaraquStrahe.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


9
65 uGrvm aXarvtvm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
66 YaT upaMhacaiti
YO awaDAT fraxCayeite
Yaqa zrayO YaT k&saEm haEtumatvm
Yaqa gairiS YO uCiDl
Yim aiBitO paoiriS ApO
h&m gairiCAcO jasvNtO.
67 awi tvm awi-haNtacaiti awi tvm awi h&m-Wazaite
XAstraca hwaspaca
fradaqa XarvnaMuhaitica
YA srIra uStawaitica
YA sUra urwaDca pouru-WAstra
vrvzica zarvnumatica,
awi tvm awi haNtacaiti awi tvm awi h&m-Wazaite
haE... raEwl XarvnaMuhl
spaEtiniS WarvmiS sispimnO
......vmnO paoiriS WOiGnl.
68 hacaiti dim aspahe aojO
hacaiti uStrahe aojO
hacaiti WIrahe aojO
hacaiti kawaEm XarvnO
astica ahmi aCAum zaraquStra
awawaT kawaEm XarvnO
Yaqa YaT iDa anairyl da?huS
hakaT usca us-frAwayOiT.
69 aqra pascaEta Waozirvm
baoDvNtO CuDvm tarCnvmca
baoDvNtO aotvm urwAxrvmca,
taT asti kawaEm XarvnO
qrAqrvm airyan&m daFyun&m
gVuSca paNcO-hyayAi
awaMhe nar&m aCaon&m
daEnaylsca mAzdayasnOiS.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


10
70 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
71 YaT upaMhacaT kawaEm kawAtvm Yimca kawaEm aipi-Wohum Yimca
kawaEm usaDanvm Yimca kawaEm arCnvm Yimca kawaEm pisinvm Yimca kawaEm byarCAnvm Yimca kawaEm syAwarCAnvm 72 YaT bAun WIspe aurwa WIspe taxma WIspe qamnaMhuNta WIspe
WarvcaMhuNta WIspe YaoxStiwaNta WIspe darCi-kairi kawe.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


11
73 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
74 YaT upaMhacaT kawaEm haosrawaMhvm
amaheca paiti hutAStahe WvrvqraGnaheca paiti ahuraDAtahe
WanaiNtylsca paiti uparatAtO saMuhasca paiti husastayl saMuhasca paiti amuyamnayl saMuhasca paiti awanvmnayl haqrawataheca paiti hamvrvqan&m 75 drwaheca paiti aojaMhO XarvnaMhasca paiti mazdaDAtahe
tanuylsca paiti drwatAtO Asnaylsca paiti WaMhuyl frazaNtOiS daMrayl WyAxanayl xCOiqnyO spitidOiqrayl &zO-bUjO hwIrayl huzaNtVuS paiti aparayl Wyarvqyayl WahiStahe aMhVuS 76 xCaqraheca paiti bAnumatO darvGaylsca paiti darvGO-jItOiS
WIspan&mca paiti ayaptan&m WIspan&mca paiti baECazan&m.
77 YaT kawa haosrawa t&m kvrvsvm upa t&m carvt&m Y&m
darvG&m nawa-frAqBvrvs&m razurvm YaT dim mairyO nurvm aspaECu paiti parvtata,
WIspe bawaT aiBi-Wanyl
ahurO kawa haosrawa
mairIm tUirIm fraMrasyAnvm
baNdayaT kvrvsawazdvm
puqrO kaEna syAwarCAnAi
zurO-jatahe narahe
aGraEraqaheca narawahe.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


12
78 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
79 YaT upaMhacaT
aCawanvm zaraquStrvm
anumatVe daEnayAi
anuxtVe daEnayAi
anwarStVe daEnayAi
YaT as WIspahe aMhVuS astwatO aCvm aCawastvmO xCaqrvm huxCaqrOtvmO raEm raEwastvmO XarvnO XarvnaMuhastvmO Wvrvqra WvrvqrawastvmO.
80 WaEnvmnvm ahmaT para daEwa patayvn WaEnvmnvm mayl frAwOiT
WaEnvmnvm apara karCayvn
jainiS haca maKyAkaEibyO,
AaT tl snaoDvNtiS gvrvzAnl
hazO niwarvzayvn daEwa.
81 AaT tE aEwO ahunO WairyO Yim aCawanvm zaraquStrvm
frasrAwayaT WI-bvrvqBvNtvm AxtUirIm aparvm xraoZdyehya frasrUiti zvmarvgUza awazaT WIspe daEwa ayesnya awahmya.
82 Ye?he taT XarvnO isaT mairyO tUiryO fraMrase WIspAiS awi
karCw&n YAiS hapta,
pairi YAiS hapta karCw&n
mairyO apataT fraMrase
isO XarvnO zaraquStrAi,
A-taT XarvnO frazgaData
awi Way&n WItApvm,
inja mE urwisyatvm aEzO jasatvm aEzahe Yaqa kaqaca tE As zaoCO mana YaT ahurahe mazdl daEnaylsca mAzdayasnOiS.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


13
83 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
84 YaT upaMhacaT kawaEm WIStAspvm
anumatVe daEnayAi
anuxtVe daEnayAi
anwarStVe daEnayAi
YaT im&m daEn&m Astaota
duSmainyUm siZdyO daEw&n apa aCaw&n.
85 YO druca paurw&nca aCAi rawO YaECa YO druca paurw&nca aCAi
rawO WIwaEDa YO bAzuSca upastaca WIsata ai?hl daEnayl YaT ahurOiS zaraquStrOiS,
86 YO hIm stAt&m hit&m haitIm uzwaZaT haca hinUiByO
nI-hIm dasta maiDyOiCADvm
bvrvzi-rAzvm afrakaDawaitIm aCaonIm qr&fD&m gVuSca WAstraheca
friq&m gVuSca WAstraheca.
87 bawaT aiBi-Wanyl
Yasv taxmO kawa WIStAspO
t&qryAwaNtvm duZdaEnvm
pvCanvmca daEwayasnvm
drwaNtvmca arvjaT-aspvm
uta anylsciT aGa
duZwaNdrawO FyaonlMhO.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


14
88 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
89 YaT upaMhacaT
saoKyaNt&m WvrvqrAjanvm
uta anylsciT haxayO,
YaT kvrvnawAT fraCvm ahUm
azarCvNtvm amarvCvNtvm
afriqyaNtvm apuyaNtvm
YawaEjim YawaEsum WasO-xCaqrvm
YaT irista paiti usvhiStAT
jasAT jwayO amvrvxtiS
daqaite fraCvm Wasna aMhuS,
90 bun gaEql amarCaNtIS Yl aCahe saMuhaitIS,
niStaT paiti druxS nACAite YaDAT aiBiciT jaGmaT aCawanvm mahrkaqAi aom ciqrvmca stImca AqaTca mare nACAtaEca mairyO aqa ratuS.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


15
91 uGrvm kawaEm XarvnO mazdaDAtvm Yazamaide aS-WaNdrvm
uparO-kairIm qamnaMuhaNtvm WarvcaMuhaNtvm YaoxStiwaNtvm taraDAtvm anyAiS dAm&n,
92 YaT astwaT-vrvtO fraxStAite
haca apaT k&saoyAT
aStO mazdl ahurahe
WIspa-taurwayl puqrO
WaEDvm WaEjO Yim WArvqraGnvm
Yim baraT taxmO qraEtaonO
YaT aZiS dahAkO jaini,
93 Yim baraT fraMrase tUrO
YaT drwl zainigAuS jaini
Yim baraT kawa haosrawa
YaT tUrO jaini fraMrase
Yim baraT kawa WIStAspO
aCahe haEnayl caECvmnO,
tl awaDa drujvm niZbarAT
aCahe haca gaEqAbyO.
94 hO diDAT xratVuS dOiqrAbyO
WIspa dAm&n paiti WaEnAT
SO duSciqrayayl
hO WIspvm ahUm astwaNtvm
iZayl WaEnAT dOiqrAbya
darvsca daqaT amvrvxCyaNtIm
WIsp&m Y&m astwaitIm gaEq&m.
95 a?he haxayO frAyeNte
astwaT-vrvtahe WvrvqraGnO
humanaMhO hwacaMhO
huKyaoqnlMhO huDaEna
naEDa-ciT miqO-aojlMhO
aEC&m XaEpaiqya hizwO,
aECu parO frAnAmAite
aECmO xrwidruxS duSXarvnl,
WanAT aCa ak&m drujim
Y&m duSciqr&m tvmaMhaEnIm.
96 Wanaiti akvmciT manO
Wohu manO taT Wanaiti,
Wanaiti miqaoxtO ------
vrvZuxDO WAxS tvm Wanaiti,
WanAT haurwlsca amvrvtlsca
wa CuDvmca tarCnvmca
WanAT haurwlsca amvrvtlsca
aGvm CuDvmca tarCnvmca,
frAnAmAiti duZwarStAwarS
aMrO mainyuS axCyamanO.
ahe raya XarvnaMhaca tvm YazAi surunwata Yasna
uGrvm kawaEm XarvnO mazdaDAtvm zaoqrAbyO,
uGrvm kawaEm XarvnO mazdaDAtvm Yazamaide haomayO gawa barvsmana hizwO daMhaMha m&qraca
Wacaca Kyaoqnaca zaoqrAbyasca arSuxDaEibyasca WAGZibyO.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


(Recite silently:)

97 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)

YaqA ahU WairyO...(2).
Yasnvmca Wahmvmca aojasca zawarvca AfrInAmi
garOiS uCi-darvnahe mazdaDAtahe aS-XAqrahe kAwayeheca XarvnaMhO
mazdaDAtahe aXarvtaheca XarvnaMhO mazdaDAtahe.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


20. Hom Yasht

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT.
hOm YazaT bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

haomahe aCawazaMhO
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.


1 haomvm zAirIm bvrvzaNtvm Yazamaide,
haomvm frACmIm frAdaT-gaEqvm Yazamaide,
haomvm dUraoCvm Yazamaide.
nI-tE zAire maDvm mruye
nI amvm nI WvrvqraGnvm
nI daswarv nI baECazvm
nI fradaqvm nI Warvdaqvm
nI aojO WIspO-tanUm
nI mastIm WIspO-paEsaMhvm,
nI taT Yaqa gaEqAhwa
WasO-xCaqrO fracarAne
TbaECO taurwl drujvm WanO,
nI taT Yaqa taurwayeni.
2 haomvm zAirIm bvrvzaNtvm Yazamaide,
haomvm frACmIm frAdaT-gaEqvm Yazamaide,
haomvm dUraoCvm Yazamaide,
WIspe haoma Yazamaide,
zaraquStrahe spitAmahe iDa aCaonO aCImca frawaCImca Yazamaide.
Ye?hE hAt&m AaT YesnE paitI WaMhO mazdl ahurO WaEqA aCAT hacA
YlMh&mcA t&scA tlscA Yazamaide.


(Recite silently:)

3 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)


(RvSitv aloud:)
YaqA ahU WairyO...(2).
Yasnvmca Wahmvmca aojasca zawarvca AfrInAmi
haomahe aCawazaMhO.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....


21. Vanant Yasht (Hymn to the Star Vega)

0 (pa n&m i Yazd&, hOrmvzd i XadAe i aBazUnI gurz Xarahe
aBazAyAT,
WanaNd star YazaT i hOrmvzd dAT i aCawa aSahe raT bV rasAT,
vZ hamA gunAh ... pa patit hOm.)


xCnaoqra ahurahe mazdl, tarOidIti aMrahe mainyVuS,
haiqyAwarSt&m hyaT WasnA fvraCOtvmvm. staomI aCvm,
aCvm WohU...(3).
frawarAne mazdayasnO zaraquStriS WIdaEwO ahura-TkaECO,


(Here recite the appropriate Gah dedication.)

WanaNtO stArO mazdaDAtahe
xCnaoqra YasnAica WahmAica xCnaoqrAica frasastayaEca,
YaqA ahU WairyO zaotA frA-mE mrUtE,
aqA ratuS aCATcIT haca frA aCawa WIDwl mraotU.
1 WanaNtvm stArvm mazdaDAtvm aCawanvm aCahe ratUm Yazamaide,
YazAi WanaNtvm amawaNtvm aoxtO-nAmanvm baECazvm paitiStAtVe ajastaca zOiZdiStaca apayaNtamaheca aMrahe mainyVuS xrafstra (...WanaNtvm stArvm ... xrafstra (1 u 2 u 3).)


(Recite silently:)

2 (hOrmvzd i XadAe i aBazUnI mardum mardum sardag& hamA sardag&
ham bA YaSt i Wah& Waem Wahv dIn i mAzdayasn& AgAhI Astw&nI nVkI ras&nAT VduN bAT,)

(Recite aloud:)
YaqA ahU WairyO...(2).
Yasnvmca Wahmvmca aojasca zawarvca AfrInAmi
WanaNtO stArO mazdaDAtahe.
aCvm WohU....
ahmAi raESca ... hazaMrvm ... jasa-mE ... (kvrba maZd) ... aCvm WohU.....
(bIst u du YaSt tam&m SuT)
.-----.
---.